মরুওইবা হায়লাইত:

• এপ অসি লেম্না পীবনি অদুবু মশা-মউ ফবগীদমক মমল নাইদ্রবা খুদম অমা উৎকনি: শ্রী অনুরাগ থাকুর
• ফিত ইন্দিয়া এপ অসিনা মশা-মউ ফবা ভারত অমগী অনৌবা ভারত শেম্বদা মতেং পাংগনি: শ্রী নিসিথ প্রমনিক
• মিনিস্তরনা ভারতকী হোকী তীমগী কেপ্তেন মনপ্রীত সিংহ, রেস্তলর সংগ্রম সিংহ, স্পোর্তকী জর্নলিস্ত অয়াজ মেমন অমসুং পাইলোৎ কেপ্তেন অন্নী দিব্যা অমদি অতৈশিংগা লোয়ননা ভর্চুএল ওইনা উনখি
• ফিত ইন্দিয়া এপ অসি এন্দ্রোইদ অমসুং আই.ও.এস. অনিমক্কী প্লেতফোর্মদা ইংলিস অমসুং হিন্দীদা লেম্না ফংহনগনি
• শ্রী থাকুরনা ফিত ইন্দিয়া মুভমেন্তগুম্বা কেম্পেইন্দা মীয়াম্না শরুক য়াদুনা অজাদী কা অমৃত মহোৎসবপু মায় পাকহন্নবা মীয়ামদা আপিল তৌখি

ফিত ইন্দিয়া মুভমেন্তগী অনিশুবা কুমওন পাংথোক্নবা অমসুং অজাদী কা অমৃত মহোৎসবকী শরুক অমা ওইনা, য়ুথ এফিয়র্স অমসুং স্পোর্তসকী মিনিস্তর, শ্রী অনুরাগ সিংহ থাকুরনা ঙসি নই দিল্লীগী মেজর ধ্যান চান্দ নেস্নেল স্তদিয়মদা নেস্নেল স্পোর্তস দে নুমিৎতা ফিত ইন্দিয়া মোবাইল এপ্লিকেসন হৌদোকখ্রে। য়ুথ এফিয়র্স অমসুং স্পোর্তস মিনিস্ত্রগী স্তেতকী মিনিস্তর শ্রী নিসিথ প্রমনিকশু থৌরম অসিদা শরুক য়াখি। স্পোর্তস সেক্রেতরী, শ্রী রবী মিত্তল অমসুং য়ুথ এফিয়র্সকী সেক্রেতরী শ্রীমতি উশা শর্ম্মশু থৌরম অসিদা শরুক য়াখি। ফিত ইন্দিয়া এপ হৌদোকপগী থৌরম মাংওইননা, শ্রী অনুরাগ থাকুরনা মেজর ধ্যান চান্দ নেস্নেল স্তদিয়মদা হোকীগী মেজিসিয়ন মেজর ধ্যান চান্দগী মফমদা লৈশিং কৎতুনা ইকাই খুম্নবা উৎখি। শ্রী নিসিথ প্রমনিকশু ইকাই খুম্নবা উৎখি।

মিনিস্তরনা ভারতকী হোকী তীমগী কেপ্তেন মনপ্রীত সিংহ, রেস্তলর সংগ্রম সিংহ, জর্নলিস্ত অয়াজ মেমন অমসুং পাইলোৎ কেপ্তেন অন্নী দিব্যা, স্কুলগী মহৈরোই অমা, অমসুং য়ুমগী মৌ অমগা লোয়ননা ফিত ইন্দিয়া এপ অসি হৌদোক্লবা মতুংদা ভর্চুএল ওইনা উনখি।

ফিত ইন্দিয়া এপ অসি এন্দ্রোইদ অমসুং আই.ও.এস. অনিমক্কী প্লেতফোর্মদা ইংলিস অমসুং হিন্দীদা লেম্না ফংহনগনি অমসুং ইচম চম্বা শ্মার্তফোন অমদা শিজিন্নবা য়ানবা শেমগৎখিবনি।

