প্রধান মন্ত্রী, শ্রী নরেন্দ্র মোদীনা, সেন্ত্রেলনা ফন্দ তৌবা তেক্নিনিকেল ইন্সতিত্যুৎশিংগী দাইরেক্তরশিংগা ২০২১গী জুলাইগী ৮দা ভিদিও কনফরেন্সকী খুত্থাংদা উনখ্রে। হায়রিবা উনবা অসিদা ইন্সতিত্যুসনশিংগী মকোক ১০০ হেনবনা শরুক য়াখি।  

কোবিদনা থোকহল্লিবা অৱাবশিং অসি থেংননবা ইন্সতিত্যুৎ অসিনা চৎথরিবা আর. অমসুং দি.গী থবকশিংদা প্রধান মন্ত্রীনা থাগৎপা ফোংদোকখ্রে। নহা ওইরিবা ইনোভেতরশিংবু তেক্নোলোজিকেলগী পাম্বৈশিং য়াম্না থুনা পীনবা হোৎনরিবশিংদা মহাক্না থাগৎপা ফোংদোকখি।

প্রধান মন্ত্রীনা হায় মদুদি অকোইবগী ফিভমদা অহোংবা লাক্লিবা অমসুং অৱাবা কয়া অমা মায়োক্নরিবা অসিগা ইরোয়ননবা চৎমিননবা অৱাংবা থাক্কী মহৈ-মশিং অমসুং তেক্নিকেল এজুকেসন অমা থম্বগী মথৌ তারে। মহাক্না মখা তানা হায় মদুদি ইন্সতিত্যুসনশিং অসি লৈবাকসিগী অমসুং সমাজ অসিগী হৌজিক ওইরিবা অমসুং তুংগী ওইবা মখোয় মশানা অমুক পুথোকপা, অতোপ্পা উপায় অমা শেমগৎপা অমসুং অনৌবা পুথোকপা মোদেল অমা মথৌ তারি। মহাক্না মরুওইবা পীরদুনা হায় মদুদি ঐখোয়গী অৱাংবা থাক্কী মহৈ-মশিং অমসুং তেক্নিকেল ইন্সতিত্যুসন অসি মরিশুবা ইন্দস্ত্রীগী অওনবা অসিদা মিয়েং থমদুনা ঐখোয়গী নহারোলশিং অসি শেম-শাবা অমা মথৌ তারি।   

মহৈ-মশিং তম্বগী মোদেলদা তম্লিবশিংগী তঙাইফদনা চংদবা য়াদবা মতুং ইন্না কোমথোকপা, অয়েৎপা লৈতবা অমসুং মহৈ তম্নবগী খুদোংচাবা পীবা ঙম্বা অমা চংলি হায়না প্রধান মন্ত্রীনা হায়খি। মহাক্না হায় মদুদি এসেস, এফোর্দেবিলিতী, ইক্যুতী অমসুং ক্বালিতীনা এজুকেসন মোদেল অসিগী মরুওইবা অমা ওইহনগদবনি।

প্রধান মন্ত্রীনা হৌখিবা চহি খর অসিদা এজুকেসন সিস্তেমদা গ্রোস এনরোলমেন্ত রেসিও (জি.ই.আর.)দা হেন্না ফগৎলকপা অসিদা থাগৎপা ফোংদোকখি অমসুং জি.ই.আর. হেনগৎহনবদা অৱাংবা থাক্কী মহৈ-মশিংদা দিজিতাইজেসন্না চাওরবা থৌদাং লৌরি হায়না মরুওইবা পীখি অমসুং মহৈরোয়শিংনা অফবা অমসুং মহৈ-মশিং  তম্বা ঙম্বা পীরি।  ইন্সতিত্যুসন অসিনা দিজিতাইজেসন হেনগৎনবা লৌখৎলিবা খোঙথাংশিং হায়বদি ওনলাইন বেচেলর অমসুং মাস্তর দিগ্রীগী প্রোগ্রামশিং কয়া অসিদা প্রধান মন্ত্রীনা থাগৎপা ফোংদোকখি।

প্রধান মন্ত্রীনা মখা তানা হায়খি মদুদি ঐখোয়না ভাতরকী লোলশিংদা তেক্নোলোজিকেল এজুকেসনগী ইকোসিস্তেম অমা শেমগৎপা অমসুং মালেমগী ওইবা জর্নেশিং অসি লম-লমগী ওইবা লোলশিংদা হন্দোকপা মথৌ তাই।

