نئی دہلی،  30 جون2021:  کل ،ہندوستان میں،  ٹیکہ کاری کی مجموعی تعداد  33 کروڑ کے نشان کو  پار کرگئی ۔آج شام سات بجے تک موصول ہونے والی  ابتدائی رپورٹ کے مطابق  4433853 سیشنوں میں  مجموعی  طورپر 332854527 افراد کو ویکسین کے ٹیکے لگائے جاچکے ہیں۔گزشتہ 24  گھنٹوں کے دوران  3651983افراد کو ویکسین کے ٹیکے لگائے گئے۔

ان میں شامل ہیں:

21جون  2021سے تمام لوگوں کو کووڈ-19 کے ٹیکے لگانے کا نیا مرحلہ شروع ہوا ۔ مرکزی حکومت  ٹیکہ کاری کی  رفتار بڑھانے کے لئے  پُر عز م ہے اور پورے ملک میں  کووڈ-19  کی ٹیکہ کاری کے پروگرام کے دائرے کو برابر وسعت دے رہی ہے۔

گزشتہ 24  گھنٹوں کے دوران ہندوستان میں   45951 نئے معاملات  درج کئے گئے ہیں۔

لگاتار تین دن سے روزانہ نئے سامنے آنے والے معاملات کی تعداد   50000سے نیچے رہی ہے اور یہ سب مرکز اور ریاستوں  /  مرکز کے زیر انتظام علاقوں  کی پائیدار اورمشترکہ  کوششوں کا نتیجہ ہے۔

ہندوستان میں  نئے کیسوں کی تعداد میں  مسلسل کمی دیکھنے میں آرہی ہے۔آج  ملک میں  فعال کیسوں کی مجموعی تعداد  537064 درج کی گئی ہے۔

گزشتہ 24  گھنٹوں کے دوران  فعال کیسوں کی تعداد میں  15595 کی کمی واقع ہوئی ہے اور اس  طرح  فعال معاملات کی کُل تعداد ملاکر  ملک کے مثبت کیسوں کی  مجموعی تعداد کا صرف 1.77فیصد ہے۔

چونکہ زیادہ سے زیادہ  تعداد میں لوگ روزانہ کووڈ-19 کی وبا سے نجات حاصل کررہے ہیں، اس بِنا پر ہندوستان میں روزانہ  شفایابیوں کی تعداد  لگاتار 48 دنوں سے  روز  نئے سامنے آنے والے معاملا ت کی تعداد سے زیادہ رہی ہے ۔گزشتہ 24  گھنٹوں کے دوران  60729 افراد  نے  ا س وبائی مرض سے نجات حاصل کی ۔

روزانہ نئے سامنے آنے والے کیسوں  کے مقابلے میں  گزشتہ 24  گھنٹوں کے دوران  14000 سے زیادہ  (14778) افراد کو اس مرض سے شفایاب ہونے کی  اطلاعات ہیں۔

وبا کے آغاز سے اب تک  اس سے متاثر ہونے والے کُل افراد میں سے 29427330افراد   پہلے ہی  کووڈ -19  سے  شفایاب ہوچکے ہیں اور گزشتہ  24  گھنٹوں کے دوران ہی 60729مریضوں کو  اس وبا کے اثر سے  نجات مل چکی ہے۔اس سے شفایابیوں کی  مجموعی شرح  96.92 تک  پہنچ چکی ہے اور اس شرح میں  مسلسل اضافہ  ہی دیکھا جارہا ہے۔

ملک بھر میں  ٹیسٹنگ کی صلاحیت میں   بڑے  پیمانے پر اضافہ کیا گیا ہے اور اسی  بنا پر گزشتہ  24  گھنٹوں کے دوران  ہی ملک بھر میں  1960557 ٹیسٹ  منعقد کئے گئے۔اب تک مجموعی  طور پر  ہندوستان میں  40.01 سے زیادہ  ( 410100044)  ٹیسٹ  کئے جاچکے ہیں۔ 

ایک طرف  ملک بھر میں  ٹیسٹوں کی صلاحیت میں   زبردست اضافہ کیا جارہا ہے تودوسری طر ف   ہفتہ وار مثبت کیسوں کی شرح میں مسلسل گراوٹ دیکھنے میں  آرہی ہے۔ اس وقت  ہفتہ وار  مثبت معاملات کی شرح  2.69فیصد  پر قائم ہےجبکہ آج  روزانہ سامنے آنے والے مثبت  معاملات کی شرح 2.24 فیصد ہے ۔ یہ شرح پچھلے  23دنوں سے  5 فیصد سے بھی  کم ہی درج کی جاتی رہی ہے۔

*************

  م ن۔س ب ۔رم

U- 6035