କ୍ୟାବିନେଟ
ଭୂବିଜ୍ଞାନ କ୍ଷେତ୍ରରେ ସହଯୋଗ ପାଇଁ ଭାରତ ଓ ଯୁକ୍ତରାଷ୍ଟ୍ର ଆମେରିକା ମଧ୍ୟରେ ସ୍ୱାକ୍ଷରିତ ବୁଝାମଣାପତ୍ରକୁ କେନ୍ଦ୍ର କ୍ୟାବିନେଟ୍ର ଅନୁମୋଦନ
ପୂର୍ବ ହିମାଳୟ ପାର୍ବତ୍ୟାଞ୍ଚଳ ଓ ଲଦାଖର ଆଗ୍ନେୟ ଓ ରୂପାନ୍ତରିତ ଶିଳା ସମ୍ପର୍କୀୟ ଭୂବିଜ୍ଞାନ ତଥ୍ୟ ଅଧିକ ମିଳିବ
Posted On:
18 AUG 2021 4:15PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର ମନ୍ତ୍ରିମଣ୍ଡଳ ବୈଠକରେ ଖଣି ମନ୍ତ୍ରଣାଳୟ ଅନ୍ତର୍ଗତ ଭାରତୀୟ ଭୂତାତ୍ତ୍ୱିକ ସର୍ଭେ ଓ ୟୁଏସଏର ଫ୍ଲୋରିଡା ଆନ୍ତର୍ଜାତିକ ବିଶ୍ୱବିଦ୍ୟାଳୟ ମଧ୍ୟରେ ଭୂବିଜ୍ଞାନ ସମ୍ପର୍କୀତ ସହଯୋଗ ନେଇ ସ୍ୱାକ୍ଷରିତ ବୁଝାମଣାପତ୍ରକୁ ଅନୁମୋଦନ ମିଳିଛି।
ଉଭୟଙ୍କ ମଧ୍ୟରେ ସହଯୋଗ ପାଇଁ ଚିହ୍ନଟ ହୋଇଥିବା କ୍ଷେତ୍ର ଏହିପରି -
(କ) ଭୂବୈଜ୍ଞାନିକ ଜ୍ଞାନର ବିକାଶ, ଭୂବିଜ୍ଞାନ ଓ ପୃଥିବୀର ଢାଞ୍ଚାଗତ ଆକାର, ବୈଶିଷ୍ଟ୍ୟ ତଥା ପରିବେଶ ନେଇ ଗବେଷଣା, ଭାରତ-ଏସୀୟ ମହାଦେଶୀୟ ଅଞ୍ଚଳରେ ହୋଇଥିବା ପରିବର୍ତ୍ତନ ତଥା ପୂର୍ବ-ହିମାଳୟ ପର୍ବତମାଳା ଅଞ୍ଚଳରେ ଭୂବିଜ୍ଞାନ ଓ ପୃଥିବୀର ଢାଞ୍ଚାଗତ ପରିବର୍ତ୍ତନ ଇତିହାସ ଉପରେ ଅଧ୍ୟୟନ ।
(ଖ) ଆଞ୍ଚଳିକ ଭୂତାତ୍ୱିକ, ଭୂ-ରସାୟନ, ପେଟ୍ରୋଲୋଜି ଓ ପ୍ରତ୍ୟେକ କ୍ଷେତ୍ରରେ ସମଗୁଣ ବିଦ୍ୟମାନ ତଥା ଲଦାଖର ଆଗ୍ନେୟ ଓ ରୂପାନ୍ତରିତ ଶିଳା ଅଧ୍ୟୟନ ସଂକ୍ରାନ୍ତ ସହଯୋଗ ।
(ଗ) ବୈଷୟିକ ଜ୍ଞାନ ଓ ଭୂବିଜ୍ଞାନ ତଥ୍ୟର ଆଦାନପ୍ରଦାନ ।
(ଘ) ପାରସ୍ପରିକ ସ୍ୱାର୍ଥ ଅନ୍ୟାନ୍ୟ ବିଷୟ ଉଭୟପକ୍ଷଙ୍କ ସହମତିରେ ନିଷ୍ପତ୍ତି ହେବ ।
ସୁବିଧା ଏହି ବୁଝାମଣାପତ୍ର ଯୋଗୁଁ ଭାରତୀୟ ଭୂତାତ୍ତ୍ୱିକ ସର୍ଭେ ଓ ଫ୍ଲୋରିଡ।। ଆନ୍ତର୍ଜାତିକ ବିଶ୍ୱବିଦ୍ୟାଳୟ ମଧ୍ୟରେ ଆନୁଷ୍ଠାନିକ ସମନ୍ୱୟ ବୃଦ୍ଧି ପାଇବ ।
ଉଦ୍ଦେଶ୍ୟ-ବୁଝାମଣାର ଲକ୍ଷ୍ୟ ହେଲା ଏକ ଯୁଗର ଭୂବୈଜ୍ଞାନିକ ଓ ରୂପାନ୍ତରିତ ଶିଳାର ପରିବେଶ ସମ୍ପର୍କରେ ଜ୍ଞାନ ଆହରଣ ସହ ଭାରତ-ଏସୀୟ ଅଞ୍ଚଳରେ ପରିବେଶ ଜନିତ ପରିବର୍ତ୍ତନର ଅନୁଧ୍ୟାନ କରିବା ଓ ପୂର୍ବ ହିମାଳୟ ଅଞ୍ଚଳରେ ଭୂତାତ୍ୱିକ ଇତିହାସର ଲିଖନ ।
ବୁଝାମଣା ସ୍ୱାକ୍ଷରିତ କାର୍ଯ୍ୟକଳାପଗୁଡିକ ମଧ୍ୟରେ ବୈଷୟିକ ଜ୍ଞାନ ଓ ଭୂବିଜ୍ଞାନ ସମ୍ପର୍କୀତ ତଥ୍ୟର ବିନିମୟ ଭୂତାତ୍ତ୍ୱିକ ଓ ଆଗ୍ନେୟ ଓ ରୂପାନ୍ତରିତ ଶୀଳା ପରିବେଶ ସମ୍ପର୍କରେ ଗବେଷଣା, ପୂର୍ବ ହିମାଳୟ ଭୂତାତ୍ତ୍ୱିକ ଓ ଆଗ୍ନେୟଶିଳା ରୂପରେଖ ଉପରେ ଗବେଷଣା ଇତ୍ୟାଦି ଅନ୍ତର୍ଭୁକ୍ତ ।
****
SM / SLP
(Release ID: 1747133)
Visitor Counter : 205
Read this release in:
English
,
Urdu
,
Hindi
,
Marathi
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam