സാംസ്കാരിക മന്ത്രാലയം
ആസാദി കാ അമൃത് മഹോത്സവം ആഘോഷത്തിന്റെ പ്രത്യേക പരിപാടി
Posted On:
02 AUG 2021 3:55PM by PIB Thiruvananthpuram
ന്യൂഡൽഹി , ആഗസ്റ്റ് 02,2021
ഇന്ത്യയുടെ സ്വാതന്ത്ര്യത്തിന്റെ 75 -ാം വാർഷികത്തിന്റെ ഭാഗമായി ആസാദി കാ അമൃത് മഹോത്സവം രാജ്യമെമ്പാടും ആഘോഷിക്കുന്നു. ഈ ആഘോഷത്തിൽ ജനങ്ങളുടെ പങ്കാളിത്തം ഉൾപ്പെടുത്തുന്നതിനായി നിരവധി പരിപാടികൾ സംഘടിപ്പിച്ച് വരികയാണ് . അത്തരമൊരു സവിശേഷ പരിപാടിയുടെ ഭാഗമായി ദേശീയഗാനം ആലപിക്കാനും അതിന്റെ വീഡിയോ www.RASHTRAGAAN.IN എന്ന വെബ്സൈറ്റിൽ അപ്ലോഡ് ചെയ്യാനും പൊതുജനങ്ങൾക്ക് അവസരം നൽകുന്നു. ദേശീയഗാനത്തിന്റെ ഈ വീഡിയോയുടെ സമാഹാരം 2021 ആഗസ്റ്റ് 15 -ന് തത്സമയം പ്രദർശിപ്പിക്കും.
ഈ പരിപാടി ജൂലൈ 25 -ന് മൻ കി ബാത്തിൽ പ്രധാനമന്ത്രി ശ്രീ നരേന്ദ്ര മോദിയാണ് പ്രഖ്യാപിച്ചത് .
ഈ വർഷം മാർച്ച് 12 ന് മഹാത്മാഗാന്ധിയുടെ സബർമതി ആശ്രമത്തിൽ നിന്ന് ആസാദി കാ അമൃത് മഹോത്സവത്തിന് തുടക്കം കുറിച്ചത് .2022 ആഗസ്റ്റ് 15 ന് രാജ്യത്തിന്റെ സ്വാതന്ത്ര്യത്തിന്റെ 75-ാം വാർഷികത്തിലേക്കുള്ള 75 ആഴ്ച കൗണ്ട്ഡൗണോട് കൂടിയാണ് പരിപാടിക്ക് തുടക്കമായത്
IE/SKY
(Release ID: 1741584)
Visitor Counter : 832