হকশেল অমসুং য়াইফ-য়ুম্বাল মন্ত্রালয়
কেন্দ্রনা রাজ্যশিং/য়ু.তি.শিংদা চত্থরিবা কোবিদ১৯ ভেক্সিনেসনগী খোঙজেল য়েংশিনখ্রে
স্কুল ওজাশিং তীকা থাদোক্নবা ওগস্তকী অরোইবা চয়োলদা অহেনবা ভেক্সিন দোজ করোর ২ কেন্দ্রনা পীথরগনি
কোবিদ-১৯গী হীদাকশিংগী বফর স্তোক থম্নবগী লালোং য়েংশিনখ্রে
Posted On:
25 AUG 2021 4:32PM by PIB Imphal
কেন্দ্রগী ফার্মা সেক্রেতরী কুমারি এস. অপর্নানা শরুক য়াদুনা রাজ্য/য়ু.তি. পুম্নমক্কা লোইননা কেন্দ্রগী হেল্থ সেক্রেতরী, শ্রী রাজেশ ভুশন্না ময়াই তাংবল লৌদুনা ঙসি অৱাংবা থাক্কী মীফম অমা পাঙথোকখ্রে। কোবিদ-১৯ ভেক্সিনেসনগী খোঙজেল য়েংশিনখ্রে অমসুং রাজ্যশিংদা অনিশুবা দোজকী কভরেজ হেনগৎহনবদা লোইননা স্কুল ওজাশিং অমসুং স্তাফ (সরকার অমসুং লনাই অনিমক) ইম্ম্যুনাইজেসন তৌবদা মীৎয়েং চংনবা পাউতাক পীখ্রে। রাজ্যশিংদা ইমর্জেন্সী কোবিদ রেস্পোন্স পেকেজ (ই.সি.আর.পি.) ফন্দশিং পন্থবা তৌদনা শীজিন্ননবা খঙহনখ্রে। রাজ্যশিংদসু লাক্কদৌরিবা হরাও-কুহ্মৈগী মাংওইননা কোবিদকা চুনবা চৎনা কাংলোন ঙাক্না চৎনবা অমসুং অতৈ চেকশিল থৌরাংশিং পাইখৎনবা পাউতাক পীখ্রে।
কেন্দ্রগী হেল্থ সেক্রেতরীনা অনিশুবা দোজকী কভরেজ হেনগৎহন্নবা জিলাগী থাক্কী থৌশিল অমা শেম্নবা হায়খ্রে। রাজ্যশিংদা অখন্নবা নুমিৎশিং/ অখন্নবা ভেক্সিনেসন তৌফমশিং (সি.ভি.সি.)শিং/ নুমিৎ খুদিংগী অখন্নবা মতমশিং/ তোখাইবা ক্যু ইয়রমার্ক তৌবা অসিগুম্বা লালোংশিং পাইখৎতুনা ভেক্সিনশিংগী অনিশুবা দোজ অখন্ননা কাপ্নবা পাউতাক পীখ্রে। বেনিফিসিয়রীশিংগী মরক্তা এৱের্নেস হেনগৎহন্নবা পাক শন্না আই.ই.সি. কেম্পেনশিং চত্থনবা মখোয়দা পাউতাকসু পীখ্রে। রাজ্যগী লৈরিবা চাংচৎতগী ভেক্সিন কভরেজ তানা লৈরিবা জিলাশিং খঙদোক্নবা অমসুং মোনিতর তৌনবা লোইননা জিলাশিং অদুদা ভেক্সিনেসনগী খোঙজেল য়াংশিন্নবসু খঙহনখ্রে।
কেন্দ্রগী হকশেল মন্ত্রীনা লাউথোকখিবা অদুগী মখাদা মরু ওইবা মীৎয়েং চংবগা লোইননা স্কুল ওজাশিং অমসুং নন-তীচিং স্তাফ তীকা থাদোক্নবা ওগস্ত ২১দগী ওগস্ত ৩১, ২০২১ ফাওবা রাজ্যশিংদা অহেনবা ভেক্সিন দোজ করোর ২ হেন্না থাদোক্লগনি। রাজ্যশিং/য়ু.তি.শিংনা য়ু.দি.আই.এস.ই. (য়ুনিফাইদ দিস্ত্রিক্ত ইনফোর্মেসন সিস্তেম ওফ এজুকেসন) দেতা শীজিন্নবা য়াগনি অমসুং ভেক্সিনেসন প্রোগ্রামদা মথৌ তাবা ইনোৎ হাপ্নবা রাজ্যগী এজুকেসন বিভাগশিং, কেন্দ্রিয়া বিদ্যালয় সঙ্গাথন, নভোদয় বিদ্যালয় সঙ্গাথন অসিনচিংবাগা মতেং পাংনবসু য়াগনি।
