প্রধানমন্ত্রীগী লোইশঙ
পি.এম.না শিক্ষক পর্বকী হৌদোকপগী থৌরমদা ৱা ঙাংখ্রে অমসুং এজুকেসন সেক্তরগী তোঙান-তোঙানবা মরু ওইবা থৌরাংশিংসু হৌদোকখ্রে
আজাদী কা অমৃত মহোতসবকী মখাদা হৌদোকখিবা অনৌবা থৌরাংশিং অসিনা এজুকেসনগী ওইবা অওনবা অমা পুরক্লগনি অমসুং গ্লোবেল মেপতা ভারতকী এজুকেসন সিস্তেমনা মফম অমা কনবা ঙম্লগনি: পি.এম.
ঐখোয়না হোংলকপা নাইরিবা মতম অমদা হিংলি অদুবু লাইবক ফবদি ঐখোয়দসু মতমগা চুনবা অমসুং তুংলমচৎকী কান্নরবা অনৌবা নেস্নেল এজুকেসন পোলিসী লৈরে: পি.এম.
ভারত্তা মীয়াম্না থৌদাং য়াশিনবা অসি অমুক হন্না লৈবাক্কী মচৎ অমা ওইরক্লি: পি.এম.
প্রধান মন্ত্রীনা হায়জখিবগী মতুং ইন্না ওলিম্পিয়ন অমসুং পেরালিম্পিয়ন খুদিংমক্না মহৈলোয়শঙ ৭৫দা চৎকনি
এজুকেসন সেক্তরদা অনৌবা অওনবশিং লাক্লিবা অসি পোলিসীদা য়ুম্ফম ওইবতা নত্তনা থৌদাং য়াবদসু য়ুম্ফম ওইরি: পি.এম.
লৈবাকসিনা ‘সবকা সাথ, সবকা বিকাস, সবকা বিস্বাস’কা লোইননা ‘সবকা প্রয়াস’কী ফিরেপ অমা লৌরিবসি ‘বিদ্ধাঞ্জলি ২.০’গী ফম্পাক অমগুম্বনি: পি.এম.
এন.-দিয়রনা মহৈ মশিংগী তোঙান-তোঙানবা থবক থৌরমশিংগী মরক্তা ‘সুপর-কনেক্ত’ অমা ওইরগনি: পি.এম.
নিস্থা ৩.০না কম্পিতেন্সীদা য়ুম্ফম ওইরগা তাকপী-তম্বীবা, আর্ত ইন্তিগ্রেসন অমসুং ক্রিএতিব অমদি ক্রিতিকেল থিঙ্কিং থৌগৎলগনি: পি.এম.
Posted On:
07 SEP 2021 11:48AM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী থোংদা শিক্ষক পর্বকী হৌদোকপগী থৌরমদা ৱা ঙাংখি। মহাক্না ইন্দিয়ন সাইন লেংগ্বেজ দিক্সনরী (য়ুনিভর্সেল দিজাইন ওফ লর্নিংগী মতুং ইন্না তাবা ঙমদ্রবা মীওইশিংগীদমক্তা ওদিও অমসুং তেক্স এম্বেদেদ সাইন লেংগ্বেজ ভিদিও), তোকিং বুকশিং (মীৎ উবা ঙমদ্রবা মীওইশিংগীদমক্তা ওদিও বুকশিং), সি.বি.এস.ই.গী স্কুল ক্বালিতী এস্যুরেন্স এন্দ এসেসমেন্ত ফ্রেমৱর্ক, নিপুন ভারত অমসুং বিদ্ধাঞ্জলি পোর্তেলগী নিস্থা তীচর্স ত্রেনিং প্রোগ্রাম (স্কুল চাউখৎহন্নবগীদমক্তা এজুকেসন ভোল্যুন্তীয়রশিং/ দোনরশিং/ সি.এস.আর. কন্ত্রিব্যুতরশিংদা মতেং পাংনবা) হায়রিবশিং অসিসু হৌদোকখ্রে।
মীতিন অসিদা ৱা ঙাংলদুনা প্রধান মন্ত্রীনা নেস্নেল এৱার্দ ফংখ্রবা ওজাশিংদা নুংঙাইবা ফোঙদোকখ্রে। লুরাবা তানফমশিংদা লৈবাক অসিগী মহৈরোয়শিংগী তুংলমচৎকীদমক ওজাশিংনা লৌখিবা থৌদাং অদুবু থাগৎপা ফোঙদোকখ্রে। মহাক্না হায় ঙসি, শিক্ষক পর্বকী থৌরম অসিদা অনৌবা স্কীম কয়া হৌদোক্লি, লৈবাকসিনা হৌজিক নীংতম্বগী অমৃত মহোতসব