প্রধানমন্ত্রীগী লোইশঙ

পি.এম.না গুজরাত্তা প্রধান মন্ত্রী গরীব কল্যান অন্না য়োজনাগী বেনিফিসরীশিংগা উনখ্রে

মমাংদা, অহোংবা রাসন স্কীমশিংগী স্কোপ অমসুং বজেৎ হেনগৎহনবা লৈখ্রে অদুবু চাং অদুদা চরা হেনবা অমসুং চিঞ্জাক ফংদবগী অৱাবদি হন্থবা লৈখিদে: পি.এম.

প্রধান মন্ত্রী গরীব কল্যান অন্না য়োজনা হৌদোক্লবা মতুংদদি বেনিফিসরীশিংনা মমাংদা ফংখিবা রাসনগী চাংদগী শরুক অনি হেন্না ফংলি: পি.এম.

লায়চৎ মনুংদা চাদিং লুপা কোতি লাখ ২ হেনবনা মীওই কোতি ৮০ হেন্না লেম্না রাসন ফংহনখি: পি.এম.

লৈবাক অসিদা খ্বায়দগী চাউবা অৱা-অনা নংবা নত্তনা নাগরীক অমত্তনা চরা হল্লোই: পি.এম.

লায়রবদা শক্তি পীবা অসিনা ঙসিদি খ্বায়দগী মকোক্তা থম্লি: পি.এম.

ঐখোয়গী শান্নরোইশিংগী অনৌবা থাজবা অসিনা অনৌবা ভারতকী খুদম অমা ওইরক্লি: পি.এম.

লৈবাক অসিনা য়াম্না থুনা ভেক্সিনেসন্দা চংশিন্দুনা কোতি ৫০গী মফম অমা য়ৌরে: পি.এম.

অজাদী কা অমৃত মহোৎসবতা জাতি শেমগৎনবগীদমক অনৌবা ইনোৎ পীনবা ঐখোয়না শেংলবা ৱাশক লৌরসি: পি.এম.

Posted On: 03 AUG 2021 2:00PM by PIB Imphal

প্রধান মন্ত্রী শ্রী নরেন্দ্র মোদীনা গুজরাত্তা প্রধান মন্ত্রী গরীব কল্যান অন্না য়োজনাগী বেনিফিসরীশিংগা ভিদিও কনফরেন্সকী খুত্থাংদা উনখ্রে। মীয়াম্না শরুক য়াবা থৌরম অসি স্কীম অসিগী মরমদা রাজ্য অসিগী মীয়ামদা হেন্না ৱাখল তাহন্নবা হৌদোকখিবনি।

থৌরম অসিদা ৱা ঙাংলদুনা, প্রধান মন্ত্রীনা হায় মদুদি গুজরাত্তা ইমুং লাখ কয়া অমা পি.এম. গরীব কল্যান অন্না য়োজনাগী মখাদা লেম্না রাসন ফংলি। হায়রিবা লেম্না রাসন য়েনবা অসিনা লায়রবশিংগীদমক্তা অৱাবা খরদি কোক্লি অমসুং মখোয় থাজবা অমা পীরি। মহাক্না হায় মদুদি অৱা অনা কয়া লাক্লবসু লায়রবশিংনা মখোয়গীদমক লৈবাক অসিনা লেপ্লি হায়না ফাওহনগদবনি।

প্রধান মন্ত্রীনা পুথোক্তুনা হায়খি মদুদি নিং-খা তম্লবা মতুংদা, সরকার অয়াম্বনা লায়রবশিংদা চান-থক্নবা অহোংবা মমলদা ফংহনগনি হায়খি। অহোংবা রাসনগী স্কীমগী স্কোপ অমসুং বজেৎ চহি অমগী মথং চহি অমদা হেনগৎখি, অদুবু চপ মান্নবা ফিভম অমদা লৈদুনা লাকখি। ফিভম অসি অহোংবা অমা পুরক্না ২০১৪দগী নৌনা থবক পায়খৎপা হৌখি। মহাক্না হায়খি, অনৌবা তেক্নোলোজী শিজিন্নদুনা শাজিন্নবা বেনিফিসরী কোতি কয়া অমা সিস্তেমদগী লৌথোকখ্রে অমসুং অধার কার্দশিং রাসনগা লিঙ্ক তৌরি।  হায়রিবা অসিনা কনাগুম্বা নাগরীক অমা খ্বায়দগী চাউবা কালামতী লাকতুনা লোকদাউন্দ লৈবা নত্তনা চরা হেল্লরোই। প্রধান মন্ত্রী গরীব কল্যান অন্না য়োজনা অসি মালেম পুম্বনা খঙনরে। লায়চৎ মনুংদা চাদিং লুপা কোতি লাখ ২ হেনবনা মীওই কোতি ৮০ হেন্না লেম্না রাসন ফংহনখি, হায়না প্রধান মন্ত্রীনা হায়খি।

ঙসি প্রধান মন্ত্রীনা হায়খি, গেহু কে.জি.দা লুপা ২, চেং কে.জি.দা লুপা ৩ কোতা পীবগী মথক্তা, গেহু অমসুং চেং কে.জি. ৫ বেনিফিসরীশিংদা লেম্না ফংহল্লি। হায়রিবা অসিনা, স্কীম অসি হৌধোক্ত্রিবগী মমাংদগী শরুক অনি থোক্না হেনগৎতুনা কার্দ হোল্দরদা রাসন ফংহল্লি। স্কীম অসি দিৱালি ফাওবা ফাওবা চৎথখিগনি। লায়রবা অমত্তনা চরা হেন্দুনা তুম্মরোই হায়না প্রধান মন্ত্রীনা হায়খি। মাইগ্রেন্ত লেবরশিংবু য়েংশিনবিবা অমসুং ৱান নেসন ৱান রাসন কার্দকী খোঙথাং মপুং ফাহনবগীদমক গুজরাত সরকারবু মহাক্না থাগৎপা ফোংদোকখি।  

প্রধান মন্ত্রীনা হায় মদুদি ঙসিদি লৈবাক অসিনা ইনফ্রাস্ত্রকচরদা লুপা কোতি লাখ কয়া অমা চাদিং তৌরি, অদুবু হায়রিবা মরক অসিদা, মীচম প্রজাশিংগী পুন্সি মহিং ফগৎনবা, ইজ ওফ লিবিংগী অনৌবা বেঞ্চমার্ক অমা লিংখৎলি। ঙসিদি লায়রবদা হান্না খুদোংচাবা পীরে। লায়রবা ইমুং কোতি ২ য়ুম শাদুনা, ইমুং কোতি ১০ তোইলেৎ শাবিদুনা হেন্না ফগৎলক্লি। মসিগা মান্ননা, মখোয়না জন-ধন একাউন্তগী খুত্থাংদা বেঙ্কিং সিস্তেমদা য়াওশিল্লকপা অসিনা মখোয়দা হেন্না শক্তি পীরি হায়না প্রধান মন্ত্রীনা হায়খি।

প্রধান মন্ত্রীনা হায়খি মদুদি শক্তি পীবা অসি হকশেল, মহৈ-তম্বা, খুদোংচাবা লৈবা অমসুং ইশাবু ইকাই খুম্নবগীদমক  লেপ্পা লৈতনা কন্না হোৎনবা মথৌ তাই। স্কীমশিং হায়বদি আয়ুশমান য়োজনা, ইকোনোমিকেল্লি ৱিকর সেক্সনগী রিজার্বেসন, লম্বী, গ্যাস অমসুং ইলেক্ত্রিসিতী লেম্না শম্বা, মুদ্রা য়োজনা, স্বানিধি য়োজনা হায়রিবশিং অসিনা লায়রবশিংদা পুন্সি মহিং চাউথোকচনা হিংনবা লম্বী অমা পীরি অমসুং শক্তি পীনবা মেদিয়ম অমা ওইরি।  

প্রধান মন্ত্রীনা হায়খি মদুদি গুজরাত য়াওনা লৈবাক পুম্বদা অসিগুম্বা থবক কয়া অমা লৈরি, ইরৈচাশিংনা থাজবা লৈবা অমসুং মফম কয়া অমদা ঙসিদি হেনগৎলক্লি। অমসুং হায়রিবা অসিনা মংলান খুদিং ফংনবা ইশানা ইশাবু থাজবা অসিনা ফোর্মুলা অমনি।

