হৌখিবা পুং ২৪দা ভেক্সিন দোজ ৩১,১৪,৬৯৬ কাপখিবগা লোইননা ভারতকী কোবিদ-১৯গী ভেক্সিনেসন কভরেজ অসি ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং করোর ৬৩.৪৩ (৬৩,৪৩,৮১,৩৫৮) হেনখ্রে। মসি সেসন ৬৮,১৪,৩০৫গী খুত্থাংদা কাপখি।

ঙসি অয়ুক পুং ৮ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা মসি য়াওরি

কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল হেনগৎহন্নবা অমদি স্কোপ পাকথোক চাউথোকহন্নবা ফিরেপ লৌরি‍।

হৌখিবা পুং ২৪ অসিদা মীওই ৩৪,৭৬৩ নাবা ফগৎখিবা অসিনা নাবা ফগৎখিবা মীওইশিংগী অপুনবা মশিং অসি ৩,১৯,২৩,৪০৫ হেনগৎহনখি (লাইচৎ হৌবদগী হৌদুনা)।

মসিনা মরম ওইরগা ভারতকী ফগৎলকপগী চাং ৯৭.৫১%দা লৈরি‍।‍

হৌখিবা পুং ২৪দা ভারত্তা নোংমগী ওইবা অনৌবা কেস ৪২,৯০৯ রিপোর্ত তৌরকখি। 

কেন্দ্র অমদি রাজ্য/য়ু.তি. সরকারশিংগী লেপ্পা নাইদনা অমদি পুন্না হোৎনমিন্নবনা থংন-থংননা হৌখিবা নুমিৎ ৬৪নি অসিদা নোংমগী ওইবা অনৌবা রিপোর্ত তৌরকপা কেস মশিং অসো ৫০,০০০দগী তাদুনা লাক্লি।

হৌজিক্কী ওইনা এক্তিব কেসলোদ ৩,৭৬,৩২৪ দা লৈরি। এক্তিব কেস মশিং অসি লৈবাকসিগী অপুনবা পোজিতিব কেস মশিংগী ১.১৫% ওইরি‍।

লৈবাক শিনবা থুংনা তেস্তিং কেপাসিতী চাওনা হেনগৎহনখি। হৌখিবা পুং ২৪ অসিদা লৈবাক অসিদা পুন্না তেস্ত মশিং ১৪,১৯,৯৯০ তৌখি‍। হৌজিক ফাওবদা ভারতনা পুন্না তেস্ত মশিং করোর ৫২.০১ (৫২,০১,৪৬,৫২৫) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোয়ননা চয়োলগী ওইবা পোজিতিবিতী রেত ২.৪১%দা লৈরে অমদি হৌখিবা নুমিৎ ৬৬নি অসিদা ৩%দগী তানা লৈরি। নোংমগী ওইবা পোজিতিবিতী রেত অসি ৩.০২%দা লৈরি। হৌজিক্কী ওইনা থংন-থংননা নুমিৎ ৮৪নি অসিদা নোংমগী ওইনা পোজিতিবিতী অসি অসি ৫%গী মখাদা লৈরি‍।

****