ফিত ইন্দিয়া মুভমেন্তগী অনিশুবা কুমওন লোয়ন-লোয়ননা নেস্নেল স্পোর্তস দে অসিদা মীপুম খুদিংমক্তা হরাওবা ফোংদোক্তুনা মিনিস্তরনা হায়খি, “ফিত ইন্দিয়া মোবাইল এপ অসিনা ভারত মচা খুদিংনা খুবাক্তা মশা-মউ ফবগী চাং য়েংবা য়ারগনি। মসিদা ‘ফিতনেস স্কোর’, এনিমেৎ ভিদিওশিং, এক্তিবিতী ত্রেক্কর অমসুং ‘মাই প্লান’ অসিনচিংবা মীওই অমগী ওইবা হায়বা অখন্নবা ফিচর য়াওরি”।

FIT INDIA 🇮🇳 MOBILE APP

India’s most comprehensive Fitness App launched on #NationalSportsDay !

On Your Marks,
Fitness Test,
Go !

“FITNESS KI DOSE, AADHA GHANTA ROZ!”

Google Play Store:https://t.co/blpuV0yeGR

Apple Store:https://t.co/zytUEN6RCl#FitIndiaApp pic.twitter.com/k5hUWFVUyO

— Anurag Thakur (@ianuragthakur) August 29, 2021

মহাক্না মখা তানা হায় মদুদি, “হৌখিবা চহিদা প্রধান মন্ত্রী নরেন্দ্র মোদীনা চহিগী চান্নবা ফিতনেস প্রোতোল হৌদোকখি, হায়রিবা প্রোতোকোল অসি দবল্যু.ঐচ.ও.না সর্তিফাই তৌখ্রবনি অমসুং মালেমগী ওইবা থাক্তা শিজিন্নবা য়ানবা শেমখিবনি। শ্রী নরেন্দ্র মোদীনা লৈবাক অসিগী মীয়ামদা ফিতনেস মন্ত্র – ফিতনেস কী দোস্ত, অধা ঘন্তা রোজ, হায়বা অসিশু পীখিবনি।

মহাক্না মখা তানা হায়খি, “ফিত ইন্দিয়া মুভমেন্ত অসি ভারত মচা পুম্বগী পুন্সিদা মশা-মউ ফহন্নবগী পান্দমদা ইকাই খুম্নজরিবা পি.এম.না ২০১৯গী ওগস্ত ২৯ নেস্নেল স্পোর্তস দেদা হৌদোকখিবনি। ঙসিদি মসি জন অন্দোলন অমা ওইরে! ঐহাক্না ফিত ইন্দিয়া মুভমেন্তগুম্বা কেম্পেইন্দা মীয়াম্না শরুক য়াদুনা অজাদী কা অমৃত মহোৎসবপু মায় পাকহন্নবা মীয়ামদা আপিল তৌজরি। মশা-মউ ফবা অমা, ফিত ইন্দিয়া অসি ঐখোয়গী নাগরীকশিংগীদমক ঐখোয়না উরিবা অনৌবা ভারত অমগী মংলান্নি!” ফিত ইন্দিয়া মোবাইল এপ অসি ভারত মচা কোতি ১৩৫গীদমক হৌদোকপা খ্বায়দগী খুমাং চাউশিনবা ভারতকী ফিতনেস এপনি, হায়না শ্রী অনুরাগ থাকুরনা হায়খি।

  শ্রী অনুরাগ থাকুরনা মখা তানা হায়খি মদুদি লৈবাক অমা শেমগৎপা মতমদা মতিক চানা থৌদাং পীবা পাম্লবদি ঐখোয়গী নহারোলশিং অসি মশা-মউ ফহনবা অমা মথৌ তাই। মহাক্না এপ অসিবু সোসিএল মেদিয়াগী খুৎথাংদা মীয়ামদা খঙহন্নবা কন্না তকশিল্লি। “এপ অসি লেম্না পীবনি অদুবু মশা-মউ ফবগীদমক মমল নাইদ্রবা খুদম অমা উৎকনি, হায়না মহাক্না হায়খি।

