ঙসি অয়ুক পুং ৮ ফাওবগী প্রোভিজনেল রিপোর্তকী মতুং ইন্না ভারতকী কোবিদ-১৯গী ভেক্সিনেসন কভরেজকী অপুনবা মশিং করোর ৫৮.২৫ (৫৮,২৫,৪৯,৫৯৫০) হেনখ্রে। মসি সেসন ৬৪,৬৯,২২২গী খুত্থাংদা কাপখি।

ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা মসি য়াওরি:

কেন্দ্র সরকারনা লৈবাক শিনবা থুংনা কোবিদ-১৯ ভেক্সিনেসনগী খোঙজেল হেনগৎহন্নবা অমদি স্কোপ পাকথোক চাউথোকহন্নবা হোৎনরি।

হৌখিবা পুং ২৪দা মীওই ৪৪,১৫৭ নাবা ফগৎখিবা অসিনা নাবা ফগৎখিবা মীওইশিংগী অপুনবা মশিং অসি ৩,১৬,৮০,৬২৬ দা হেনগৎহনখ্রে (লাইচৎ অসি হৌরকপদগী হৌনা)।

মসিনা মরম ওইদুনা ভারতকী রিকভরী রেৎ অসি মার্চ ২০২০দগী খ্বাইদগী ৱাংবা ওইনা ৯৭.৬৩%দা লৈখি।

কেন্দ্র অমসুং রাজ্যশিং/য়ু.তি.শিংনা লেপ্তনা অমসুং পুন্না হোৎনবনা হৌজিক নোংমগী ওইনা থেংনবা অনৌবা কেসশিং অসি থংনা-থংননা নুমিৎ য়াংখৈ-মঙা অসিদা ৫০,০০০দগী হন্থবা ত্রেন্দ অমদা লৈরি।

হৌখিবা পুং ২৪দা অনৌবা কেস ২৫,০৭২ রিপোর্ত তৌরকখি,  মসি হৌখিবা নুমিৎ ১৬০ অসিদা খ্বাইদগী তাবা ওইখি।

রিকভরীশিং ৱাংবা অমসুং অনৌবা কেসশিংগী মশিং হন্থবা অসিনা এক্তিব কেসলোদ অসি ৩,৩৩,৯২৪ দা হন্থহনবা ঙমখি মসি নুমিৎ ১৫৫নি অসিদা খ্বাইদগী হন্থবা ওইখি। হৌজিক্কী ওইনা লৈবাক অসিগী অপুনবা পোজিতিব কেসশিংগী ১.০৩% খক্তনা এক্তিব কেসশিং ওইরি মসি মার্চ ২০২০দগী খ্বাইদগী হন্থবা ওইখি।

লৈবাক অসিদা তেস্তিং কেপাসিতী মখা তানা হেনগৎলক্লি। হৌখিবা পুং ২৪দা পুন্না তেস্ত ১২,৯৫,১৬০ তৌখি। ভারতনা হৌজিক ফাওবদা অপুনবা তেস্ত করোর ৫০.৭৫ (৫০,৭৫,৫১,৩৯৯) তৌখ্রে।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোইননা চয়োলগী ওইবা পোজিতিবিতী রেত ১.৯১% দা লৈদুনা হৌজিক হৌখিবা নুমিৎ ৫৯নি অসিদা ৩%দগী হন্থনা লৈরি। নোংমগী ওইনা পোজিতিবিতী রেৎ অসিসু ১.৯৪%দা লৈখি। নোংমগী ওইবা পোজিতিবিতী রেৎ অসি হৌখিবা নুমিৎ ২৮নিদা ৩%গী মখাদা অদুগা থংনা-থংননা হৌখিবা নুমিৎ ৭৭ অসিদনা ৫%গী মখাদা লৈরি‍।

****