কেন্দ্রগী হেল্থ সেক্রেতরীনা রাজ্যশিংদা লাক্কদৌরিবা হরাও-কুহ্মৈ মনুংদা কোবিদ কেস হেনগৎলকপা য়াবগী মতাংদা অমসুং মসি লাকশিন্নবা পব্লিক হেল্থকী থৌরাং পুম্নমক মখোয়না পাইখৎনবা চেকশিনৱাসু থমখ্রে। মহাক্না কেরালাদা ওনম লোইখিবগী চয়োলদা কেসশিং য়াম্না হেনগৎলকপগী রেজিস্তর তৌবা উবা ফংখিবা অদু খুদম ওইনা পীখ্রে।
কেন্দ্র সরকারনা মমাংদা রাজ্যশিং/য়ু.তি.শিংদা ই.সি.আর.পি.-II পেকেজকী ফন্দ ৫০% কাইথখিবগা লোইননা রাজ্যশিং/য়ু.তি.শিংদা অকক্নবা মতম লৈবা ই.সি.আর.পি.-II পেকেজকী মখাদা ইক্বিপমেন্ত, মেছিনরী, বেদশিং, হীদাকশিং অসিনচিংবা খুদক্তা লৈশিন্নবা অমসুং সপ্লাই ওর্দরশিং প্রোসেস তৌনবা পাউতাক পীখ্রে। রাজ্যশিংদা থা-থাগী ওইবা চাদিং তৌবগী প্লান শেম্নবা অমসুং থবক ওইনা কয়াম খুমাং চাউশিল্লগে য়েংশিনবসু খঙহনখ্রে।
কোবিদ-১৯ লায়েংবদা শীজিন্ননবা হীদাকশিংগী বজর স্তোল মরাং কাইনা থম্নবা পোলিসী অদু য়েংশিনখ্রে। রাজ্যশিংনা কেন্দ্রগী হকশেল মন্ত্রালয়না শোইদনা লৌদবা য়াদবা তঙাই ফদবা কোবিদকী হীদাক নিপানগী মথক্তা রাজ্যশিংনা মথৌ তাই খনবা কোবিদকী হীদাকশিং লৈশিন্নবা অমসুং বফর স্তোক থম্নবসু খঙহনখ্রে।
কেন্দ্রগী সেক্রেতরী (ফার্মা)না রাজ্যশিংদা অয়াম্বা হীদাকশিং অসি পোস্ত প্রদক্সনগী চয়োল অনিদগী মতুংদা খক্তা সপ্লাই তৌবা য়াগনি (বেচ অসিনা মথৌ তাবা ক্বালিতী তেস্তিং চথরবা মতুংদা) হায়না চেকশিনৱা থমখ্রে। রাজ্যশিংদা কেসশিং হন্থরকপা মতমদা দিমান্দ অসি হন্থরকপা মতমদা ঙন্না স্তোক অপ তৌনবা থৌগৎলি, মহাক্না প্রদক্সনগী লোজিস্তিক্স অসি য়ামদনবা লৈশিনবগী থবক অসি তাঙ্কক নাইবা মওং অমদা লৈশিন্নবা পাউতাক পীখ্রে।
প্রিন্সিপল সেক্রেতরী (হেল্থ), এদিস্নেল চীফ সেক্রেতরী (হেল্থ), মিসন দিরেক্তর (এন.ঐচ.এম.) অমসুং রাজ্য/য়ু.তি. পুম্নমক্কী স্তেৎ সর্ভিলেন্স ওফিসরগা লোইননা কুমার বন্দনা গুর্নানি, এদিস্নেল সেক্রেতরী অমসুং মিসন দিরেক্তর (এন.ঐচ.এম.), দা. মনোহর অগনানি, এদিস্নেল সেক্রেতরী (হেল্থ), শ্রী বিকাশ শীল, এদিস্নেল সেক্রেতরী (হেল্থ), শ্রী বিশাল চৌহান, জোইন্ত সেক্রেতরী (হেল্থ)না থৌরম অদুদা শরুক য়াখি।
****
(Release ID: 1749068)
Visitor Counter : 147