আয়ুশ মিনিস্ত্রীদা ঙসি লৈবাক অসিগী মফম ৪৫ হেনবদগী “আয়ুশ আপকে দ্বার” কেম্পেইন হৌদোকখ্রে। আয়ুশকী রাজ্যগী মন্ত্রী দাঃ মুঞ্জাপরা মহেন্দ্রভাইনা আয়ুশ ভৱান্দা হিদাক-লাংথক্কী পাম্বীশিং স্তাফতা য়েন্থোক্তুনা কেম্পেইন অসি হৌদোকখি। থৌরম অসিদা দাঃ মুঞ্জাপরানা হিদাক-লাংথক্কী পাম্বীশিং অসি ইমুংগী শরুক অমা ওইনা চেকশিন্না থম্নবা আপিল তৌখি।

ঙসিগী হৌদোকপগী থৌরম অসিদা অপুনবা রাজ্য ২১না য়ারি অমদি পাম্বী চারা লাখ ২ হেন্না য়েন্থোক্কদৌরি। আয়ুশ মিনিস্তর, শ্রী সর্বানন্দা সোনোৱালসু কেম্পেইন অসি মুম্বাইদগী হৌদোক্কনি। কেম্পেইন অসিনা চহি অমদা ইমুং লাখ ৭৫দা হিদাক-লাংথক্কী পাম্বী চারা লাখ ৭৫ য়েন্থোক্নবা পান্দম থম্লি। হিদাক-লাংথক্কী পাম্বীশিং অসিদা য়াওরিবশিং অসি তেজপত্তা, স্তেবিয়া, অসোকা, জাতামান্সি, গীলোই/গদুচী, অশ্বাগন্ধা, কুমারী, শাতবরী, লেমনগ্রাস, গুগগুলু, তুলসি, সর্পাগন্ধা, কালমেঘ, ব্রম্হি  অমসুং অম্লানি।

আয়ুশ সেক্রেতরী, বাইদ্যা রাজেশ কোতেচা, আয়ুশ স্পেসিএল সেক্রেতরী শ্রী পি.কে.পাথক, আয়ুশকী জোইন্ত সেক্রেতরী শ্রী দি. সেন্থিল পন্দিয়ন অমসুং অতৈ মকোক থোংবা ওফিসিএলশিংনা থৌরম অসিদা শরুক য়াখি।

অজাদী কা অমৃত মহোৎসবকী মখাদা ৱাই-ব্রেক এপ, প্রোফাইলেক্তিক দ্রগ য়েন্থোকপা য়াওনা অতৈ থৌরমশিং হান্ননা হৌদোকখ্রে। স্কুল অমসুং কোলেজ মহৈরোইশিংগী লেকচর সেরিজ অমা হয়েং পাংথোক্কনি অমসুং ৱাই-ব্রেক এপ্তা ৱেবিনার অমা সেপ্তেম্বরগী ৫দা শিনগনি।

*****