بھارت میں کووِڈ۔19 ٹیکہ کاری کی مجموعی تعداد آج صبح 8 بجے تک حاصل ہوئی عارضی رپورٹ کے مطابق 58.25 کروڑ (582549595) سے تجاوز کر گئی ہے۔ ٹیکہ کاری کا یہ ہدف 6469222 سیشنوں کے توسط سے حاصل کیا گیا ہے۔

آج صبح 8 بجے تک کی عارضی رپورٹ کے مطابق مجموعی ٹیکہ کاری کی تفصیل اس طرح سے ہے:

مرکزی حکومت ملک بھر میں کووِڈ۔19 ٹیکہ کاری کی رفتار میں تیزی لانے اور اس کے دائرے کو وسیع کرنے کے لئے پابند عہد ہے۔

گذشتہ 24 گھنٹوں میں 44157 کورونا سے متاثر مریضوں کے شفایاب ہونے کے ساتھ ہی مجموعی  طور پر صحتیاب ہونے والے مریضوں (وبائی مرض کی شروعات کے بعد سے) کی تعداد بڑھ کر 31680626 ہوگئی ہے۔

نتیجتاً، بھارت میں صحتیابی کی شرح 97.63 فیصد ہوگئی ہے، جو مارچ 2020 سے اب تک کی سب سے اعلیٰ شرح ہے۔

مرکز ، ریاستوں اور مرکز کے زیر انتظام علاقوں کے مسلسل تعاون کے نتیجے میں گذشتہ 57 دنوں سے مسلسل 50000 سے کم نئے یومیہ معاملات درج کیے جا رہے ہیں۔

گذشتہ 24 گھنٹوں کے دوران 25072 نئے معاملات درج کیے گئے، یہ گذشتہ 160 دنوں میں سب سے کم تعداد ہے۔

کورونا سے متاثرہ مریضوں کے تیزی سے صحتیاب ہونے اور نئے مریضوں کی تعداد میں تخفیف کے نتیجے میں سرگرم معاملات کی تعداد کم ہوکر 333924 ہوگئی ہے جو کہ 155 دنوں میں سب سے کم تعداد ہے۔ سرگرم معاملات کی تعداد فی الوقت ملک کے مجموعی مثبت معاملات کا محض 1.03 فیصد ہے، جو مارچ 2020 کے بعد سب سے کم ہے۔

ملک بھر میں کووِڈ جانچ صلاحیت غیر معمولی طور پر مسلسل آگے بڑھ رہی ہے۔ ملک میں 24 گھنٹوں میں 1295160 نمونوں کی جانچ کی گئی۔ مجموعی طور پر بھارت میں اب تک 50.75کروڑ سے زائد (507551399) جانچیں  کی جا چکی ہیں۔

ایک طرف جہاں کووِڈ جانچ صلاحیت ملک بھر میں بڑھا دی گئی ہے، وہیں ہفتہ وار مثبت شرح فی الوقت 1.91 فیصد سے نیچے ہے، جو گذشتہ 59 دنوں سے 3فیصد سے کم بنی ہوئی ہے۔ یومیہ مثبت شرح فی الحال 1.94 فیصد ہے۔ گذشتہ 28 دنوں سے یومیہ مثبت شرح 3 فیصد سے نیچے اور مسلسل 77 دنوں سے 5 فیصد سے نیچے بنی ہوئی ہے۔

****************

ش ح۔ ا ب ن

U. NO. 8072