রুরেল লোকেল বোদীশিংদা গ্রান্তশিং পীননবগীদমক রাজ্য ২৫দা লুপা কোতি ১৩,৩৮৫.৭০গী শেনফম অমা নিংথৌকাবা নুমিৎতা শেল-থুম মন্ত্রালয়গী এক্সপেন্দিচর দিপার্তমেন্তনা রিলিজ তৌখ্রে৷ মসিগী গ্রান্ত-ইন-এইদ- অসি ২০২১-২২ চহি অসিগী ওইনা তাইদ গ্রান্তশিংগী অহানবা ইন্সতোলমেন্তনি৷ গ্রান্তশিং অসি ১৫শুবা ফাইনান্স কম্মিসনগী মতুং ইন্না রিলিজ তৌখ্রে৷

মরু ওইবা সর্ভিস অনি মমিং ওইনা হায়রবদা এ) ওপন-দিফিকেসন ফ্রী(ও.দি.এফ.) স্তেস য়েংশিনবা অমসুং লুনা-নান্না থম্বা অমসুং বি)থক্নবা ইশিং সপ্লাই তৌবা, নোংগী ইশিং য়োকশিনবা অমসুং ইশিং রিসাইকল হেন্না তৌননবগীদমক তাইদ গ্রান্তশিং অসি রুরেল লোকেল বোদীশিংদা(আর.এল.বি.শিং) রিলিজ তৌরিবনি৷

পঞ্চায়তী রাজ ইন্সতিত্যুসনশিংদা থাদখিবা অপুনবা গ্রান্ত-ইন-এইদগী মনুংদা, চাদা ৬০দি ‘তাইদ গ্রান্ত’নি৷ মসি নেস্নেল প্রাইয়োরিতীশিং খুদম ওইনা হায়রবদা থক্নবা ইশিং সপ্লাই তৌবা, নোংগী ইশিং য়োকশিনবা অমসুং লুনা-নান্না থম্নবগীদমক শেমখিবনি৷ লেমহৌরিবা চাদা ৪০ অসিদি ‘অনতাইদ গ্রান্ত’নি অমসুং মসি পঞ্চায়তি রাজ ইন্সতিত্যুসনশিংনা সেলরীশিং পেমেন্ত তৌবা নত্তনা অতোপ্পা লোকেসন স্পেসিফিক্কী তঙাই ফদবশিংদা শিজিন্নরগনি৷

সেন্ত্রেল্লী স্পোন্সর্দ স্কিমশিংগী মখাদা থক্নবা ইশিং অমসুং লুবা নান্নবগীদমক কেন্দ্র অমসুং রাজ্যনা কাইথখিবা ফন্দশিং অসিগী মথক্তা তাইদ গ্রান্তশিং অসিনা রুরেল লোকেল বোদীশিংদা অহেনবা ফন্দশিং ফংহল্লগনি৷

কেন্দ্র সরকারদগী গ্রান্তশিং অসি ফংলবা নুমিৎ ১০নিগী মনুংদা রাজ্যশিংনা গ্রন্তশিং অসি রুরেল লোকেল বোদীশিংদা ত্রান্সফর তৌগদবনি৷ নুমিৎ ১০নিগী মনুংদা রিলিজ তৌহৌদ্রবদি গ্রান্তশিং অসি রাজ্য সরকারশিংনা শেন্দোইগা লোইননা রিলিজ তৌগদবনি৷

ঙসি রিলিজ তৌখিবা রুরেল লোকেল বোদীশিংগী(আর.এল.বি.) রাজ্য রাজ্যগী ওইরিবা গ্রান্তশিং অমসুং হৌজিক ফাওবদা রিলিজ তৌখ্রবা অপুনবা আর.এল.বি. গ্রান্তশিং অদু মখাদা পীরি:

*****