খুরুমজরি,

কেন্দ্রগী কেবিনেত্তা লৈরিবা ঐগী মরুপ মপাং পুম্নমক, এম্বাসেদরশিং, হাই কম্মিশনারশিং, মালেম অসিগী মফম পুম্নমক্তা মথৌ তৌরিবা কেন্দ্র অমসুং রাজ্য সরকারগী ওফিসিয়েলশিং, কম্মর্স অমসুং ইন্দস্ত্রীগী চেম্বরশিং অমসুং তোঙান তোঙানবা এক্সপোর্ত কাউন্সিলশিংগী লিদর পুম্নমক, ইকাই খুম্নরবা অমসুং ইকাই খুম্নরবি পুম্নমক! মসি নিংতম্বগী অমৃত মহোৎসবকী মতমনি। মসিগী মতাং অসি লৈবাক অসিনা মনিং-মখা তম্লকপা চহি ৭৫ মপুং ফারকপদা ঐখোয়না নুংঙাইবা ফোংদোকপগী মতম খক্তা নত্তে; মসিনা ভারতকী শাফবা তুম অমগীদমক ময়েক শেংবা বিজন অমসুং রোদমেপ অমা শেমগৎনবগী খুদোংচাবা অমসু ওইরি৷ ঐখোয়গী এক্সপোর্ত এম্বিসনশিং অসিগীদমক নখোয়গী থৌদাং, নখোয়না শরুক য়াবা অমসুং নখোয়গী ইনিসিয়েতিবশিং অসি য়াম্না মরু ওই৷ ঙসি মালেমগী থাক্তা থোক্লিবা পুম্নমক অসি মফম অসিদা তিল্লিবা মীপুং খুদিংমক্না খঙই হায়বসি ঐনা খঙই৷ ফিজিকেল, তেক্নোলোজিকেল অমসুং ফাইনান্সিয়েল কন্নেক্তিবিতীনা মরম ওইদুনা ঙসিদি মালেম অসি নোংম-নোংমগী পিকশিনলক্লে৷ অসিগুম্বা ফিভম অমদা, ঐখোয়গী এক্সপোর্তশিং অসি হেন্না চাওথোক্নবগীদমক মালেম অসি শিনবা-থুংনা অনৌবা পোজিবিলিতীশিং থোক্লক্লি৷ নখোয়না ঐঙোন্দগী হেন্না এক্সপরিয়েন্স লৈ অমসুং অফ-ফত্তা হেন্না খঙই হায়বসি ঐনা খঙই৷ নাকল অনিমক্কী ৱাখল্লোনশিং এক্সচেঞ্জ তৌননবগীদমক খুদোংচাবা ফংলিবা অসিগীদমক অমসুং ঙসিগী ইনিসিয়েতিবশিং অসিগীদমক নখোয় পুম্নমকপু ঐনা থাগৎলি৷ এক্সপোর্তশিংগী মতাংদা ঐখোয়গী পান্দমশিং অসি ফংনবা নখোয় পুম্নমক্না উৎলিবা থৌদাং, থাজরিবা অমসুং পুক্নিং লুপ্লিবা অসিসু থাগৎনিংঙাইনি৷

মরুপশিং,

গ্লোবেল ইকোনোমীদা ঐখোয়না খ্বাইদগী সেয়র ৱাংনা লৈরিবা অদু ভারতকী মঙাল লৈরিবা ত্রেদ অমসুং এক্সপোর্তশিংননি৷ মালেম অসিগী মফম পুম্নমক্কা ঐখোয়গী ত্রেদ লিঙ্কশিং অমসুং ত্রেদ রুতশিং লৈ৷ ঙসিদি, গ্লোবেল ইকোনোমীদা লৈরিবা অরিবা স্তেক অদু রিক্লেম তৌনবা ঐখোয়না হোৎনবনা, ঐখোয়গী এক্সপোর্তশিংগী থৌদাং অসি য়াম্না মরু ওই৷ পোস্ত-কোবিদ-ৱর্ল্দগী মতমদা, গ্লোবেল সপ্লাই চেনগী মতাংদা কা-হেন্না খন্ন-নৈনবা মতম অমা লাকপা মতমদা, অনৌবা খুদোংচাবশিং অসিদগী খুদোংচাবা লৌহৌনবা ঐখোয়না হোৎনরিবা অদু হেন্না পাক-চাওনা হোৎনগদবনি৷ জি.দি.পি.গী চাদা ২০দি ঐখোয়গী এক্সপোর্তশিংনা কন্সতিত্যুত তৌরি হায়বসি নখোয়না খঙই৷ ঐখোয়গী ইকোনোমী, পোতেন্সিয়েল, মেনুফেকচরিং অমসুং সর্ভিস ইন্দস্ত্রী বেজকী সাইজ অদু খন্দুনা য়েংউ, এক্সপোর্তশিংনা হেন্না-হেন্না চাওখৎলকপা য়াবগী ওইথোকপা চাওনা লৈ৷ লৈবাক অসিনা অত্মনির্ভর ভারত মিসন চৎনবা মতমদা, এক্সপোর্তস মেনিফোল্দা লৈরিবা গ্লোবেল সপ্লাই চেন অদুদা ভারতকী সেয়র হেনগৎহনবা হায়বসিনা পান্দম অমা ওই৷ ঙসিদি, ঐখোয়গী ব্যুজিনেস অসিনা চাওখৎপা ঙম্নবা অমসুং হেন্না পাকথোক-চাওথোকহন্নবা লাক্লিবা ইন্তরনেস্নেল দিমান্দগী মতুং ইন্না ঐখোয়না থবক তৌরি৷ ঐখোয়গী ইন্দস্ত্রীনা খ্বাইদগী ফরবা তেক্নোলোজী শিজিন্নরগনি, ইন্নোবোসনদা মীৎয়েং চংলগনি অমসুং আর. অমসুং দি.দা মহাক্কী সেয়র হেনগৎহল্লগনি৷ হায়রিবা অসি গ্লোবেল ভেল্যু চেনদা ঐখোয়গী সেয়র চাওখৎলক্লবা মতম খক্তদা ফংবা ঙমগনি৷ কম্পিতিসন অমসুং এক্সিলেন্সপু হেন্না পুক্নিং থৌগৎলদুনা, ঐখোয়না সেক্তর খুদিংমক্তা গ্লোবেল চেম্পিয়নশিং শেম-শাদুনা থমগদবনি৷

