নুপী অমসুং অঙাংগী চাউখৎ-থৌরাং মন্ত্রী, শ্রীমতি স্মৃতি জুবিন ইরানিনা ওগস্ত ৩০দগী ৩১ ফাওবা কেৱরিয়া, গুজরাত্তা পাঙথোকপা নেস্নেল কনফরেন্স ২০২১দা ময়াই তাংবল লৌখি অমসুং দবল্যু.সি.দি.গী রাজ্য মন্ত্রী দা. মহেন্দ্র ভাই মুঞ্জপরা অমসুং তোঙান-তোঙানবা রাজ্যশিংগী মন্ত্রীশিং লোইননা রাজ্যশিং/য়ু.তি.শিংগী নুপী অমসুং অঙাংগী চাউখৎ-থৌরাং/সোসিএল ৱেলফিয়র বিভাগকী প্রিন্সিপল সেক্রেতরীশিংনা শরুক য়াখি। নেস্নেল কনফরেন্স অসি মন্ত্রালয় অসিগী স্কীমশিং অমসুং প্রোগ্রামশিং নীংথিজনা ইপ্লিমেন্ত তৌনবা অমসুং গভর্নান্সকী মতাংদা খন্ন-নৈনবা ফম্পাক অমা ওইখি, মরু ওইবা মিসন অহুমগী অনৌবা থৌরাংশিং, মমিং ওইনা পল্লবদা: মিসন পোশন ২.০, মিসন বাতসল্য অমসুং মিসন শক্তি, হায়রিবশিং অসিগী মতাংদা কুপ্না খন্ন-নৈনখি।

ওগস্ত ৩১, ২০২১দা, দবল্যু.সি.দি.গী কেন্দ্র মন্ত্রীনা স্তেচ্যু ওফ য়ুনিতীদা লৈবা ভারতকী ‘লোহপুরুশ’, মীৎয়েং শান্না উবা ঙম্বা, সরদার বল্লভ ভাই পতেলদা ইকাই খুম্নবা উৎপগা লোইননা মরু ওইবা থৌরম হৌখি। মসিগী মতুংদা ‘এক ভারত শ্রেস্থা ভারত’কী মঙলান অদু উৎথোকপা ঙম্নবা অমসুং লৈবাক শিনবা থুংবদা পোশন বাতীকাশিং/ন্যুত্রি-গার্দেনশিং থাবা থৌগৎনবা রাজ্য অমসুং য়ু.তি. পুম্নমক্কী দবল্যু.সি.দি মন্ত্রীশিংনা মহিলা ইভম বাল সশক্তিকরন ভনদা মচি ওইবা উহৈগী চারাশিং থাখি।

কনফরেন্স অদুদা কেন্দ্রগী মন্ত্রালয়গী মকোক থোংবা ওফিসরশিংনা মরু ওইবা মিসন অহুম অমসুং গ্লোবেল ইন্দেক্সশিংদা প্রজেন্তেসনশিং উৎখি। মখা তানা, এন.সি.পি.সি.আর. অমসুং এন.সি.দবল্যু.গী চিয়রপর্সনশিংনসু অঙাংগী হকশিং অমসুং নুপীশিংদা শক্তি পীবগী মতাংদা মখোয়গী ৱাখল্লোনশিং ফোঙদোকখি। খন্ন-নৈনবা অদুদা শরুক য়াখিবা রাজ্যগী মীহুৎশিংনা থৱায় য়াওনা শরুক য়াখি অমসুং মখোয়গী মমল য়াম্লবা ইনপুৎশিং অমসুং সজেসনশিং পীখি।

