প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ইতালীগী প্রধান মন্ত্রী ঐচ.ই. মিস্তর মারিও দ্রাঘিগা তেলিফোন্দা ৱারী শানখ্রে
Posted On:
27 AUG 2021 10:50PM by PIB Imphal
প্রধান মন্ত্রী শ্রী নরেন্দ্র মোদীনা ইতালীগী প্রধান মন্ত্রী ঐচ.ই. মিস্তর মারিও দ্রাঘিগা ঙসি তেলিফোন্দা ৱারী শানখ্রে।
লুচিংবশিংদুনা অফঘানিস্তান্দা হন্দক ওইরক্লিবা ফীভম অমদি অকোয়বগী মফমশিং অমসুং মালেমদা মদুনা পীরক্কদবা চৈথেংশিংগী মতাঙদা খন্নখি।
মখোয়না ঙরাং কাবুল ইন্তরনেসনেল এয়রপোর্ততা তমথিরবা তেরর এতেক্ত চত্থরকখিববু য়ানিংদবা ফোঙদোকখি, অমদি পন্দুনা লৈরিবা মীওইশিং তেক্ত কায়দনা ময়ুমদা হলহনবগী তঙায় ফদবা ৱাফম ফোঙদোক্নখি।
মীওইবা খুন্নাইগী ওইবা ৱাথোক অসিগী ৱাখৈ পুরক্নবা জি২০গী থাক য়াওনা মালেমগী ওইনা তেংবাংনবগী মথৌ তাবা অমদি অফঘানিস্তান্দা ওইরক্লিবা ফীভমদুনা তুং কোইনা ঙাকশেলগী লমদা ওইরক্কদবা ফীভমগী মরমদা মখোয়না খন্নখি।
লুচিংবা অনিদুনা অইং অশাগী খল কায়থরকপনচিংবা জি২০গী এজেন্দাদা য়াওরিবা মরুওইবা ৱাফমশিংগী মতাঙদসু খন্নখি। মসিগী মতাঙদা, মখোয়না সি.ও.পি.-২৬ কুম্বা লাক্কদৌরিবা মল্তিলেতরেল এঙ্গেজমেন্তশিংগী মতাঙদগী মখোয়গী মীৎয়েঙ অমদি ৱাখল্লোন থম্নখি।
প্রধান মন্ত্রীনা জি২০ মনুংদা অফবা মওংদা মাইওন চুমবদা ইতালানা লুচিংদুনা হোৎনবগীদমক তৌবিমল খঙবা উৎখি।
লুচিংবা অনিদুনা লৈবাক অনিগী অমদি মালেমগী ওইবা ৱাফমশিংগী মতাঙদা, মরুওইনা অফঘানিস্তান্দা ওইরিবা ফীভমগী মতাঙদা পাউ ফাওদোক ফাওজিন তৌননবা য়ানখি।
***
(Release ID: 1749763)
Visitor Counter : 134
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam