مکانات اور شہری غریبی کے خاتمے کی وزارت
ہاؤسنگ و شہری امور کی وزارت کل اسمارٹ سِٹی مشن ، امروت اور پی ایم اے وائی – یو کی چھٹی سالگرہ ورچوئل طور پر منائے گی
تقریب کے دوران انڈیا اسمارٹ سِٹی ایوارڈ مقابلہ ( آئی ایس اے سی ) 2020 اور کلائیمیٹ اسمارٹ سِٹی تجزیہ فریم ورک ( سی ایس سی اے ایف ) کے نتائج کا اعلان کیا جائے گا
طلباء ، نو جوانوں ، این جی اوز ، اداروں اور افراد / گروپ کے لئے پی ایم اے وائی – یو پر مختصر فلم کے مقابلے کا اعلان کیا جائے گا
Posted On:
24 JUN 2021 2:46PM by PIB Delhi
نئی دلّی ، 24 جون / ہاؤسنگ اور شہری امور کی وزارت تین یکسر تبدیلی والے شہری مشنوں یعنی اسمارٹ سٹی مشن ، امروت اور پردھان منتری آواس یوجنا شہری ( پی ایم اے وائی – یو ) کے آغاز کے 6 سال مکمل ہونے پر 25 جون ، 2021 ء کو ایک آن لائن تقریب کا انعقاد کر رہی ہے ۔ ان مشنوں کا آغاز وزیر اعظم جناب نریندر مودی نے 25 جون ، 2015 ء کو کیا تھا ۔ یہ تینوں اسکیمیں شہری احیاء کے لئے ویژن پر مبنی ایجنڈے کا ایک حصہ ہیں ، جو شہروں میں رہنے والی بھارت کی تقریباً 40 فی صد آبادی کی امنگوں کو پورا کرنے کے لئے کثیر سطحی حکمتِ عملی کے طور پر مرتبکی گئی ہیں ۔
پچھلے 6 برسوں کے دوران شہری سیکٹر پر دی جانے والی توجہ کو مجموعی طور پر 12 لاکھ کروڑ روپئے کی سرمایہ کاری سے پرکھا جا سکتا ہے ، جو 2004 ء سے 2014 ء کی مدت کے دوران صرف 1.5 لاکھ کروڑ روپئے تھی ۔ ان تین مشنوں کے تحت نافذ کئے گئے پروجیکٹوں نے بھارت کے شہروں میں رہنے والے لوگوں کی زندگی میں قابل قدر تبدیلی پیدا کی ہے ۔ ان مشنوں نے نہ صرف شہری بنیادی ڈھانچے کو فروغ دیا ہے ، چاہے وہ پانی کی سپلائی میں بہتری ہو یا صفائی ستھرائی ہو ، سب کے لئے مکان ہوں یا ڈاٹا کا استعمال ، ٹیکنا لوجی اور اختراعات اور ہمارے شہروں کے بندوبست کے لئے منصوبہ بندی ہو ، ان سب میں بہتری پیدا کی گئی ہے ۔ ان مشنوں نے کووڈ – 19 وباء کے دوران وباء کے اثرات سے متاثرہ لوگوں کے لئے خوراک کی فراہمی کے ساتھ ساتھ ، اُن کی بہتری کے لئے اہم رول ادا کیا ہے ۔
سالگرہ کی تقریب میں ہاؤسنگ اور شہری امور کی وزارت کے ذریعے نافذ کئے گئے اہم اقدامات کو اجاگر کیا جائے گا ۔ اس تقریب کی صدارت ہاؤسنگ اور شہری امور کے وزیر مملکت ( آزادانہ چارج ) جناب ہردیپ سنگھ پوری کریں گے ، جب کہ ہاؤسنگ اور شہری امور کے سکریٹری جناب درگا شنکر مشرا نے مرکزی اور ریاستی حکومتوں کے تمام شہری فریقوں کو اس میں ریاستوں / مرکز کے زیر انتظام علاقوں کے پرنسپل سکریٹری ، شہروں کے میونسپل کمشنر ، ایم ڈیز ، اسمارٹ سٹی کے سی ای او ، ریاستی سطح کی با اختیار ایجنسیاں ، مشن کے ڈائریکٹوریٹ اور اُن کے عہدیدار ، ٹیم کے ارکان ، پیشہ ور افراد ، صنعتی نمائندوں ، میڈیا کے افراد اور تعلیمی اداروں کے ارکان کو ، اس تقریب میں شرکت کی دعوت دی ہے ۔
اس تاریخ کو ہاؤسنگ اور شہری امور کی وزارت کے تحت خود مختار ادارے ، نیشنل انسٹی ٹیوٹ آف اربن افیئرس کے قیام کے 45 سال بھی مکمل ہو رہے ہیں ۔ اس ادارے کو شہر کاری سے متعلق مسائل اور پریکٹس پر ریسرچ کا کام سونپا گیا ہے ۔