মরুপশিং, এক্সপোর্তশিং হেনগৎহনবা মতমদা ফেক্তর মরি য়াম্না মরু ওই৷ অহানবদা, লৈবাক অসিদা লৈরিবা মেনুফেকচরিং অসি হেনগৎহনগদবনি অমসুং ক্বালিতেতিবলী কম্পিতিতিবসু ওইহনগদবনি৷ পোৎ অমগী মমলদগী পোৎ অদুগী ক্বালিতীদনা হেন্না মীৎয়েং চংবা অনৌবা ক্লাস অমা মালেম অসিদা লৈরে হায়না ঐখোয়গী মরুপশিংনা হায়খিবা লৈরে৷ অমসুং মসিগী ইসু অসি ঐখোয়না থেংনগদবনি৷ অনিশুবদা, ত্রান্সপোর্তকী মতাংদা লৈরিবা লোজিস্তিক প্লোব্লেমশিং অসিসু অরোইবা অমা পুরক্কদবনি৷ হিরম অসিগী মতাংদা, কেন্দ্র, রাজ্য সরকারশিং অমসুং প্রাইভেৎ প্লেয়রশিংনা মশা-মশাগী থৌদাং অদু লৌগদবনি৷ অহুমশুবদা, সরকার অসিনা এক্সপোর্তরশিংগা অমতা ওইনা খুৎশম্নদুনা থবক তৌমিন্নগদবনি৷ হিরম অসিদা রাজ্য সরকারশিংনা শরুক য়াদ্রবা অমসুং রাজ্যশিংদা লৈরিবা এক্সপোর্তরশিংগী কাউনসিলশিং অসিনা শরুক য়াদ্রবা অমসুং করবার তৌবা মীওইশিংনা আইসোলেদ ৱর্ল্দ অমদা লৈরবা অমসুং মশাগী ওইবা লম্বীদা এক্সপোর্তশিং তৌরবদি ঐখোয়না পাম্লিবা রিজল্তশিং অদু ফংলোই৷ ঐখোয়না কোলাবোরেত তৌদুনা চংশিনমিন্নবা দরকার ওই৷ অদুগা ঙসিগী ইভেন্ত অসিদা মরী লৈনরিবা মরিশুবা ফেক্তর অদুদি ইন্দিয়ন প্রদক্তশিংগী ইন্তরনেস্নেল মার্কেৎ অদুনি৷ হায়রিবা ফেক্তর মরি অসি অমতা ওইনা পুনশিল্লবা মতমদা ভারতকী লোকেল অসি গ্লোবেল ওইবা ঙমগনি অমসুং মালেম অসিগীদমক হেন্না ফবা মওং অমদা মেক ইন ইন্দিয়াগী গোল অদু ফংবা ঙমগনি৷

মরুপশিং,

রাজ্য সরকারশিং অমসুং কেন্দ্র সরকার অনিমক্না ব্যুজিনেস ৱর্ল্দগী তঙাইফদবশিং অদুগী মতুং ইন্না চংশিন্নবা হোৎনরি৷ অত্মনির্ভর ভারত কেম্পেনগী মখাদা, রিলেক্সেসন কয়া অমা কমপ্লাইয়েন্সশিংদা পীখ্রে অমসুং মসিনা মরম ওইদুনা ইকোনোমিক এক্তিবিতীশিং য়াম্না লাইনা চলাইবা য়াহনখ্রে৷ এম.এস.এম.ই.শিং অমসুং অতোপ্পা শোকহল্লিবা সেক্তরশিংদা রিলিফ ওইনা লুপা কোতি লাখ ৩গী ইমর্জেন্সী ক্রেদিৎ লাইন গরেন্তী স্কিম ফংহনখ্রে৷ রিকোভরী অমসুং গ্রোথপু হেন্না পুক্নিং থৌগৎপা ওইনা হন্দক্তা ইকুই কুইদ্রিঙৈদা অতোপ্পা লুপা কোতি লাখ ১.৫গী শেনফম এপ্রুব তৌখ্রে৷

মরুপশিং,

ঐখোয়গী মেনুফেকচরিংগী স্কেল অসি হেনগৎনবা খক্তা নত্তনা গ্লোবেল ক্বালিতী অমসুং ইফিসিয়েন্সীগী লেবেল অদুসু হেনগৎনবা প্রদক্সন লিঙ্ক ইন্সেন্তিব স্কিমনা হোৎনরগনি৷ মসিনা মেদ ইন ইন্দিয়াগী অনৌবা ইকোসিস্তেমদা য়াম্না চাওনা চাওখৎপা পুরক্লগনি৷ মেনুফেকচরিং অমসুং এক্সপোর্তশিংদা লৈবাক অসিনা অনৌবা গ্লোবেল চেম্পিয়নশিং ফংলগনি৷ ঐখোয়না মোবাইল ফোন সেক্তরদা মহাক্কী ইম্পেক্ত থেংনরি৷ চহি তরেৎকী মমাংদা, বিলিয়ন $ ৮রোমগী মমল ওইগদবা মোবাইল ফোনশিং পুশিল্লক্লম্বা অদু হৌজিক্তি বিলিয়ন $ ২দা হন্থখ্রে৷ চহি তরেৎকী মমাংদা, ভারতনা বিলিয়ন $ ০.৩গী মমল ওইগদবা মোবাইল ফোনশিং এক্সপোর্ত তৌরম্মী অদুবু হৌজিক্তি এক্সপোর্ত তৌবগী চাং অদু হেনগৎলক্তুনা বিলিয়ন দোলর ৩ হেল্লে৷

মরুপশিং,

মেনুফেকচরিং অমসুং এক্সপোর্তশিংগা মরী লৈনবা অতোপ্পা প্লোব্লেম রিসোল্ব তৌবা অসিনা সরকারগী মীৎয়েং ওইরি৷ লোজিস্তিকশিংগী মতম অমসুং মমল হন্থহনবা অসিনা কেন্দ্র অমসুং রাজ্য সরকারশিংগী প্রাইওরিতী ওইখ্রে অমসুং ওইদুনা অদুমক লৈগদবনি৷ মসি ফংবা ঙম্ননবগীদমক, ইনফ্রাস্ত্রকচর কন্সত্রক্সন নত্রগা পোলিসী দিসিজন ওইরবসু লেবেল খুদিংমক্তা ঐখোয়না খোঙজেল য়াংনা মাংজিল থানা চংশিনগদবনি৷ ঙসিদি, মল্তিমোদেল কন্নেক্তিবিতীরোমদা ঐখোয়না খোঙজেল য়াংনা চংশিল্লি৷

মরুপশিং,

রেলৱে রুত্তা পোৎ-চৈশিং পুরকপা হৌখ্রে অমসুং পোৎ-চৈগী ভোল্যুমদসু কা-হেন্না হেনগৎলকখ্রে হায়না বঙ্গলাদেশনা মহাক্কী এক্সপরিয়েন্স অদু সেয়র তৌরকখ্রে৷ মরুপশিং, লাইনা-লাইচৎ অসিনা পীরিবা ইম্পেক্ত অসি য়াম্না নেম্না হন্থনবা অমসুং ভাইরস ইনফেক্সন অসি কন্ত্রোল তৌদুনা থম্নবা সরকার অসিনা লেপ্পা-লৈতনা হোৎনরি৷ ঙসিদি লৈবাক অসিদা ভেক্সিনসু খোঙজেল য়াংনা কাপখৎলক্লি৷ ইন্দস্ত্রী অমসুং লৈবাক অসিদা লৈরিবা মীওই খুদিংমক্কী প্রোব্লেম অদু লৌথোক্নবা লৌখৎপা য়াবা খোঙথাং খুদিংমক লৌখৎখ্রে৷ লৌখিবা মতমশিংদা হোৎনরম্বা কয়া অদুগী রিজল্তশিং অদু নহাক্নসু থেংনরি৷ লাইচৎকী মতম অসিনা ঐখোয়গী ইন্দস্ত্রী অমসুং ঐখোয়গী করবারসু ইন্নোবেত তৌখ্রে অমসুং লাক্লিবা অনৌবা চেলেঞ্জশিং অসিগী মতুং ইন্না মখোয়শিংগী মশকপু হোংখ্রে৷ লৈবাক অসিনা মেদিকেল ইমর্জেন্সী লাকপা মতমদা ইন্দস্ত্রী অসিনা মতেং পাংখ্রে অমসুং অমুক হন্না গ্রোথ লাক্নবা হোৎনবদা থৌদাং অমা লৌখ্রে৷ মসিনা মরম ওইদুনা ঙসিদি দ্রগশিং অমসুং ফার্মক্যুকিতেলশিংগা লোইননা, ঐখোয়গী এক্সপোর্তশিংনা লৌউ-শিংউবগুম্বা সেক্তরশিংদা অনৌবা লেবেল অমা য়ৌবা ঙমখ্রে৷ ঙসিদি ঐখোয়না ইকোনোমিক রিকোভরী খক্তদা নত্তনা গ্লোথ ৱাংবগী মতাংদসু পোজিতিব সাইনশিং উবা ফংলি৷ মালেম অসিগী অচৌবা ইকোনোমী কয়া অমনা রেপিদ রিকোভরী খুদমশিংসু উৎলক্লি৷ মরম অদুনা, এক্সপোর্তশিংগীদমক হেন্না চাওবা তার্গেৎশিং থম্নবা অমসুং ফংনবা হোৎনবগী শাফবা মতম অমা ওইরে হায়না ঐনা খল্লি৷ হিরম অসিগী মতাংদা সরকার অসিনা লেবেল খুদিংমক্তা লৌখৎপা য়াবা তঙাইফদবা খোঙথাংশিংসু লৌখৎলি৷ হন্দক্তা ইকুই-কুইদ্রিঙৈদা, সরকার অসিনা এক্সপোর্তরশিংগী মতাংদা অচৌবা ৱারেপ অমা লৌখি৷ ৱারেপ অসিগী মতুং ইন্না, ঐখোয়গী এক্সপোর্তরশিংনা ইন্সুরেন্স কোবরগী মওংদা লুপা কোতি ৮৮,০০০রোমগী চাওরবা শেনফম ফংলগনি৷ মতৌ অসিগুম্না, এক্সপোর্ত ইন্সেন্তিবশিং রেস্নেলাইজিং তৌবা অমসুং মখোয়শিংবু দবল্যু.তি.ও. কমপ্লেন্ত ওইহনবা অসিনা ঐখোয়গী এক্সপোর্তশিংদসু কান্নবা পীরগনি৷

মরুপশিং,

মালেম অসিগী তোঙান তোঙানবা লৈবাকশিংদা করবার তৌদুনা লৈরিবা ঐখোয়গী এক্সপোর্তরশিংনা স্তেবিলিতীগী ইম্পেক্ত অদু য়াম্না ময়েক শেংনা খঙই৷ রেত্রোস্পেক্তিব তেক্সেসন লৌথোক্নবগী ৱারেপ অসিনা পোলিসীশিংদা লৈরিবা কন্সিস্তেন্সী অমসুং ঐখোয়গী কম্মিতমেন্ত অদু উৎলি৷ ভারতকী দিসিসিব ওইবা সরকার অসিনা অনৌবা পোজিবিলিতীশিং চংশিল্লক্নবগী থোং হাংবতা নত্তনা মহাক্কী প্রোমিজশিং অদু ফংনবা হোৎনবগী অচেৎপা ফিরেপ অদুসু লৈ হায়না ইনবেস্তর পুম্নমক্তা ময়েক শেংবা মেসেজ অমা থাই৷

মরুপশিং,

ঐখোয়গী এক্সপোর্ত গোলশিং অসি ফংনবা অমসুং অতোপ্পা রিফোর্মশিং পাংথোক্নবা রাজ্য খুদিংমক্কী অচৌবা স্তেকশিং লৈ৷ ইনবেস্তমেন্তবু ওইরবসু, ব্যুজিনেস তৌবা লাইথোকহনবা নত্রগা লাস্ত মাইল ইনফ্রাস্ত্রকচরবু ওইরবসু রাজ্যশিং অসিগী থৌদাং অসি য়াম্না মরু ওই৷ রিগুলেতরীগী পোৎলুমশিং অসি হন্থহন্দুনা এক্সপোর্তশিং নত্রগা ইনবেস্তমেন্তশিং হেন্না থাদনবা কেন্দ্র সরকারনা রাজ্যশিং অসিগা খুৎশম্নদুনা য়াম্না কন্না হোৎনরি৷ রাজ্যশিং অসিদা এক্সপোর্ত হবশিং শেমগৎপা য়ানবা হেল্দী ওইবা কম্পিতিসন অমা প্রমোত তৌরি৷ জিলা অমমমগী প্রদক্ত অমদা মীৎয়েং চংনবা রাজ্যশিংবু পুক্নিং থৌগৎলি৷

মরুপশিং,

এক্সপোর্তশিংগী মতাংদা লৈরিবা ঐখোয়গী এম্বিসিয়র্স তার্গেৎ অসি হোলিস্তিক অমসুং দিতেল এক্সন প্লান অমগী মতেং খক্তনা ফংবা ঙমগনি৷ হৌজিক লৈরিবা ঐখোয়গী এক্সপোর্তশিং অসি ঐখোয়না এসিলিরেত তৌবা দরকার ওইবতা নত্তনা, অনৌবা প্রদক্তশিং অসিগীদমক ঐখোয়না অনৌবা মার্কেৎ দেস্তিনেসনশিং শেম্নবসু হোৎনগদবনি৷ নখোয়দা ঐনা সজেসন খরা পীবা পাম্মী৷ মপান লমশিংদা চত্থরিবা ঐখোয়গী মিসনশিং অসিনা তাকপা য়াই খুদম ওইনা হায়রবদা করিগুম্বা ঐখোয়না মালেম অসিগী পন্থুংফম অমহুমদা এক্সপোর্ত তৌরবদি, লৈবাক অসিনা মনিং-মখা তম্লকপা চহি ৭৫ মপুং ফারকপা অসিদা ঐখোয়না অনৌবা পন্থুংফম মঙা অমগা হাপচিনবা য়ারোইদ্রা?  ঐখোয়না ঙমগনি হায়না ঐনা খল্লি৷ হায়রিবা লৈবাকশিং অসিদা মাংজৌননা এক্সপোর্ত তৌরিবা প্রদক্তশিং অসিগী মথক্তা ঐখোয়গী মিসনশিং অসিনা অনৌবা প্রদক্ত ৭৫গা হাপচিন্নবা ৱারেপ্পা য়ারোইদ্রা? অসিগুম্না, হৌখিবা চহি তরেৎ অসিদা য়াম্না প্রোএক্তিব ওইরকখিবা ইন্দিয়ন দাইস্পোরা অসিনা ঐখোয়না হোৎনরিবশিং অসিদা মতেং পাংদুনা লাক্লি৷ লৈবাক অসিনা মনিং-মখা তম্লকপা চহি ৭৫ মপুং ফারকপা অসিদা এক্সপোর্তকী মতাংদা মরী লৈনবা রাজ্যশিংগা ভর্চুএল সম্মিত অমা পাংথোকপা অমসুং রাজ্যশিংদা ঐখোয়না দাইস্পোরাগী গ্রুপশিং শেম্বা ঙমগনি৷ খুদম ওইনা, বিহার সরকারনা মহাক্কী এক্সপোর্তকা মরী লৈননা সম্মিত অমা শিল্লি৷মসিদা ভারত সরকার, রাজ্য অদুগী এক্সপোর্তরশিং অমসুং মশাগী লৈবাক্তা লৈজরিবা বিহারগী দাইস্পোরা শরুক য়াগদবনি অমসুং মফম অদুদা এক্সপোর্ত তৌবা য়ারিবা পোৎলমশিং অদু ঐখোয়না খন্নবা য়াগনি৷ মসিগী ইনিসিয়েতিব অসিদা দাইস্পোরানা খোইদানা য়ারক্কনি অমসুং অদুগুম্বা প্রদক্তশিং অদু মার্কেতিং অমসুং ব্রান্দিং তৌবদা মতেং পাংবা ঙমগনি হায়না ঐনা খল্লি৷ মসিগী লম্বী অসিদা ঐখোয়গী প্রদক্তশিং মফম কয়া অমগা য়ৌবা ঙমগনি৷ অসিগুম্না, লৈবাক ৭৫দগা এক্সপোর্ত তৌবা য়াবা অসিগুম্বা প্রদক্ত মঙা নত্রগা তরা রাজ্য সরকারশিংনা প্রাইয়োরিতাইজ তৌবা য়াগনি৷ রাজ্যশিংনা মসিগী তার্গেৎ অসি থম্বা ঙমগনি৷ লৈবাক অসিনা মনিং-মখা তম্লকপা চহি ৭৫ মপুং ফারকপা  অসিদা ঐখোয়না অনৌবা মেথর্দশিং শিজিন্নদুনা মালেম অসিদা অনৌবা পন্থুংফমশিং পুথোক্নবা হোৎনবা ঙমগনি৷ মালেম অসিনা কা-হেন্না খঙলোইদবা প্রদক্ত কয়া অমা লৈ৷ খুদম ওইনা, ভারতনা শাখিবা অহোংবা এল.ই.দি. বল্ব৷ মালেম অসিদা লৈরিবা লৈবাকশিংনা গ্লোবেল ৱার্মিংগীদমক ৱানরবা অমসুং ইনর্জী সেব তৌনবা হোৎনরিবা মতম অসিদা, ঐখোয়না ঐখোয়গী এল.ই.দি. বল্বশিং অহোংবা মমলশিংদা মপান লমদা এক্সপোর্ত তৌবা ঙমগনি৷ মসিনা হ্যুমেনিতীগী থৌদাং অমসু ওইরগনি অমসুং ভারতনা অচৌবা মার্কেৎ অমদা চংশিনবসু ঙম্লগনি৷ অসিগুম্বা প্রদক্ত কয়া অমা লৈ৷ হৌজিক্তা ঐনা নখোয়দা খুদম অমা পীখ্রে৷ হৌজিক হৌজিক্কি ওইনা, ঐখোয়গী এক্সপোর্তশিংগী তংখায় অমদি মরু ওইবা পন্থুংফম মরি খক্তদা পীরি৷ অসিগুম্না, ঐখোয়গী এক্সপোর্তশিংগী চাদা ৬০দি ইঞ্জিনিয়রিং গুদস, লৈতেংগী নুংশিং অমসুং সনা-লুপা, পেত্রোলিয়ম, কেমিকেল প্রদক্তশিং অমসুং ফার্মক্যুকিতেলশিংগা মরী লৈনৈ৷ দাইবর্সিতী কয়ানা পীক থল্লবা, অখন্নবা প্রদক্তশিং ফংলিবা অসিগুম্বা চাওরবা লৈবাক অসিনা মালেম অসিগী মফমশিংদা য়ৌদ্রিবা অসি ঐখোয়না য়েংশিন্নিংঙাই ওই হায়বসি ঐনা খঙই৷ অসিগুম্বা এনোমেলিশিং অসি ঐখোয়না লৌথোকপা মরু ওই৷ ঐখোয়না ফম্মিন্নদুনা লম্বীশিং পুথোকপা মরু ওই৷ মসিগী ফিভম অসি ঐখোয় অমতা ওইনা পুনশিনদুনা হোংদোক্কদবনি, অনৌবা পন্থুংফমশিং পুথোক্কদবনি অমসুং ঐখোয়গী অনৌবা প্রদক্তশিং অসি মালেম অসিদসু য়ৌহনগদবনি৷ মাইনিং, কোইল, দিফেন্স অমসুং রেলৱেশিংগুম্বা সেক্তরশিং অসি হাংদোক্তুনা, ঐখোয়গী এন্তরপ্রিনরশিংনা পোৎ-চৈশিং অসি হেন্না-হেন্না এক্সপোর্ত তৌনবগী অনৌবা খুদোংচাবশিং লৈ৷ অসিগুম্বা অনৌবা প্রদক্তশিং অসিগীদমক ঐখোয়না ফ্যুচরিস্তিক ত্রাতিজীশিং পুথোকপা ঙমগদ্রা?

মরুপশিং,

ঙসিগী প্রগ্রাম অসিদা শরুক য়ারিবা ঐখোয়গী এম্বাসেদরশিং অমসুং এক্সতর্নেল এফিয়র্স মন্ত্রালয়গী কলিগশিংগী মফমদা ঐনা করিগুম্বা অমা হায়নিংবা পাম্মী৷ নখোয়না ভারতকী মহুৎ শিন্দুনা অতোপ্পা লৈবাক অমদা চৎলুবা মতমদা লৈবাক অদুগী তঙাই ফদবশিং অমসুং দিমান্দশিং অদু নিংথিনা ময়েক শেংনা খঙগনি৷ লৈবাক অদুনা দরকার ওইরিবা দিমান্দ অদু ভারতকী করম্বা মফমনা মেনখৎপা ঙমগনি হায়বসিসু নহাক্না হেন্না খঙগনি৷ হৌখিবা চহি ৭ অসিদা, ঐখোয়না অনৌবা এক্সপরিমেন্ত অমা পাংথোকখ্রে৷ মপান লমগী মিসনশিং থাখ্রিবা মীওইশিংনা অসিনা ভারত্তা হল্লক্লবা মতমদা, মখোয়শিং অদু রাজ্যশিং অদুদা নুমিৎ নিনি-হুমনিগী ওইনা রাজ্য সরকারশিং অদুগা খন্ন-নৈননবা থাদুনা মরী লৈনবা রাজ্য অদুনা মপান লমগী লৈবাক অদুদা পোৎ-চৈশিং এক্সপোর্ত তৌনবগী খুদোংচাবা অদু লৌহৌগনি৷ মসিগী প্রেক্তিস অসি হান্নদগী হৌনা চত্থদুনা লাক্লি৷ ঐখোয়গী এক্সপোর্তরশিং অমসুং কম্মর্স ইন্দস্ত্রী অসিগীদমক নখোয় পুম্নমক অসি অফবা থোং অমনি৷ তোঙান তোঙানবা লৈবাকশিংদা লৈরিবা ইন্দিয়া হাউসসু ভারতকী মেনুফেকচরিং পৱারগী মীহুৎশিং ওইগদবনি হায়না ঐনা হায়বা পাম্মী৷ মতম মতমগী মতুং ইন্না নখোয়না ভারত্তা লৈরিবা মীয়ামশিং অসি লমজিংলবদি এক্সপোর্তশিং তৌবগী চাংসু লাইনা হেনগৎকনি৷ ঐখোয়গী এক্সপোর্তরশিং অমসুং ঐখোয়গী মিসনশিং অসিগী মরক্তা লেপ্পা লৈতনা পাউ ফাওদোক ফাওজিন তৌনবা য়ানবা সিস্তেম অমা শেমগৎনবা ঐনা কম্মর্স মন্ত্রালয়দা হংলগনি৷ মসিগী ভর্চুএল সিস্তেম অসিনা মরম ওইদুনা, ঐখোয়না মসিগী থবকশিং অসি য়াম্না লাইনা তৌবা য়াগনি হায়না ঐনা থাজৈ৷ ঙল্লিঙৈ মতমদা কোইচৎ-চৎতুনা মীফমশিং পাংথোকপা অসি অরুবা অমা ওইরম্মী৷ অদুবু কোরোনাগী মতুংদা, মসিগী চাওরবা ভর্চুএল সিস্তেম অসি মালেম পুম্বনা শিজিন্নরি৷ পার্তীশিং অমসুং স্তেকহোল্দর পুম্নমক্কা লোইননা অপুনবা ইনিসিয়েতিব অমা শেম্ননবা ঐখোয়না হোৎনরিবা অসি হেন্না দিসিসিব ওইরক্ননবগীদমক মসিগী ভর্চুএল সিস্তেম অসি হেন্না-হেন্না শিজিন্নরক্কনি হায়বসি ঐগী থাজবনি৷

মরুপশিং,

ঐখোয়গী এক্সপোর্তশিং অসিদগী ঐখোয়গী ইকোনোমীদা চাওনা কান্নবা লৌহৌনবা লৈবাক অদুদা ঐখোয়না তৎপা নাইদবা অমসুং ক্বালিতী ৱাংবা সপ্লাই চেন অমা ঐখোয়না শেমগদবনি৷ মসিগীদমক ঐখোয়না অনৌবা মরী, অনৌবা পার্তনরশিপ অমা শেম্বা মথৌ তাই৷ ঐখোয়গী এম.এস.এম.ই.শিং, লৌমীশিং অমসুং ঙামীশিং অসিগা পার্তনরশিপ নিংথিনা শেম্ননবা অমসুং ঐখোয়গী স্তার্ত-অপশিং অসি প্রমোত তৌনবা ঐনা এক্সপোর্তর পুম্নমক্তা হায়জরি৷ স্তার্ত-অপশিংগী ফিল্দ অসিদা ঐখোয়গী নহা ওইরিবা জেনেরেসন অসিনা চাওনা কন্ত্রিব্যুত তৌবা ঙমগনি৷ মসিগী ফেক্ত অসিদা এক্সপোর্তর ময়াম অমনা ইনবদি ৱাগনি৷ করিগুম্বা ঙম্লগদি, হিরম অসিগী মতাংদা কম্মর্স মন্ত্রীনা ইনিসিয়েতিবশিং অসি লৌখৎকদবনি৷ ঐখোয়গী স্তার্ত-অপশিং, এক্সপোর্তরশিং অমসুং ইনবেস্তরশিংনা মখোয় মখোয়গী স্ত্রেঙ্গ অদু খঙননবা, মালেমগী মার্কেৎতা পুথোক্ননবা মখোয়শিং অসিগী অপুনবা ৱার্কশোপ অমা শিনগদবনি৷ ঐখোয়না করিগুম্বা ময়াম অমা তৌবা ঙম্বসু য়াই৷ ঐখোয়না মখোয়শিং অসি সপোর্ত তৌগদবনি৷ হেন্না ফবা তেক্নোলোজী শিজিন্নদুনা মতৌ কমদৌনা ক্বালিতী হেনগৎকদগে হায়বগী খুদম অমা ওইনা ঐখোয়গী খোইয়ী সেক্তর অসি হায়বা য়াই৷ অপিকপা খুদম ময়াম অমা ঐনা পল্লিবা অসিগী মরমদি অপিকপা পোৎলমশিং ফাওবনা পৱারহাউস অমা ওইনা ওন্থোরকপা য়াবগীনি৷ খোইয়ী অসি মালেমগী মার্কেৎতা হেন্না মশক খঙহন্নবা হোৎনবদা খোইয়ীগী ক্বালিতী ঙাক্তুনা থম্বা হায়বসি য়াম্না মরু ওই৷ খোইয়ীগীদমক অনৌবা তেক্নোলোজী-বেজ তেস্ত অমা ঐখোয়না শেমগৎখি৷ মসিনা মরম ওইদুনা, হৌখিবা চহিদা ঐখোয়না লিমিয়ন $ ৯৭কী চাংদা খোইয়ী এক্সপোর্ত তৌখি৷ অসিগুম্বা ইন্নোবেসনশিং অসিগুম্না ঐখোয়না ফুদ প্রোসেসিং, উহৈশিং নত্রগা ঙাশিংদা অনৌবা ইন্নোবেসনশিং পুথোকপা য়ারোইদ্রা? ঙসিদি মালেম অসিদা হোলিস্তিক হেল্থকেয়রগী এনবাইরোনমেন্ত অমা লৈরে৷ বেক্ত তু বেসিক্কী এনবাইরোনমেন্ত অমসু লৈরে৷ য়োগনা ভারতপু মালেম অসিদা মশক খঙহল্লে৷ অসিগুম্বা সিনারিও অসিদা, ঐখোয়গী ওর্গানিক এগ্রীকল্চর প্রদক্তশিং অসি মালেমগী পাক-চাওরবা মার্কেৎ অসিদা মফম অমা কনবা ঙম্লিবনি৷ ঐখোয়গী ওর্গানিক প্রদক্তশিং অসি মতৌ কমদৌনা ঐখোয়না য়োকখৎকদগে?

