కోవిడ్ మీద పోరు విజయవంతంగా సాగుతోందనటానికి నిదర్శనంగా దేశంలో ఇప్పటిదాకా కోవిడ్ నుంచి బైటపడినవారి సంఖ్య 3 కోట్లు

దాటింది. మొత్తం  3,00,14,713 మంది కోలుకున్నారు. గత 24 గంటలలో కోలుకున్నవారు 39,649  కాగా మొత్తం

 కోలుకున్నవారి శాతం క్రమంగా పెరుగుతూ 97.22% కు చేరింది.

మరోవైపు దేశవ్యాప్తంగా ఇచ్చిన టీకా డొసుల సంఖ్య  37.73 కోట్లు దాటి 37,73,52,501 కు చేరింది. 48,51,209  శిబిరాల ద్వారా

ఈ పంపిణీ జరిగినట్టు ఈ ఉదయానికి అందిన సమాచారం తెలియజేస్తోంది. గత 24 గంటలలో 12,35,287 టీకా డొసుల పంపిణీ

జరిగింది.  ఆ వివరాలు ఇలా ఉన్నాయి.

సార్వత్రిక టీకాల కార్యక్రమం కొత్తదశ జూన్ 21న ప్రారంభమైంది. టీకాల పరిధిని విస్తరించి దేశవ్యాప్తంగా  వేగంగా అమలు  

చేయాలన్న లక్ష్యంతో కేంద్ర ప్రభుత్వం ముందుకు వెళుతోంది. గత 24 గంటలలో దేశవ్యాప్తంగా  37,154 కొత్త కరోనా కేసులు

 నమోదయ్యాయి. ఆ విధంగా రోజుకు 50 వేల లోపు కేసులు రావటం గత 15 రోజులుగా నడుస్తోంది. కేంద్ర, రాష్ట ప్రభుత్వాల

ఉమ్మడి కృషి ఫలితంగానే ఈ ధోరణి నమోదవుతోంది.

చికిత్సలో ఉన్న కేసుల తగ్గుదల కూడా కనబడుతోంది. ప్రస్తుత దేశవ్యాప్తంగా చికిత్సలో ఉన్నవారు 4,50,899 మంది.

చికిత్సలో ఉన్న కేసులు మొత్తం పాజిటివ్ కేసులలో 1.46% మాత్రమే.

కోవిడ్ నిర్థారణ పరీక్షల సామర్థ్యం దేశవ్యాప్తంగా పెంచటంతో గత 24 గంటల్లో 14,32,343 పరీక్షలు జరపగా ఇప్పటిదాకా చేసిన

మొత్తం పరీక్షలు 43 కోట్లకు పైగా (43,23,17,813) అయ్యాయి. ఒక వైపు పరీక్షలు పెరుగుతూ ఉండగా మరోవైపు పాజిటివిటీ 

తగ్గుతూ వస్తోంది. వారపు పాజిటివిటీ ప్రస్తుతం  2.32% కాగా రోజువారీ పాజిటివిటీ  2.59%  అయింది. వరుసగా 21 రోజులుగా

ఇది 3% లోపు,  35 రోజులుగా 5% లోపే ఉంటోంది

***