য়ুমলৈ-কৈরৈ মন্ত্রালয়
য়ুনিয়ন হোম সেক্রেতরীনা অৱাং নোংপোক (এন.ই.) রাজ্যশিং অমসুং য়ুনিয়ন তেরিতোরীশিংদা কোবিদ-১৯গী ফিভম য়েংশিনখ্রে
Posted On:
07 JUL 2021 5:34PM by PIB Imphal
য়ুনিয়ন হোম সেক্রেতরীনা চেয়র ওইদুনা ঙসি অৱাং নোংপোক (এন.ই.)গী রাজ্যশিং অমসুং য়ুনিয়ন তেরিতোরী (য়ু.তি.)শিংদা কোবিদ-১৯গী ফিভম য়েংশিন্নবা মীফম অমা ফমখ্রে।
মীফম অসিগী মনুংদা, য়ু.তি. অমসুং এন.ই. রাজ্য পুম্বগী এক্তিব কেস, কেস ফেতেলিতী রেত (সি.এফ.আর.), কেস পোজিতিবিতী রেত (সি.পি.আর.) অমসুং ভেক্সিনেসনগী হৌজিক ওইরিবা ফিভমগী মতাংদা ৱা খন্নখি। হায়রিবা অসিদা লৈবাক অসিদা সি.পি.আর. চাদা ১০গী মথক্তা লৈবা দিস্ত্রীক্ত ৭৩গী মনুংদা এন.ই.রাজ্যশিংগী দিস্ত্রীক্ত ৪৬ অমদি লমজিং লমতাক্কী মতুং ইন্না য়াম্না চেকশিন্না কন্তেনমেন্তগী থৌরাং লৌখৎপা মথৌ তারি।
য়ুনিয়ন হোম সেক্ত্রেতরীনা মঙা থোক্না পীরিবা লালোং হায়বদি তেস্ত-ত্রেক-ত্রীত-ভেক্সিনেত অমসুং কোবিদকী চৎনগদবা হোম এফিয়র্স মিনিস্ত্রী (এম.ঐচ.এ.)না ২০২১ জুন ২৯দা পীবা ওর্দরগী কাংলোনশিং অসিগী মরুওইবা পীরি। অৱাং নোংপোক্কী রাজ্যশিং অমসুং য়ু.তি.শিংদা করিগুম্বা হেনগৎপগী খুদম অমা উবা ফংবদা দিস্ত্রীক্ত অমসুং য়ু.তি.শিংগী থাক্তা মতম চানা অচুম্বা খোঙথাং পায়খৎনবা পাউতাক পীরি। কেস পোজিতিবিতী ৱাংনা লৈবা অমসুং বেদকী মফম চাওনা কল্লিবা মশক খঙদোক্লবা দিস্ত্রীক্তশিংদা, রাজ্যশিং/য়ু.তি.শিং চেকশিন্নবা হায়রি। কোবিদকী চৎনগদবা কাংলোনদা য়াম্না চেকশিনবা হন্না হায়খি অমসুং মসিদা রাজনিতিগী লুচিংবশিং অমসুং সিবিল সোসাইতী ওর্গানাইজেসনশিং য়াওশিন্নবা পাউতাক পীরি।
মীফম অসিদা রাজ্যশিং/য়ু.তি.শিং অসিগী চীফ সেক্ত্রেতরীশিং, পুলিসকী দাইরেক্তর জেনেরেল অমসুং প্রিন্সিপাল সেক্ত্রেতরীশিং (হেলথ)না শরুক য়াখি। নিতিআয়োগ (হেলথ)গী মেম্বর, এন.সি.দি.সি.গী দাইরেক্তর অমসুং এম.ঐচ.এ.গী মকোক থোংবা ওফিসরশিং অমসুং হেলথ অমসুং ফেমিলী ৱেলফিয়রগী মিনিস্ত্রীসু শরুক য়াখি।
*****
(Release ID: 1733499)
Visitor Counter : 164