ಸಾರ್ವಜನಿಕ ಹಿತದೃಷ್ಟಿಯಿಂದ ಪರಮಾಧಿಕಾರ ಬಳಿಸಿ ಕೇಂದ್ರ ಸರ್ಕಾರದ ರಾಷ್ಟ್ರೀಯ ಫಾರ್ಮಸುಟಿಕಲ್ ಬೆಲೆ ಪ್ರಾಧಿಕಾರ (ಎನ್ ಪಿಪಿಎ) 2021ರ ಜು.13ರಂದು ಅಧಿಸೂಚನೆ ಮೂಲಕ ಐದು ಬಗೆಯ ವೈದ್ಯಕೀಯ ಸಾಧನಗಳ ಮೇಲಿನ ವ್ಯಾಪಾರದ ಲಾಭಾಂಶಕ್ಕೆ ಮಿತಿ ಹೇರುವ ಮಹತ್ವದ ನಿರ್ಧಾರವನ್ನು ಕೈಗೊಂಡಿತು.

ಅವುಗಳೆಂದರೆ

1. ಪಲ್ಸ್ ಆಕ್ಸಿಮೀಟರ್,
2. ರಕ್ತದೊತ್ತಡ ನಿಗಾ ಯಂತ್ರ
3. ನೆಬುಲೈಸರ್
4. ಡಿಜಿಟಲ್ ಥರ್ಮಾಮೀಟರ್ ಮತ್ತು

ಗ್ಲುಕೋಮೀಟರ್

ವಿತರಕರ ಮಟ್ಟದಲ್ಲಿ ಬೆಲೆ (ಪಿಟಿಡಿ)ಯಲ್ಲಿ ಲಾಭಾಂಶದ ಮಿತಿಯನ್ನು ಶೇ.70ಕ್ಕೆ ನಿರ್ಬಂಧಿಸಲಾಯಿತು, ಅದರ ಪರಿಣಾಮ, 2021ರ ಜು.23ರವರೆಗೆ ವರದಿಯಾಗಿರುವಂತೆ ಈ ವೈದ್ಯಕೀಯ ಸಾಧನಗಳ 684 ಉತ್ಪನ್ನಗಳು/ಬ್ರಾಂಡ್ ಗಳು ಮತ್ತು 620 ಉತ್ಪನ್ನಗಳು/ಬ್ರಾಂಡ್ ಗಳು (ಶೇ.91)ರಷ್ಟು ಸಾಧನಗಳ ಎಂಆರ್ ಪಿ ದರ ಇಳಿಮುಖವಾಗಿದೆ.

ಗರಿಷ್ಠ ಇಳಿಕೆ ಪಲ್ಸ್ ಆಕ್ಸಿಮೀಟರ್ ಆಮದು ಬ್ರಾಂಡ್ ನಲ್ಲಿ ವರದಿಯಾಗಿದೆ, ಪ್ರತಿ ಘಟಕದ ಬೆಲೆ 2,95,375 ರೂ ಗೆ ಇಳಿಕೆಯಾಗಿದೆ. ಬೆಲೆ ಇಳಿಕೆಯ ವಿವರಗಳು ಕೆಳಗಿನ ಕೋಷ್ಠಕದಲ್ಲಿರುವಂತೆ ಇದೆ.

ಈ ಎಂಆರ್ ಪಿ ಇಳಿಕೆ ಪರಿಷ್ಕರಣೆ ಎಲ್ಲ ಆಮದು ಮತ್ತು ದೇಶಿಯ ಬ್ರಾಂಡ್ ಗಳಲ್ಲಿ ಎಲ್ಲ ವರ್ಗಗಳಲ್ಲೂ ಆಗುತ್ತಿರುವುದು ವರದಿಯಾಗಿದೆ. ಆಮದು ಮಾಡಿಕೊಳ್ಳುತ್ತಿರುವ ಪಲ್ಸ್ ಆಕ್ಸಿಮೀಟರ್, ರಕ್ತದೊತ್ತಡ ನಿಗಾ ಯಂತ್ರ ಮತ್ತು ನೆಬುಲೈಸರ್ ಬೆಲೆಯಲ್ಲಿ ಭಾರಿ ಇಳಿಕೆಯಾಗಿದೆ.

ಎಲ್ಲ ಬ್ರಾಂಡ್ ಗಳ ಮೇಲೆ ಪರಿಷ್ಕೃತ  ಎಂಆರ್ ಪಿ 2021ರ ಜು.20ರಿಂದ ಜಾರಿಗೆ ಬಂದಿದೆ, ಅದರ ವಿವರಗಳನ್ನುರಾಜ್ಯಗಳ ಔಷಧ ನಿಯಂತ್ರಕರ ಜೊತೆ ಹಂಚಿಕೊಳ್ಳಲಾಗಿದ್ದು, ಮೇಲ್ವಿಚಾರಣೆ ನಡೆಸಿ, ಕಠಿಣ ರೀತಿಯಲ್ಲಿ ಜಾರಿಗೊಳಿಸುವಂತೆ ಸೂಚನೆ ನೀಡಲಾಗಿದೆ. ಸಂಬಂಧಿಸಿದ ನಿರ್ದೇಶನಗಳು ಎನ್ ಪಿಪಿಎ ವೆಬ್ ಸೈಟ್ (www.nppa.gov.in) ನಲ್ಲಿ ಲಭ್ಯವಿದೆ. ಲಭ್ಯತೆಯ ಮೇಲೆ ನಿಗಾವಹಿಸುವ ಉದ್ದೇಶದಿಂದ ಉತ್ಪಾದಕರು/ ಆಮದುದಾರರು ಈ ವೈದ್ಯಕೀಯ ಸಾಧನಗಳ ದಾಸ್ತಾನು ವಿವರಗಳನ್ನು ಪ್ರತಿ ತ್ರೈಮಾಸಿಕದಲ್ಲೂ ಸಲ್ಲಿಸುವಂತೆ ನಿರ್ದೇಶನ ನೀಡಲಾಗಿದೆ.

ಎಫ್ ಐಸಿಸಿಐ, ಅಡ್ವ ಮೇಡ್ ಮತ್ತು ಎಎಂಸಿಎಚ್ ಎಎಂ ಸೇರಿ ಉದ್ಯಮದ ಎಲ್ಲ ಒಕ್ಕೂಟಗಳಿಂದ ಈ ಮಹತ್ವದ ಕ್ರಮಕ್ಕೆ ವ್ಯಾಪಕ ಬೆಂಬಲ ದೊರೆತಿದೆ.

***