சுகாதாரம் மற்றும் குடும்ப நலத்துறை அமைச்சகம்

கடந்த 24 மணி நேரத்தில் 40,000க்கும் கீழ் சரிந்தது இந்தியாவின் அன்றாட கொவிட் பாதிப்பு

Posted On: 05 JUL 2021 11:53AM by PIB Chennai

இந்தியாவில் கடந்த 24 மணி நேரத்தில் 40,000க்கும்  குறைவானோர் (39,796) கொரோனா தொற்றினால் புதிதாகப் பாதிக்கப்பட்டுள்ளனர். இதையடுத்து, தொடர்ந்து 8-வது நாளாக அன்றாட புதிய பாதிப்புகள் 50,000-க்கும் கீழ் பதிவாகியுள்ளது.

நம் நாட்டில் கொவிட் தொற்றுக்கு சிகிச்சை பெறுவோரின் எண்ணிக்கை 4,82,071 ஆக சரிந்துள்ளது. இது, நாட்டின் மொத்த பாதிப்பில் வெறும் 1.58 சதவீதமாகும்.

சிகிச்சை பெறுவோரின் எண்ணிக்கையில் கடந்த 24 மணி நேரத்தில் 3,279 சரிந்துள்ளது.

இந்தியாவில் செலுத்தப்பட்டுள்ள கொவிட் தடுப்பூசியின் மொத்த எண்ணிக்கை நேற்று 35.28 கோடியைக் கடந்தது. இன்று காலை 7 மணிக்குக் கிடைத்த முதற்கட்ட தகவலின்படி, மொத்தம் 46,34,986 முகாம்களில் 35,28,92,046 தடுப்பூசிகள் போடப்பட்டுள்ளன. கடந்த 24 மணி நேரத்தில் 14,81,583 தடுப்பூசிகள் செலுத்தப்பட்டுள்ளன.

தொடர்ந்து 53-வது நாளாக, புதிய பாதிப்புகளை விட தினசரி குணமடைவோரின் எண்ணிக்கை அதிகரித்து வருகிறது. கடந்த 24 மணி நேரத்தில் 42,352 பேர் குணமடைந்தனர்.

கடந்த 24 மணி நேரத்தில் புதிதாகத் தொற்றுக்கு ஆளானவர்களை விடக் கூடுதலாக 2,556 பேர் குணமடைந்தனர்.

இதுவரை மொத்தம் 2,97,00,430 பேர் கொவிட்-19 தொற்றிலிருந்து குணமடைந்துள்ளனர். இதன்படி குணமடைந்தவர்களின் விழுக்காடு 97.11 சதவீதமாக அதிகரித்துள்ளது.

கடந்த 24 மணி நேரத்தில் 15,22,504 பரிசோதனைகளும், இந்தியாவில் இதுவரை மொத்தம் 41,97,77,457 பரிசோதனைகளும் மேற்கொள்ளப்பட்டுள்ளன.

வாராந்திர தொற்று உறுதி விழுக்காடு 2.40 சதவீதமாகவும், தினசரி தொற்று உறுதி விகிதம் 2.61 சதவீதமாகவும் இன்று பதிவாகியுள்ளது. தொடர்ந்து 28 நாட்களாக இந்த எண்ணிக்கை 5 சதவீதத்திற்கும் குறைவாக உள்ளது.

மேலும் விவரங்களுக்கு இந்த ஆங்கில செய்திக் குறிப்பைக் காணவும்:

https://www.pib.gov.in/PressReleasePage.aspx?PRID=1732766

*****************



(Release ID: 1732800) Visitor Counter : 228