পাঙথোক্লিবসিদা মসি অমুক্কা হেন্না মরু ওইহল্লি হায়না মহাক্না ফোঙদোকখি। নীং তম্বগী চহি ১০০ শুরবপদা ভারতনা করি ফীভম ওইহনগনি হায়বসিদা অনৌবা ফিরেপ কয়া লৌরি। প্রধান মন্ত্রীনা লাইচৎ অসিনা পীখিবা শীংনবশিং অসি মহৈরোয়শিং, ওজাশিং অমসুং অপুনবা একাদেমিক কম্ম্যুনিতীনা মায়োক য়াখিবগীদমক থাগৎখ্রে অমসুং মখোয়দা লুরবা তানফমশিং অসি মায়োক্নবা ঙম্নবা দিবেলপ তৌখিবা কেপেবিলিতীশিং অদু শীজিন্ননবা হায়খ্রে। মহাক্না হায়খি, “করিগুম্বা ঐখোয় অহোংবা নাইরিবা মতম অমদা লৈরবা তারবদি, লাইবক ফবা ওইনা ঐখোয়দা মতমগা চুনরবা অমসুং তুংলমচৎকী কান্নরবা অনৌবা নেস্নেল এজুকেসন পোলিসী অসি ঐখোয়দা লৈরে”।
প্রধান মন্ত্রীনা নেস্নেল এজুকেসন পোলিসী শেম-শাবদগী হৌরগা চৎনহনবা ফাওবা, তাঙ্কক খুদিংদা একাদমিক্সিয়নশিং, এক্সপর্তশিং, ওজাশিং পুম্নমক্না শরুক য়াখিবগীদমক থাগৎপা ফোঙদোকখ্রে। মহাক্না মীপুম খুদিংমক্তা মসি অনৌবা থাক অমদা পুখৎনবা শরুক য়াবীনবা অমসুং মসিদা খুন্নাইনা শরুক য়াশিন্নবসু হায়খ্রে। এজুকেসন সেক্তরদা পুরক্লিবা অওনবশিং অসি শুপ্নগী পোলিসীদা য়ুম্ফম ওইবা নত্তে মসি থৌদাং য়াশিনবদসু য়ুম্ফম ওইবা অমনি হায়না মহাক্না মখা তাখি।
প্রধান মন্ত্রীনা হায়খি লৈবাকসিনা ‘সবকা সাথ, সবকা বিকাস, সবকা বিস্বাস’কা লোইননা ‘সবকা প্রয়াস’কী ফিরেপ অমা লৌরিবসি ‘বিদ্ধাঞ্জলি ২.০’গী ফম্পাক অমগুম্বনি। খুন্নাই অসিদা, ঐখোয়গী লনাই সেক্তরসিনা মাংদা চৎখৎলকপা তাই অমসুং লৈঙাক্কী মহৈ তম্ফমশঙশিংদা মহৈ মশিংগী মতিং হেনগৎহনবদা থৌদাং লৌবা তাই।
প্রধান মন্ত্রীনা হায়খি, হৌখিবা চহি খরা অসিদা মীয়াম্না থৌদাং য়াশিনবা হায়বসি ভারতকী লৈবাক্কী অনৌবা মচৎ অমা ওইরক্লি। হৌখিবা চহি ৬-৭সিদা মীয়াম্না থৌদাং লৌরকপগী থৌনাসিনা মরম ওইরগা মঙদসু মঙলুদ্রবা থবক কয়া কয়া ভারতনা তৌরি। খুন্নাইসিনা পুন্না করিগুম্বা খরা তৌরকপদা শোয়দনা মহৈ য়াল্লি হায়না মহাক্না ফোঙদোকখ্রে। প্রধান মন্ত্রীনা পুন্সিগী তোঙান-তোঙানবা হীরমদা লৈজরবসু মীপুম খুদিংমক্না নহারোলশিংগী তুংলমচৎ শেম্বীবদা থৌদাং অমা লৌফম থোকই হায়না হায়খ্রে। মহাক্না হন্দক্তা পাঙথোকখিবা ওলিম্পিক্স, পেরালিম্পিক্সতা ঐখোয়গী শান্নরোয়শিংনা উৎখিবা শীংথানীংঙাই ওইবা পর্ফোর্মেন্স অদু নীংশিংখ্রে। মহাক্না হায়, আজাদী কা অমৃত মহোতসবকী মনুংদা শান্নরোয় খুদিংমক্না য়ামদ্রবদা মহৈলোয়শঙ ৭৫দা চৎপীনবা মহাক্না হায়জখিবা অদু মহৈরোয়শিংনা হরাও-হরাও য়াবীরকখি। মসিনা মহৈরোয়শিংদা ইথিল পীগনি অমসুং তেলেন্ত লৈবা মহৈরোয় কয়াদা স্পোর্তসকী লমদা মাংদা থোরক্নবা থৌনা হাপ্লগনি, হায়না মহাক্না ফোঙদোকখ্রে।
