ভারতকী কোবিদ-১৯ ভেক্সিনেসন য়ৌশিনবগী চাং অসি করোর ৫৩গী পন্দোল লানখ্রে‍। ঙসি অয়ুক পুং ৭ ফাওবদা থাগৎলকপা প্রোভিজনেল রিপোর্তকী মতুং ইন্না পুন্না সেসন ৬০,৮৮,৪৩৭দা ভেক্সিন দোজ ৫৩,৬১,৮৯,৯০৩ কাপখ্রে‍। হৌখিবা পুং ২৪সিদা ভেক্সিন দোজ ৬৩,৮০,৯৩৭ কাপখি‍।

মসিদা য়াওরিবশিংদি:

কোবিদ-১৯ ভেক্সিনেসন মীপুম খুদিংদা ফংহনবগী অনৌবা ফেজ অসি জুন ২১, ২০২১দগী হৌখিবনি‍। কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল হেনগৎহন্নবা অমদি মীৎয়েঙ পাকথোক চাউথোকহন্নবা ফিরেপ লৌরি‍।

ভারতকী ফগৎলকপগী চাং ৯৭.৪৫%দা লৈরি‍।‍

লাইচৎ অসি হৌরকপদগী নাখ্রবা অপুনবা মীওইশিংগী মরক্তগী মীওই ৩,১৩,৩৮,০৮৮ হান্ননা কোবিদ-১৯দগী ফগৎলকখ্রবনি অমদি মীওই ৩৫,৭৪৩না হৌখিবা পুং ২৪সিদা ফগৎলকখিবনি‍।

হৌখিবা পুং ২৪দা ভারত্তা নোংমগী ওইবা অনৌবা কেস ৩৮,৬৬৭ থেংনখি‍।

থংন-থংননা হৌখিবা নুমিৎ নিফু-নিপানসিদা নোংমগী ওইবা অনৌবা কেস মশিং ৫০,০০০গী মখাদা ওইদুনা লাক্লি‍। মসি কেন্দ্র অমদি স্তেত/য়ু.তি. লৈঙাকশিংগী লেপ্পা নাইদনা অমদি পুন্না হোৎনমিন্নবগী মহৈনি‍।

ঙসি ভারতকী এক্তিব কেসলোদ ৩,৮৭,৬৭৩দা লৈরে‍। এক্তিব কেস মশিং অসি লৈবাকসিগী অপুনবা পোজিতিব কেস মশিংগী শুপ্নতগী ১.২১% খক্তা ওইরি‍।

লৈবাক শিনবা থুংনা তেস্তিং কেপাসিতী মশক থোক্না হেনগৎহনখিবগা লোয়ননা হৌখিবা পুং ২৪সিদা লৈবাকসিদা পুন্না তেস্ত মশিং ২২,২৯,৭৯৮ তৌখি‍। হৌজিক ফাওবদা ভারতনা পুন্না তেস্ত মশিং ৪৯.১৭ করোর (৪৯,১৭,০০,৫৭৭) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোয়ননা চয়োলগী ওইবা পোজিতিবিতী রেত ২.০৫%দা লৈরে অমদি ঙসিগী ওইনা নোংমগী ওইবা পোজিতিভিতী রেত ১.৭৩দা লৈরে‍। নোংমগী ওইবা পোজিতিবিতী রেত হৌখিবা নুমিৎ ১৯নিদা ৩%গী মখাদা অদুগা হৌখিবা নুমিৎ ৬৮সিদনা ৫ঋ%গী মখাদা লৈরি‍।

****