শ্রী নিসিথ প্রমনিক্না হায় মদুদি ইরৈচাশিংনা ফিত ইন্দিয়া মুভমেন্তনা জন ধন অমা শেম্বদা থৌদাং লৌরিবা অসি ঙক্নিংঙাইনি। হায়রিবা ফিত ইন্দিয়া এপ অসিনা অনৌবা ভারত মশা-মউ ফবা ভারত অমা শেম্বদা মতেং পাংলি অমসুং প্রধান মন্ত্রী নরেন্দ্র মোদীগী মংলান থুংহল্লি, হায়না মহাক্না হায়খি। শ্রী প্রমনিক্না হায় মদুদি শ্রী অনুরাগ থাকুর অসি ফিত ইন্দিয়াগী ফিদম্নিঙাই অমনি অমসুং মহাক্না মীপুম খুদিংবু পুক্নিং থৌগৎলি।

ভর্চুএল ওইনা উনবা অসিদা, ভারতকী হোকী তীমগী কেপ্তেন মনপ্রীত সিংহনা এপ অসিদা য়াওরিবা ফিচর অমসুং হকশেলগী পেরামিতর য়েংনবা য়াওরিবা কান্নবশিং অসি লায়না শিজিন্নবা য়াহনবগীদমক থাগৎপা ফোংদোকখি। পাইলোৎ অমা ওইরিবা এন্নী দিব্যনা, এপ অসিগী মতেংনা ঈশিং থকপা অমসুং মহাক্কী চিল্লবা মতমদা তুম্বা য়েংশিল্লিবা অসিগী মরুওইবা উৎখি। মহাক্না মশাগী মথক থংবা শরুক কনখৎনবা শেমদোক্লবা পুসঅপশু পাংথোক্লি। শাজেল অসি এপ অসিদা য়াওরি অমসুং মীপুম খুদিংমক্না এপ অসদা মশাগী স্কোর থম্বা য়াই। শ্রী অনুরাগ থাকুর অমসুং শ্রী নিতিশ প্রমনিক্না হকচাংগী স্তেবিলিতী অমসুং বেলেন্স থম্নবা রেস্তলর সংগ্রম সিংহগা লোয়ননা ব্রক্ষা আসান পাংথোকখি। জর্নালিস্ত অয়াজ মেমন্না অহল ওইরবা মীওইশিংগী মশা-মউ ফনবগী মরুওইবা উৎখি অমসুং মহাক্না হকচাং ফনা লৈনবা চৌক্রীদা তিংথোকপা তেস্ত উৎখি। ক্লাস VII তম্লিবা মহৈরোই শ্রুতি তোমারনা মহৈ তম্বগা লোয়ননা মশা-মউ ফনা লৈবগী মরুওইবা উৎখি অমরোমদা য়ুমগী মৌ অমা ওইরিবা শ্যামলী শর্ম্মনা মহাক্কী চিল্লবা য়ুমগী থবক্তা এপ অসিনা কান্নবা পীবা উৎখি।     

ফিত ইন্দিয়া মুভমেন্ত অসি প্রধান মন্ত্রী শ্রী নরেন্দ্র মোদীনা ভারত অসি ফিত অমসুং মশা-মউ ফবা লৈবাক অমা ওইহন্নবগী পান্দমদা ২০১৯গী ওগস্তকী ২৯দা হৌদোকখিবনি। মরুওইবা পাউজেলদি ফিতনেস অসি অরায়বনি, নুঙাই অমসুং কোম্মী, অমসুং মফম অমদা হেক্তা পাংথোকপা য়াই। চহি অমগী মতুং, ফিত ইন্দিয়া মুভমেন্তগী অহানবা কুমওনগী থৌরমদা, প্রধান মন্ত্রীনা ‘এক্সপার্ত কমিতী অমনা চহি কাংলুপ অহুমগী ওইবা (১) চহি ৫-১৮ ফাওবা, (২) চহি ১৮-৬৫ ফাওবা অমসুং (৩) চহি ৬৫+ মথক্কী চহিগা চান্নবা ফিতনেস প্রোতোকোল অমা শেমগৎখি অমসুং ৱার্লদ হেলথ ওর্গানাইজেসন (দবল্যু.ঐচ.ও.)না মীয়ামদা অয়াবা পীরে হায়না লাওথোকখি। প্রধান মন্ত্রীনশু ময়েক শেংনা লাওখি মদুদি, লৈবাক অসিগী মীয়ামগী ফিত মন্ত্র – ফিতনেস কী দোস্ত, অধা ঘন্তা রোজ।     