প্রধান মন্ত্রীনা হায় মদুদি ‘আত্মানির্ভর ভারত আভিয়ান’না মংলানশিং অমসুং ঐখোয়না চহি চাম্মা শুরবা ইন্দিপেন্দেন্সনা লাকপদা ভারতনা চহি ২৫ অসিদা অনিংবা থুংনবগী হৌরকফম ওইরগনি। মহাক্না মখা হায় মদুদি তেক্নোলোজিকেল, আর. অমসুং দি. ইন্সতিত্যুসনশিংনা লাক্কদৌরিবা চহি তরা অসিদা মরুওইবা থৌদাং অমা লৌগনি, হায়রিবা অসিনা ‘ইন্দিয়াগী তেকেদ’ হায়নসু কৌবা য়াই।    

প্রধান মন্ত্রীনা হায় মদুদি ঐখোয়না এজুকেসন, হেলথকেয়র, লৌউ-শিংউবা, দিফেন্স অমসুং সাইবর তেক্নোলোজীশিংগী লমদা তুংগী ওইবা চাওখৎ থৌরাংগী পাম্বৈ অমদা মিয়েং থম্বা মথৌ তাই।

প্রধান মন্ত্রীনা উৎখি মদুদি অৱাংবা থাক্কী এজুকেসনগী ইন্সতিত্যুসনশিংদা আর্তিফিসিএল ইন্তিলিজেন্স, স্মার্ত ৱিয়ারেবল, ওক্মেন্তেৎ রিএলিতী সিস্তেম অমসুং দিজিতেলগী এসিস্তেন্তশিং অসিনা মীচম প্রজাদা য়ৌহনবা অসি মরু ওই হায়রি। মহাক্না মরুওইবা পীরদুনা হায় মদুদি ঐখোয়না পুবা ঙম্বা, পর্সানালাইজ অমসুং এ.আই. – দ্রাইবন ওইবা এজুকেসন অমদা মিয়েং থমগদবনি।

উনরিঙৈ মনুংদা,আই.আই.এস.সি. বেঙ্গলোরগী প্রোফেসর গোবিন্দান রঙ্গারাজন, আই.আই.তি. বোম্বেগী প্রোফেসর সুভাসিস চৌধুরী, আই.আই.তি. মাদ্রাসকী প্রোফেসর ভাস্কর রামামুর্থী অমসুং আই.আই.তি. কানপুরগী প্রোফেসর অভাই করনধিকরনা প্রধান মন্ত্রীদা প্রজেন্তেসন পীখি অমসুং হৌজিক লৈবাক অসিদা মখল কয়া অমগী চৎথরিবা প্রোজেক্ত, একাদেমীক্কী থবক অমশুং অনৌবা রিসর্সশিং উৎখি। প্রধান মন্ত্রীনা তেস্তিংগী অনৌবা তেক্নিক, কোবিদ ভেক্সিন শেমগৎনবা হোৎনরিবা, ইরমদম্দা শেমগৎপা ওক্সীজেন কন্সেন্ত্রেতরশিং, ওক্সীজেন জেনেরেতরশিং, কেন্সর সেল থেরাপী, মোদুলার হোস্পিতাল, হোতস্পোত প্রেদিক্সন, ভেন্তিলেতর প্রদক্সন শেমগৎতুনা কোবিদকী মরী লৈনবা রিসর্সশিং তৌরিবশিংদা থাগৎপা ফোংদোকখি। রোবোতিক্স, দ্রোন্স, ওনলাইন এজুকেসন, বেত্তরী তেক্নোলোজীগী লমদা কন্না হোৎনরি। প্রধান মন্ত্রীনা ইকোনোমী অমসুং তেক্নোলোজীগী হোংলক্লিবা মওংদা অনৌবা একাদেমীক কোর্সশিং মরুওইনা ওনলাইন কোর্সশিংদা চাওখৎলক্লিবা অসি পাউদমখি।

উনবা অসিদা য়ুনিয়ন এজুকেসন মিনিস্তর অমসুং এজুকেসনগী স্তেতকী  মিনিস্তরশিংসু শরুক য়াখি।

*****