মদুগী মতুংদা নুপী অমসুং অঙাংগী চাউখৎ-থৌরাংগী কেন্দ্র মন্ত্রী, শ্রীমতি স্মৃতি জুবিন ইরানিনা মরু ওইবা ৱারোল পীরদুনা ভারতকী নুপীশিং অমসুং অঙাংশিংগী তুংলমচৎকীদমক মহাক্কী মঙলান অদু ফোঙদোকখি। কেন্দ্র মন্ত্রীনা মিসন পোশন ২.০গী মতাংদা মহাক্কী ৱাখল্লোনশিং ফোঙদোক্লদুনা পোশন মাহ ২০২১ অসি সেপ্তেম্বর ১, ২০২১দগী হৌরগনি হায়না ফোঙদোকখি।  মহাক্না রাজ্য সরকার পুম্নমক্তা মসিদা থৱায় য়াওনা শরুক য়াবীনবা অমসুং পোশন বাতীকাশিং দিবেলপ তৌবদা; ২০২১গী জনুৱারী ১৩গী স্ত্রীমলাইন তৌখিবা গাইদলাইনশিংগা লোইননা এস.এ.এম. অঙাংশিং মশক খঙদোক্নবা অমসুং ফোলো-অপ ত্রীৎমেন্ত চত্থনবা মখোয় মশাগী পান্দমশিং লেপচনবা হায়খি। মহাক্না রাজ্যশিংদা এ.দবল্যু.সি.শিংগী ইনফ্রাস্ত্রকচর শেমগৎনবা অমসুং থা অসিগী মনুংদা মোবাইল ফোনশিং অমসুং জি.এম.দি.শিং সপ্লাই মপুং ফানা তৌনবসু হায়খি।

অমরোমদা মিসন বাতসল্যগী মতাংদা কুপ্না পল্লদুনা দবল্যু.সি.দি.গী কেন্দ্র মন্ত্রীনা জুবেনাইল জস্তিস (জে.জে) এক্তকী অনৌবা অমেন্দমেন্তশিংগী কান্নবশিং অদুদা মীৎয়েং থমখি। মহাক্না মসিনা দি.সি./দি.এম.শিংগী একাউন্তেবিলিতী হেনগৎহল্লগনি অমসুং খুন্নাইদা লৈরিবা শোত্থরবা অঙাংশিং রিইন্তিগ্রেসন তৌবদা খুদোংচাহল্লগনি হায়না ফোঙদোকখি। মহাক্না রাজ্য সরকারশিংগী মীহুৎশিংদা জে.জে. অমেন্দমেন্ত এক্ত শেম্নবগী রুলশিংগী মতাংদা মখোয়গী ৱাখল্লোনশিং অমসুং সজেসনশিং পীবীনবসু হায়জখি।

কেন্দ্রগী মন্ত্রীনা প্রধান মন্ত্রী, শ্রী নরেন্দ্র মোদীনা মঙজখিবা মঙলান, ‘নুপীশিংনা চাউখৎ-থৌরাং পুরকপা’ হায়বা অসি মরু ওই হায়না অকনবা ৱাফম থমখি। মহাক্না ঐখোয়না তোঙান-তোঙানবা রাজ্যশিংদা থবক্কীদমক চৎখিবা নুপীশিং অমসুং নুপীমচাশিংগীদমক ৱর্কিং ৱুমেন হোস্তেলশিং (দবল্যু.দবল্যু.ঐচ) থম্নবগী কনভর্জেন্ত মোদেল অমা দিবেলপ তৌনবা খন্নবা য়াই হায়না অপাম্বা ফোঙদোকখি। মহাক্না মিসন শক্তিগী কান্নবগী মতাংদা ফোঙদোকখি অমসুং ৱন স্তোপ সেন্তরশিংগী মরু ওইবা অদুসু থম্লদুনা রাজ্যশিংদা লৈবাক অসিগী লেমহৌরিবা জিলাশিংদা ৱন স্তোপ সেন্তরশিং হাংদোক্নবসু হায়খি।

নুপী অমসুং অঙাংগী চাউখৎ-থৌরাং মন্ত্রালয়গী রাজ্য মন্ত্রী দা. মহেন্দ্র ভাই মুঞ্জপরানসু থৌরম অদুদা মহাক্কী ৱাখল্লোন ফোঙদোকখি। রাজ্যশিং/য়ু.তি.শিংগা লোইননা পাঙথোকপা কনফরেন্স অদুদা ঐখোয়গী ফেদরেল স্ত্রকচরগী অশেংবা ৱাখল্লোন অদু উৎথোক্তুনা লৈবাক অসিগী নুপীশিং অমসুং অঙাংশিংগী চাউখৎ-থৌরাং অমসুং য়াইফনবা মতেং পীনদুনা অমসুং পুন্না হোৎনরি।

*****