ফিত ইন্দিয়া এপকী অখন্নবা ফিচর অসি মীওই অমনা হেক্তা চহিগী ফিতনেস তেস্ত সেত্তা য়েংলগা মহাক মশাগী ওইনা ফিতনেস য়েংজবা য়াই অমসুং য়োগা প্রোতোকোল য়াওনা মতৌ করম্না শাজেল তৌদুনা মশা ফগৎহনবা য়াই হায়বা ফংবা ঙম্মী। এনিমেৎ তৌরবা ভিদিওশিং অসিনা মীওই অমনা মশা মথন্তা খঙজনবা পীরি। হায়রিবা ফিচর অসি প্রধান মন্ত্রীনা হৌদোকপা এজ-এপ্রোপ্রিয়েৎ ফিতনেস প্রোতোকোলদা য়ুম্ফম ওইরি।

“ফিতনেস প্রোতোকোল” ফিচর অসিনা খেন্নবা চহি কাংলুপ কয়ানা বেসিক ফিতনেস লেবেল য়েংদুনা মখল কয়াগী শাজেল তৌবদা মতেং পাংলি। প্রোতোকোল অসিনা মালেমগী ওইনা চৎনবা য়ারবা অমসুং হেলথ এক্সপার্তনা নিংথিনা শেমদোক্লবা য়াওরি।

অহেনবা ফিচর

মীপুম খুদিংমক চহি, নুপা-নুপী, হৌজিক লৈরিবা পুন্সি মহিং অমসুং হকচাংগী ফিভম মতুং ইন্না চিঞ্জাক, মথৌ অমসুং হুমাং থোকপা খেন্নৈ। “মাই প্লান” হায়রিবা ফিত ইন্দিয়া মোবাইল এপকী ফিচর অসিনা মীওই খুদিংগী ওইনা মখোয়গী হৌজিক ওইরিবা পুন্সি মহিংদা তাক্লি – শাজেলদা মতম পীগদবা, ঈশিং থকপা, তুম্বগী মতম, অরুম্বা অমসুং পাম্লিবা অরুম্বা – শেমদোক্লবা চান-থক্নবগী থৌরাং, মখোয়গী পান্দম ফংনবা হোৎনবদা পুন্সি মহিং হোংলকপা। ফিত ইন্দিয়া এপনা থক্কদবা ঈশিং গ্লাস মশীং অমসুং তুমগদবা পুংশীং অমসুং ভারতকী ওইবা চিঞ্জাক চানবা হায়রি।

এপ্লিকেসন অসিগী “এক্তিবিতী ত্রেক্কর”না মীওই অমনা নোংমদা তৌগদবা থবক্কী চাং পীরি। রিএল তাইম স্তেপ ত্রেক্করনা মীওই অমগী নোংমদা চৎকদবা খোঙকাপ পীরি অমসুং মখোয়গীদমক অহেনবা পন্থুং থম্নবা পুক্নিং থৌগৎলি। এপ অসিনা মীওই অমগী নোংমগী ঈশিং থক্কদবা, কেলোরী চাগদবা অমসুং তুম্বগী মতমশু পীরি।

মীওই অমনা নিংশিংনবা পুংশীং খুদিংগী সেত তৌদুনা থম্বা য়াই অমসুং মখোয়গী ফিতনেস স্কোর ফগৎলকপা ত্রেক তৌবা য়াই অমসুং মতম কয়া অমা নুমিৎ খুদিংগী পাংথোকখিবা অমসুং তৌখিবশিংগী দেতা অতোপ্পদা উৎতুনা মশা ফগৎনবা অমসুং পুন্সি মহিং হোংদোকহনবা য়াই। 

এপ অসিনা মীওই অমা, স্কুলশিং, কাংলুপশিং অমসুং ওর্গানাইজেসনশিংনা ফিত ইন্দিয়াগী থৌরমশিং, সর্তিফিকেসন প্রোগ্রামশিং অসিনচিংবশিংদা শরুক য়ানবগী খুদোংচাবশু পীরি। মীয়াম্না মসিগী প্লেতফোর্ম অসি শিজিন্নদুনা মখোয়না ফিতনেসতা মায় পাকখিবগী ৱারীশিং ফোংদোকপা য়ারি।

*******