মরুপশিং,

ব্রান্দ ইন্দিয়াগীদমক অনৌবা গোলশিং ফংনবা অনৌবা খোঙচৎ অমা চৎপগী মতম ওইরে৷ ঐখোয়না ক্বালিতী অমসুং রিলাইএবিলিতীগী অনৌবা শকলোন অমা শেমগৎনবগী চপ-চাবা মতম ওইরে৷ মালেম অসিগী মফম খুদিংমক্তা ভারতকী ভেল্যু ৱাংবা প্রদক্তশিং অসি এক্সপোর্ত তৌননবগীদমক ঐখোয়না প্রদক্তশিং অসিদা লেপ্পা-লৈতনা ভেল্যু হাপচিনগদবনি৷ পোৎলমশিং অসিগীদমক মশা-মতোম্তা দিমান্দ লাকচনবা ঐখোয়গী প্রদক্তশিং অসিদা ঐখোয়না লেপ্পা-লৈতনা ভেল্যু হাপচিনবা দরকার ওই৷ ঐখোয়না মসি হোৎনগদবনি৷ হিরম খুদিংমক্তা সরকার অসিনা নখোয়বু সপোর্ত তৌগনি হায়না ইন্দস্ত্রী অসিদা অমসুং এক্সপোর্তর পুম্নমক্তসু ঐনা থাজবা পীরি৷ ভারত পুম্বা অমতা ওইনা চাওখৎমিন্ননবা, অত্মনির্ভর ভারত মতৌ কমদৌনা রিসোল্ব তৌখিবগে হায়বদু ঐখোয়না নিংশিংশি! নখোয় পুম্নমক্তা ঐনা য়াইফ-মঙ্গোল পীরি৷ চয়োল অমগী মতুংদা, ঐখোয়না ভারত্তা অমসুং মালেম অসিগী মফমশিংদা চত্থরিবা মিসনশিং অসিদা ওগস্ত ১৫ পাংথোক্লগনি৷ নিংতম্বগী অমিৃত মহোতসবসু ফোর্মেল্লী ওইনা হৌরগনি৷ লৈবাক অসিনা মনিং-মখা তম্লকপা চহি ৭৫ শুরকপা অসি মালেম অসিদা খঙহন্দুনা ইম্পেক্ত অমা থম্ননবা ঐখোয়গী ওইনা চাওনা পুক্নিং থৌগৎনিংঙাই ওইরবা থৌরম অমনি৷ ২০৪৭তা লৈবাক অসিনা মনিং-মখা তম্লকপা চহি ১০০ শুরক্কদৌরিবা লাক্লিবা চহি ২৫ অসি ঐখোয়গী ওইনদি য়াম্না মরু ওই৷ ঙসিদগী হৌদুনা মীকুপ অমতা মাংহন্দনা রোদমেপ অমগা লোইননা ঐখোয়না মাংলোমদা চংশিনশি৷ ঙসিগী মীফম অসিগী মতুংদা মসিগী রিজোলুসন অসি মাই পাক্না পাংথোকপা ঙমগনি হায়না ঐনা থাজৈ৷ মসিগী থাজবা অসিগা লোইননা, নখোয় পুম্নমক্তা ঐনা মঙ্গোল পীরি৷ নখোয়বু থাগৎচরি৷

দিসক্লেমর: মসি প্রধান মন্ত্রীনা ৱাংখিবা ৱারোল অদুগী চপ-চাবা ত্রান্সলেসন্নি৷ ওরিজিনেল স্পীচ অদুদি হিন্দি লোন্দা ঙাংই৷

*****