প্রধান মন্ত্রীনা হায়খি লৈবাক অমা চাউখৎনবগীদমক মহৈ মশিং হায়বসি পুম্নমক কোনশিনবতা নত্তনা মান্নবা থাক অমদা পুরকপা মথৌ তাই। মহাক্না মখা তারদুনা হায়খি, মহৈ মশিংদা থাক মান্নদবা ফীভম মুত্থত্তুনা মদুবু মতমগা চুনবা ওইহনবদা নেসনেল দিজিতেল এজুকেসনেল অর্কিতেকচর হায়বদি এন-দিয়রগী অচৌবা থৌদাং অমা লৌরবা য়াই। য়ু.পি.আই. ইন্তরফেসনা বেঙ্কিং সেক্তরদা অওনবা পুরকখিবগুম, এন.-দিয়রনা মহৈ মশিংগী তোঙান-তোঙানবা থবক থৌরমশিংগী মরক্তা ‘সুপর-কনেক্ত’ অমা ওইরগনি। লৈবাক অসিনা তোকিং বুকশিং নৎত্রগা ওদিও বুকশিংনচিংবা তেক্নোলোজী অসি মহৈ মশিং তম্বগী শরুক অমা ওইহল্লি।
মহাক্না হায়খি স্কুল ক্বালিতী এস্যুরেন্স এন্দ এসেসমেন্ত ফ্রেমৱর্ক (এস.ক্যু.এ.এ.এফ.), ঙসি মথৌ তৌবা হৌহল্লিবা অসিনা করিকুলমশিং, পেদাগোজী, এসেসমেন্ত, ইনফ্রাস্ত্রকচর, ইনক্লুসিন প্রেক্তিসশিং অমসুং গভর্নান্স প্রোসেসকুম্বা দাইমেন্সনশিংদা সাইন্তিফিক ফ্রেমৱর্ক অমা লৈতবগী অৱাৎপা লৈরিবা অসি কোকহনগনি। এস.ক্যু.এ.এ.এফ.না মসিগী খেন্নবা অসি কোকহনবদা মতেং ওইগনি।
মহাক্না মখা তারদুনা হায়খি, খোঙজেল য়াংনা হোংলক্লিবা চহিচা অসিদা ঐখোয়গী ওজাশিংনা অনৌবা সিস্তেমশিং অমসুং তেক্নিকশিং অসিগী মরমদা খোঙজেল য়াংনা খঙজিন্নবা হোৎনবসু তাই। মহাক্না হায় লৈবাক অসিনা মাগী ওজাশিংবু ‘নিস্থা’ ত্রেনিং প্রোগ্রামশিংগী খুত্থাংদা অহোংবশিং অসিগী মরমদা তাক্লি।
প্রধান মন্ত্রীনা হায়খি, ভারতকী ওজাশিংনা মালেমগী স্তেন্দর্দ অমা হেক্তদা থুংহনবা ঙম্বতা নত্তনা মখোয়গী মফমদা মরুওইবা কেপিতেলসু লৈ। মখোয়গী অসিগুম্লবা মরুওইবা কেপিতেল, মরুওইবা থৌনা হায়রিবসি মখোয়দা চেল্লিবা ভারতকী হৌন-লোনচৎ অদুবুনি। মহাক্না হায়খি, ঐখোয়গী ওজাশিংনা মখোয়গী থবকপু শুপ্নতগী শিন্ফম অমা ওইনা লৌদে, মখোয়গী মফমদদি তাকপি তম্বিবা হায়বসি মীওইবগী তৌফম থোকপা, অশেংবা থৌদাং অমনি হায়না লৌনৈ। মরম অসিনা ওজা অমসুং অঙাংশিংগী মরক্তা প্রোফেসনেল ওইবা মরী লৈবতা নত্তনা ইমুং-মনুংগী ওইবা মরী অদুসু লৈনৈ। অমসুং লীপুন অসি পুন্সি চুপ্পগী ওই হায়না প্রধান মন্ত্রীনা মখা তাখ্রে।
***
(Release ID: 1752798)
Visitor Counter : 244
Read this release in:
Kannada
,
Telugu
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Malayalam