প্রধানমন্ত্রীগী লোইশঙ

প্রধান মন্ত্রীনা বরানাসিদা ইন্তরনেস্নেল কোওপরেসন অমসুং কনবেনসন সেন্তর – রুদ্রাকশ শঙ্গাখ্রে

কোবিদ লৈরবসু, কাশিদা চাওখৎপগী খোঙজেল লেপ্পা লৈত্রি : পি.এম.

মসিগী কনবেন্সন সেন্তর অসিনা ভারত অমসুং জপানগী মরক্তা লৈরিবা অফবা মরী অদু উৎলি : পি.এম.

মসিগী কনবেন্সন সেন্তর অসি কল্চরেল হব অমা ওইরগনি অমসুং তোঙান তোঙানবা মীয়ামশিং পুনশিন্নবগী মেদিয়ম অমা ওইরগনি : পি.এম.

হৌখিবা চহি ৭ অসিদা দিবলপমেন্ত প্রোজেক্ত কয়া অমা কাশিদা শাদুনা লৈতেংখ্রে অমসুং হায়রিবশিং অসি রুদ্রাকশ য়াওদনা মপুং ফাবা ঙম্লোই : পি.এম.

Posted On: 15 JUL 2021 3:30PM by PIB Imphal

জপানগী মতেং লৌদুনা শেমগৎখিবা ইন্তরনেস্নেল কোওপরেসন অমসুং কনবেন্সন সেন্তর-বরানাসিদা রুদ্রাকশ অদু প্রধান মন্ত্রী শ্রী নরেন্দ্র মোদীনা শঙ্গাখ্রে৷ অদুদগী মহাক্না মেতর্নেল অমসুং চাইল্দ হেল্থ ৱিঙ্গ, বি.ঐচ.য়ু. য়েংশিনখ্রে৷ কোবিদকী চেকশিন থৌরাংশিং অসি য়েংশিন্নবা মহাক্না ওফিসিয়েলশিং অমসুং মেদিকেল প্রোফেস্নেলশিংসু উন্নখ্রে৷

থৌরম অদুদা ৱা ঙাংলদুনা, প্রধান মন্ত্রীনা অসুম্না ফোংদোকখ্রে মদুদি কোবিদ লাইচৎ অসি লৈরবসু, কাশিদা চাওখৎপগী লম্বীদি লেপ্পা লৈতনা চংশিল্লি৷ ‘ইন্তরনেস্নেল কোওপরেসন অমসুং কনবেন্সন সেন্তর-রুদ্রকশ’ অসি মসিগী ক্রিতিবিতী অমসুং দাইনামিজমগী ফলনি হায়না মহাক্না ফোংদোকখ্রে৷ মসিগী সেন্তর অসিনা ভারত অমসুং জপান লৈবাক অনিগী মরক্তা লৈরিবা অফবা মরী অদু উৎলি হায়না মহাক্না ফোংদোকখি৷ মসিগী কনবেন্সন সেন্তর অসি শাবদা জপান্না মতেং পাংলকখিবগীদমক মহাক্না জপানবু থাগৎখ্রে৷

জপানগী প্রধান মন্ত্রী শ্রী সুগা য়োশিহিদ মতম অদুদা চীফ কেবিনেত সেক্রেতরী ওইরমখি হায়না শ্রী মোদীনা পনদুনা নিংশিংখি৷ মতম অদুদগী হৌদুনা মহাক্না প্রধান মন্ত্রী ওইরক্ত্রিফাওবা, মসিগী প্রোজেক্ত অসিদা মহাক পর্সোনেল্লী ওইনা শরুক য়াদুনা লাক্লি৷ ভারতকীদমক মহাক্না তৌবিরম্লিবা অসিগীদমক ভারত মচা খুদিংমক্না মহাকপু ইকাই খুম্নবা উৎলি হায়না শ্রী মোদীনা মখাতানা ফোংদোকখি৷

