దేశవ్యాప్తంగా ఒక్క రోజులోనే కోటి కొవిడ్‌ టీకా డోసులను అందించి, భారత్‌ రికార్డు సృష్టించింది. గత 24 గంటల్లో 1,03,35,290 డోసులు ఇచ్చారు. ఈ రోజు ఉదయం 7 గంటల వరకు తాత్కాలిక సమాచారం ప్రకారం 62.29 కోట్లను (62,29,89,134) టీకా కార్యక్రమం అధిగమించింది. 67,19,042 సెషన్ల ద్వారా ఇది సాధ్యమైంది.

ఈ రోజు ఉదయం 8 గంటల వరకు ఉన్న తాత్కాలిక సమాచారం ప్రకారం:

దేశవ్యాప్తంగా టీకాల వేగాన్ని పెంచడానికి, పరిధిని విస్తరించడానికి కేంద్ర ప్రభుత్వం కట్టుబడి ఉంది.

గత 24 గంటల్లో 31,374 మంది రోగులు కోలుకున్నారు. దీంతో, కోలుకున్న రోగుల మొత్తం సంఖ్య (మహమ్మారి ప్రారంభమైనప్పటి నుంచి) 3,18,52,802కు పెరిగింది.

దేశవ్యాప్త రికవరీ రేటు 97.56 శాతానికి చేరింది.

కేంద్రం-రాష్ట్రాలు, కేంద్ర పాలిత ప్రాంతాల నిరంతర, సహకార ప్రయత్నాల కారణంగా, వరుసగా 62వ రోజు కూడా 50,000 కంటే తక్కువ రోజువారీ కొత్త కేసులు నమోదయ్యాయి.

గత 24 గంటల్లో 46,759 కొత్త కేసులు నమోదయ్యాయి.

ప్రస్తుత యాక్టివ్ కేసుల సంఖ్య 3,59,775. దేశంలోని మొత్తం పాజిటివ్ కేసుల్లో ఇది 1.10 శాతం.

దేశవ్యాప్తంగా కరోనా పరీక్షల సామర్థ్యాన్ని పెంచుతూనే ఉన్నారు. గత 24 గంటల్లో మొత్తం 17,61,110 పరీక్షలు చేశారు. దేశవ్యాప్తంగా ఇప్పటివరకు 51.68 కోట్ల (51,68,87,602) పరీక్షలు నిర్వహించారు.

 వారపు పాజిటివిటీ రేటు 2.19 శాతంగా ఉంది. గత 64 రోజులుగా 3 శాతం కంటే తక్కువగా నమోదయింది. రోజువారీ పాజిటివిటీ రేటు 2.66 శాతంగా ఉంది. గత 33 రోజులుగా రోజువారీ పాజిటివిటీ రేటు 3 శాతం కంటే తక్కువగా, వరుసగా 82 రోజులుగా 5 శాతం కంటే తక్కువగా నమోదయింది.

****