சுகாதாரம் மற்றும் குடும்ப நலத்துறை அமைச்சகம்

கொரோனாவிற்கு இந்தியாவில் சிகிச்சை பெற்றுவருவோரின் எண்ணிக்கை: 97 நாட்களுக்கு பிறகு 5 லட்சத்திற்கும் கீழ் சரிவு

Posted On: 03 JUL 2021 10:38AM by PIB Chennai

இந்தியாவில் செலுத்தப்பட்டுள்ள கொவிட் தடுப்பூசியின் மொத்த எண்ணிக்கை நேற்று 34 கோடியைக் கடந்தது. இன்று காலை 7 மணிக்குக் கிடைத்த முதற்கட்ட தகவலின்படி, மொத்தம் 45,60,088 முகாம்களில் 34,46,11,291 தடுப்பூசிகள் போடப்பட்டுள்ளன. கடந்த 24 மணி நேரத்தில் 43,99,298 தடுப்பூசிகள் செலுத்தப்பட்டுள்ளன.

 

உலகளாவிய கொவிட்-19 தடுப்பூசித் திட்டத்தின் புதிய கட்டம், கடந்த ஜூன் 21-ஆம் தேதி தொடங்கியது. நாடு முழுவதும் தடுப்பூசியை விரைவாக செலுத்தி, பெருவாரியான மக்களுக்கு அதனை கிடைக்கச் செய்வதில் மத்திய அரசு உறுதி பூண்டுள்ளது.

 

இந்தியாவில் கடந்த 24 மணி நேரத்தில் 44,111 பேர் புதிதாகப் பாதிக்கப்பட்டுள்ளனர். இதையடுத்து, தொடர்ந்து 6-வது நாளாக அன்றாட புதிய பாதிப்புகள் 50,000-க்கும் கீழ் பதிவாகியுள்ளது.

 

நம் நாட்டில் கொவிட் தொற்றுக்கு சிகிச்சை பெறுவோரின் எண்ணிக்கை 97 நாட்களுக்கு பிறகு 5 லட்சத்திற்கும் குறைவாக, 4,95,533 ஆக சரிந்துள்ளதுஇது, நாட்டின் மொத்த பாதிப்பில் வெறும் 1.62 சதவீதமாகும்.

 

சிகிச்சை பெறுவோரின் எண்ணிக்கையில் கடந்த 24 மணி நேரத்தில் 14,104 சரிந்துள்ளது.

 

தொடர்ந்து 51-வது நாளாக, புதிய பாதிப்புகளை விட தினசரி குணமடைவோரின் எண்ணிக்கை அதிகரித்து வருகிறது. கடந்த 24 மணி நேரத்தில் 57,477 பேர் குணமடைந்தனர்.

 

கடந்த 24 மணி நேரத்தில் புதிதாகத் தொற்றுக்கு ஆளானவர்களை விடக் கூடுதலாக 13,366 பேர் குணமடைந்தனர்.

 

இதுவரை மொத்தம் 2,96,05,779 பேர் கொவிட்-19 தொற்றிலிருந்து குணமடைந்துள்ளனர்.

 

இதன்படி குணமடைந்தவர்களின் விழுக்காடு 97.06 சதவீதமாக அதிகரித்துள்ளது.

 

கடந்த 24 மணி நேரத்தில் 18,76,036 பரிசோதனைகளும், இந்தியாவில் இதுவரை மொத்தம் 41,64,16,463 பரிசோதனைகளும் மேற்கொள்ளப்பட்டுள்ளன.

 

வாராந்திர தொற்று உறுதி விழுக்காடு 2.50 சதவீதமாகவும், தினசரி தொற்று உறுதி விகிதம் 2.35 சதவீதமாகவும் இன்று பதிவாகியுள்ளது. தொடர்ந்து 26 நாட்களாக இந்த எண்ணிக்கை 5 சதவீதத்திற்கும் குறைவாக உள்ளது.

 

மேலும் விவரங்களுக்கு இந்த ஆங்கில செய்திக் குறிப்பைக் காணவும்

https://www.pib.gov.in/PressReleasePage.aspx?PRID=1732463

 



(Release ID: 1732500) Visitor Counter : 73