ঙসিগী থৌরম অসিদা য়াম্না অচেৎপা মরী লৈনরম্বা মমাংগী জপানগী প্রধান মন্ত্রী শ্রী শিঞ্জো অবেবু প্রধান মন্ত্রী শ্রী নরেন্দ্র মোদীনা নিংশিংখ্রে৷ রুদ্রকশকী মতাংদা জপানগী প্রধান মন্ত্রী শ্রী শিঞ্জো অবেনা কাশিদা লাকখিবা মতমদা মহাক্কা ৱারি শান্নখিবা অদু মহাক্না নিংশিংখ্রে৷ মসিগী বিল্দিং অসিদা মোদর্নিতী অমসুং কল্চরেল গ্লোগী মঙাল লৈ হায়না প্রধান মন্ত্রীনা ফোংদোকখি৷ শ্রী মোদীনা জপানদা চৎলুবা মতমদা মী অমগা অমগগী মরক্তা অসিগুম্বা মরী অসি লৈবা উখিরম্মী অমসুং রুদ্রকশকুম্বা প্রোজেক্তশিং অমসুং অহমেদবাদতা লৈরিবা জেন গার্দেননা মসিগী মরী অসি উৎলি হায়না শ্রী মোদীনা ফোংদোকখি৷

ঙসিদি স্ত্রাতিজিক অমসুং ইকোনোমিক স্ফেয়রশিংদা জপান অসি ভারতকী খ্বাইদগী থাজবা য়ারবা মরুপশিংগী মনুংদা অমনি হায়না প্রধান মন্ত্রী শ্রী মোদীনা থাগৎখ্রে৷ ভারতকা জপানগা মরুপ-মপাং ওইবগী লৈনরিবা মরী অসি লমদম অসিদা খ্বাইদগী ফরবা নেচরেল পার্তনরশিংগী মনুংদা অমা ওই হায়না মহাক্না ফোংদোকখি৷ ভারত অমসুং জপানদা দিবলপমেন্ত লাক্লিবা অসি মখোয়গী নুংঙাইবা অপেনবগা মরী লৈনগদবনি হায়বসি লৈবাক অনিমক্না খঙই৷ মসিগী দিবলপমেন্ত অসি ওল-রাউন্দ ওইগদবনি, ময়ামগীদমক ওইগদবনি অমসুং ময়াম পুম্নমক মনুং চলহনগদবনি৷

ইশৈ, ম্যুজিক অমসুং আর্ত বনারস্তা তুংদুনা লৈ হায়না প্রধান মন্ত্রীনা ফোংদোকখি৷ মফম অসিদা গঙ্গাগী ঘাতশিংদা, আর্ত কয়া অমা শেমগৎখ্রে, লৌশিংনা মতোন লোমখ্রে অমসুং মীওইবা জাতিগা মরী লৈনবা মরু ওইবা ৱাখল্লোন কয়া অমা মাই পাক্না পাংথোকখ্রে৷ মতৌ অসুম্না বনারস্না ইশৈ, ধর্ম, স্পিরিত, নোলেজ অমসুং সাইন্সকী অচৌবা গ্লোবেল সেন্তের ওইবা ঙমগদৌরিবনি৷ মসিগী সেন্তর অসি কল্চরেল হব অমা ওইরগনি অমসুং তোঙান তোঙানবা মীয়ামশিং পুপনশিন্নবগী মেদিয়ম মেদিয়ম অমা ওইরগনি৷ মসিগী সেন্তর অসি য়োকখৎতুনা থম্নবা কাশিগী মীয়ামদা মহাক্না হায়জখ্রে৷

হৌখিবা চহি ৭ অসিদা কাশিদা দিবলপমেন্ত প্রোজেক্ত কয়া অমনা লৈতেংখ্রে, অসিগুম্বা লৈতেং অসি রুদ্রকশা য়াওদনা মতৌ করম্না মপুং ফাবা ঙম্লিবনো?, হায়না প্রধান মন্ত্রীনা হায়খি৷ হৌজিক্তি তশেং-তশেংবা শিব ওইরিবা কাশিনা মসিগী রুদ্রকশা অসি শিজিন্নরে, কাশিগী চাওখৎ-থৌরম হেন্না-হেন্না মঙাল নাইরগনি, অমসুং কাশিগী ফজবা হেন্না হেনগৎলগনি৷

*****



(Release ID: 1735950) Visitor Counter : 24