ভারতকী ওলিম্পিক্স কন্তিজেন্তদা য়েংবদা, প্রধান মন্ত্রীনা হায়খি মদুদি চহি চা অমদা অমুক্তং থোকপা অমাং-অতা নাথৈদুনা মশীং য়াম্লবা শান্নরোই কয়া অমা ওলিম্পিক্সকিদমক ক্বালিফাইদ ওইরি। মখোয় অসি ক্বালিফাইদ ওইবতা নত্তনা অমুক্কা হেন্না ফবা শান্নরোই ওইনবা কন্না হোৎনরি।

প্রধান মন্ত্রীনা হায় মদুদি ভারতকী শান্নরোইশিংগী  জিল, পেসন অমসুং স্পিরিত অসিনা ঙসিদি খ্বায়দগী ৱাংবা থাক্তা লৈরি। মহাক্না হায় হায়রিবা থাজবা অসি অশেংবা হৈথোই-শিংথোইবা মশক খঙদোকপা অমসুং মখোয়বু পুক্নিং থৌগৎপা অসিনা ওইরকপনি। হায়রিবা থাজবা অসি সিস্তেম হোংদোকপা, হেন্না ময়েক শেংলকপা অসিনা ওইরকপনি। হায়রিবা অনৌবা থাজবা অসিনা অনৌবা ভারত অমগী খুদম অমা ওইরি।

প্রধান মন্ত্রীনা মীয়ামদা হায়রিবা থাজবা অসি কোরোনাবু লান্থেংনবা অমসুং ঐখোয়গী ভেক্সিনেসন্দসু চৎথনবা কন্না হায়খি। মালেমগী ওইবা লায়চৎকী অকোইবদা ঐখোয়না লেপ্পা লৈতনা চেকশিন্দুনা লৈবা মথৌ তাই হায়না মরুওইবা পীখি।

মহাক্না হায় লৈবাক অসিনা ভেক্সিনেসনগী মাইকৈরোমদা য়াম্না থুনা চংশিন্দুনা কোতি ৫০গী মফম অমা য়ৌখ্রে, গুজরাতসু ভেক্সিন দোজ কোতি ৩.৫ চংশিল্লক্লি। ভেক্সিন কাপথোকপা, মাস্ক উপ্পা অমসুং মীয়াম তিনবা মফমদা য়ারিবমখৈ চংদনবা মহাক্না মরুওইবা পীখি।

প্রধান মন্ত্রীনা ইরৈচাশিংদা মিকপ থোক্তুনা জাতি অসিবু শেমগৎনবা অনৌবা ইথিল অমগী ৱারেপ লৌনবা হায়খ্রে। মহাক্না হায়রিবা খুরম্বা অসি ইন্দিপেন্দেন্স দেগী ৭৫শুবা থৌরম পাংথোকপা মনুংদা লৌনবা কন্ন হায়খি। মসিগী ৱারেপ অসিদা মহাক্না হায় লায়রবা, ইনাক-খুনবা, নুপা অমসুং নুপী, অঙাংনচিংবা, মীপুং খুদিংগী শরুক য়াওরি, হায়না হায়রগা মহাক্না লোয়শিনখি।    

মসি খঙজিনবা য়াই মদুদি চাওরাক্না চেং-হৱাই মেত্রীক তন লাখ ৯৪৮ অমা মমাং চহিদা য়েন্থোকখি, হায়রিবা অসি কোবিদ মনুংদা ফুদ সেক্যুরিতী শোইদনবা মহৌশাগী ওইবা চহিদগী ৫০% হেন্না পীরি। ২০২০-২১দা চাওরাক্না ফুদ সবসিদী লুপা কোতি লাখ ২.৮৪ পীখি।

গুজরাত্তা ইলিজিবল ওইরবা বেনিফিসরী কোতি ৩.৩ হেন্না চেং-হৱাই মেত্রীক তন লাখ ২৫.৫ ফংদুনা কোতি লিশিং ৫ হেনবা শেনফমগী সবসিদী ফংখি।

মাইগ্রেন্ত বেনিফিসরীশিংগী মখা তানা ফুদ সেক্যুরিতী মপাঙ্গল কনখৎনবা, ৱান নেসন ৱান রাসন কার্দ অসি হৌজিক ফাওবদা রাজ্য/য়ু.তি. ৩৩দা হাপখ্রে।  

***



(Release ID: 1741974) Visitor Counter : 107