نئی دہلی، 12 ؍جولائی : کووڈ – 19 کے خلاف  اپنی لڑائی میں ایک اہم سنگ میل  حاصل کرتے ہوئے بھارت میں  مجموعی طور پر  شفا یاب ہونے والے افراد کی تعداد 3 کروڑ سے تجاوز کر گئی ہے۔

 عالمی وبا کے شروع ہونے کے بعد سے  متاثرہ افراد میں سے  30014713 افراد  پہلے ہی  کووڈ – 19  صحت یاب ہو چکے ہیں اور  پچھلے 24  گھنٹے میں 39649  مریض  شفا یاب ہو ئے ہیں۔ اس طرح  مجموعی طور پر  صحت یاب ہونے والوں کی شرح  97.22  فیصد تک پہنچ گئی ہے، جو  صحت مند ہونے والے لوگوں کی بڑھتی ہوئی تعداد کا ایک رجحان ہے۔

دوسری جانب  بھارت میں  مجموعی طور پر 37.73 کروڑ سے زیادہ لوگوں کو ٹیکے لگائے جا چکے ہیں اور   آج  صبح  7  بجے تک کی ایک عبوری رپورٹ کے مطابق  4851209سیشن کے ذریعے   کُل 377352501  ٹیکے لگائے جا چکے ہیں۔  پچھلے 24  گھنٹے میں 1235287 ٹیکے  لگائے گئے ہیں۔

ان میں شامل ہیں:

سبھی کے لئے  کووڈ  -19 کا ٹیکہ لگانے کا نیا مرحلہ 21  جون 2021  سے شروع ہو اتھا ۔ مرکزی حکومت  ملک بھر میں  کووڈ  - 19  ٹیکہ کاری کے دائرے کو بڑھانے اور اس کی رفتار کو تیز کرنے کے تئیں عہد بستہ ہے۔

بھارت میں پچھلے 24  گھنٹے کے دوران 37154 یومیہ نئے معاملے درج کئے گئے۔  لگا تار 15  دن سے  نئے معاملوں کی یومیہ تعداد 50  ہزار سے بھی کم رہی۔

بھارت میں آج  زیر علاج مریضوں کی  تعداد  450899  ہے اور  اب  زیر علاج مریضوں کی تعداد  ملک میں  کُل جانچ کے بعد متاثر پائے جانے والے معاملوں کی  تعداد کا  1.46  فیصد ہے۔

ملک بھر میں جانچ کی صلاحیت میں  خاطر خواہ اضافے کے ساتھ ہی  ملک میں پچھلے 24  گھنٹے کے دوران  1432343  نمونوں کی جانچ کی گئی۔ مجموعی طور پر  بھارت میں اب تک  43 کروڑ سے زیادہ  (432317813)  نمونوں کی  جانچ کی جا چکی ہے۔

جہاں ایک طرف ملک بھر میں جانچ کی صلاحیت میں اضافہ کیا گیا ہے وہیں دوسری طرف  ہفتہ وار  متاثر پائے جانے والے افراد کی لگا تار کمی  دیکھنے کو مل رہی ہے۔ ہفتہ وار  پازیٹیوٹی شرح فی الحال 2.32  فیصد ہے، جب کہ روزانہ  پازیٹیوٹی ریٹ  آج 2.59  فیصد ہے۔ لگا تار 21 ویں دن بھی یومیہ  جانچ کے بعد  متاثر پائے جانے والے افراد کی شرح 3  فیصد سے بھی کم ہے اور  لگا  تار 35  ویں دن بھی یہ  تعداد 5  فیصد سے کم ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ح ا۔ ق ر

6459U-