PIB Headquarters
पत्र सूचना कार्यालयाचे कोविड-19 संबंधित बातमीपत्र
Posted On:
08 JUL 2021 7:38PM by PIB Mumbai
नवी दिल्ली/मुंबई 8 जुलै 2021
- 36.48 Cr. Vaccine Doses administered so far under Nationwide Vaccination Drive
- India reports 45,892 new cases in last 24 hours
- India's Active Caseload currently at 4,60,704
- Active cases constitute 1.50% of total cases
- 2,98,43,825 Total Recoveries across the country so far
- 44,291 patients recovered during last 24 hours
- Recovery Rate increases to 97.18%
- Weekly Positivity Rate remains below 5%, currently at 2.37%
- Daily positivity rate at 2.42%, less than 3% for 17 consecutive days
|
#Unite2FightCorona#IndiaFightsCorona
PRESS INFORMATION BUREAU
MINISTRY OF INFORMATION & BROADCASTING
GOVERNMENT OF INDIA
आरोग्य मंत्रालयाची कोविड-19 शी संबंधित घडामोडींवरील माहिती
देशातील एकूण लसीकरण मोहिमेअंतर्गत 36.48 कोटी मात्रांचा टप्पा ओलांडण्यात आला असल्याचे आज सकाळी सात वाजताच्या प्राथमिक आकडेवारीत निष्पन्न झाले आहे. आतापर्यंत 47,40,833 सत्रांतून 36,48,47,549 लाख लसींच्या मात्रा देण्यात आल्या आहेत. गेल्या 24 तासांत 33,81,671 लसींच्या मात्रा देण्यात आल्या.
कोविड-19 लसी सार्वत्रिक मोफत उपलब्ध करून देण्याची मोहिम देशभर 21 जूनपासून सुरु झाली आहे. लसीकरणाची व्याप्ती आणि वेग वाढवण्यासाठी केंद्र सरकार कटिबद्ध आहे.
गेल्या 24 तासांत देशभरात कोविडचे 45,892 नवे रुग्ण आढळले.
गेल्या 11 दिवसांपासून सातत्याने दैनंदिन रुग्णांची संख्या 50,000 पेक्षा कमी नोंदली गेली आहे. केंद्र सरकार आणि राज्ये/केंद्रशासित प्रदेशांनी समन्वय राखून सातत्याने केलेल्या प्रयत्नांचा हा परिणाम आहे.
इतर अपडेटस्
- देशव्यापी कोविड मोहिमेचा भाग म्हणून केंद्र सरकार राज्ये आणि केंद्रशासित प्रदेशांना मोफत लसपुरवठा करत या मोहिमेला आधार देत आहे. लसीकरण मोहिमेच्या या नव्या टप्प्यात, केंद्र सरकार 75 टक्के लसी खरेदी करुन, त्या राज्ये आणि केंद्रशासित प्रदेशांना मोफत देणार आहे. या अंतर्गत, विविध स्त्रोतांमार्फत, 37.93 कोटींपेक्षा अधिक लसी (37,93,56,790) आतापर्यंत राज्ये/केंद्रशासित प्रदेशांना देण्यात आल्या आहेत. आणखी 23,80,000 लसींच्या मात्रा लवकरच दिल्या जाणार आहेत.
- पंतप्रधान नरेंद्र मोदी यांनी आज केंद्र सरकार पुरस्कृत तंत्रज्ञान शिक्षण संस्थांच्या संचालकांशी दूरदृश्य प्रणालीच्या मध्यमातून संवाद साधला. या संवादसत्रात 100 पेक्षा अधिक संस्थांच्या प्रमुखांनी सहभाग घेतला. कोविडमुळे निर्माण झालेल्या आव्हानांचा सामना करण्यासाठी या संस्थांनी केलेल्या संशोधन आणि विकास कार्याचे पंतप्रधानांनी कौतुक केले. विशेषतः समस्यांवर त्वरित समाधान शोधण्यासाठी युवा संशोधकांनी केलेल्या परिश्रमांची त्यांनी यथोचित दखल घेतली.
- केंद्र पुरस्कृत तंत्रज्ञान संस्थांच्या 100 हून अधिक संचालकांशी संवाद साधल्यानंतर पंतप्रधान नरेंद्र मोदी यांनी बैठकीत सादरीकरण केलेल्या देशातील प्रमुख विज्ञान आणि तंत्रज्ञान संस्थांबरोबर साधलेल्या संवादातील माहिती सामायिक केली. आयआयएससी बंगळुरू , आयआयटी मुंबई, आयआयटी चेन्नई, आयआयटी कानपूर यांच्याबद्दल पंतप्रधानांनी ट्विट केले.
महाराष्ट्र अपडेट्स :-
महाराष्ट्रात बुधवारी 9,558 नवीन कोरोना पॉझिटिव्ह रुग्णांची आणि 147 मृत्यूंची नोंद झाली जी कालच्यापेक्षा 24 ने कमी आहे. महाराष्ट्रात 61,22,893 संक्रमित रुग्ण असून मृतांचा आकडा 1,23,857 आहे. गेल्या 24 तासात 8,899 रुग्णांना रुग्णालयातून घरी पाठवण्यात आले. आत्तापर्यंत 1,14,625 सक्रिय प्रकरणांसह बरे झालेल्या रुग्णांची संख्या 58,81,167 आहे.
गोवा अपडेट्स:-
गोव्यातील कोरोना विषाणूग्रस्तांची संख्या बुधवारी 192 ने वाढली तर तीन मृत्यूंची नोंद झाली. यामुळे संक्रमित रुग्णांची संख्या 1,68,015 तर मृत्यू झालेल्यांची आकडेवारी 3,082 झाली आहे. दिवसभरात 196 रुग्णांना रुग्णालयातून घरी पाठवण्यात आले ज्यामुळे गोव्यात बरे होणाऱ्यांची संख्या 1,62,983 झाली आहे. तर 1,950 सक्रिय रुग्ण आढळले आहेत.
Important Tweets
***
M.Chopade/P.Kor
***
सोशल मिडियावर आम्हाला फॉलो करा: 
@PIBMumbai 
/PIBMumbai 
/pibmumbai 
pibmumbai[at]gmail[dot]com
(Release ID: 1733974)
Visitor Counter : 203