پردھان منتری آواس یوجنا - شہری
سبھی کے لئے مکان کے تحت پی ایم اے وائی – یو ملک کی آزادی کے 75 سال مکمل ہونے پر سال 2022 ء تک اہل افراد کو پکے مکان کی یقین دہانی کے ساتھ ای ڈبلیو ایس / ایل آئی جی اور ایم آئی جی کے زمرے والے شہریوں کو مکانوں کی فراہمی کو یقینی بناتا ہے ۔ پردھان منتری آواس یوجنا – شہری کے تحت 1.12 کروڑ مکانوں کو منظوری دی گئی ہے ، جن میں 82.5 لاکھ مکانوں کا کام شروع کر دیا گیا ہے اور 48 لاکھ کے قریب مکان مکمل کئے جا چکے ہیں ۔
سالگرہ کے موقع پر طلباء ، نو جوانوں ، غیر سرکاری تنظیموں ، اداروں ، افراد / گروپوں کے لئے پی ایم اے وائی – یو پر مختصر فلم کا ایک مقابلہ شروع کیا جائے گا ، جس کے ساتھ بھارت کی آزادی کے 75 سال پر مختلف پروگرام ،ورک شاپ ، آواس پر سمواد کی منصوبہ بندی کی گئی ہے ، جو 75 شہروں کے اسکولوں ، کالجوں / اداروں کے لئے ہو گا ۔
امروت مشن
شہری احیاء اور یکسر تبدیلی کے لئے اٹل مشن ( امروت ) کا آغاز ایک لاکھ سے زیادہ آبادی والے 500 شہروں میں پانی کی سپلائی ، گندے پانی کی نکاسی اور بندوبست ، سیلابی پانی کی نکاسی ، غیر موٹر والے شہری ٹرانسپورٹ اور سبزہ زار / پارک کے معاملات کو حل کرنے کے لئے شروع کیا گیا تھا ۔ اس مشن کی کامیابیاں مندرجہ ذیل ہیں :
- پانی کے نل کےذریعے کنکشن : 105 لاکھ سےزیادہ نل کے کنکشن لگائے جا چکے ہیں ، جب کہ ہدف 139 لاکھ ہے ۔
- سیور اور گندے پانی کی نکاسی کے کنکشن : 145 لاکھ کے ہدف کے مقابلے 78 لاکھ سے زیادہ کنکشن لگائے گئے ۔
- گندے پانی کو صاف کرنے کی صلاحیت : 1240 ایم ایل ڈی اور 4960 ایم ایل ڈی کی صلاحیت پر پیش رفت جاری ہے ۔
- پانی بھرنے کے 1840 مقامات کو درست کیا گیا ۔
- سبزہ زار اور پارک : 1850 پارک اور 3770 ایکڑ سبزہ زار تیار کئے گئے ۔
- میونسپل بانڈ : 10 شہروں نے 3840 کرو ڑروپئے کے میونسپل بانڈ جاری کئے ۔
- تعمیرات کے لئے آن لائن اجازت کا نظام 2465 شہروں میں نافذ کیا گیا ۔
- اسٹریٹ لائٹ : 88 لاکھ اسٹریٹ لائٹ کو تبدیل کیا گیا ، جس سے سالانہ 192 کروڑ یونٹ توانائی کی بچت اور کاربن کے اخراج میں 15 لاکھ ٹن کی کمی آئی ہے ۔
اسمارٹ سِٹی مشن
اسمارٹ سِٹی مشن یکسر تبدیلی لانے والا مشن ہے ، جس کا مقصد ملک میں شہری ترقی میں ایک مثبت تبدیلی لانا ہے ۔ ایس سی ایم کے تحت مجوزہ کل 5890 پروجیکٹوں میں ( 114 فی صد ) 178500 کروڑ روپئے کی لاگت کے ( 87 فی صد قدر ) کی اب تک بولیاں طلب کی جا چکی ہیں اور 145600 کروڑ روپئے ( 71 فی صد کی قدر ) کی لاگت کے 5195 پروجیکٹوں کے لئے کام کے احکامات جاری کئے گئے ہیں ۔ 45000 کروڑ روپئے کی لاگت کے ( 22 فی صد کی قدر ) 2655 پروجیکٹ ( کل تعداد کا 51 فی صد ) پروجیکٹ پوری طرح مکمل ہو چکے ہیں اور کام کرنے لگے ہیں ۔
اسمارٹ سٹی مشن کے تحت تیار کئے گئے پروجیکٹ کثیر شعبہ جاتی اور مقامی آبادی کی امنگوں کے آئینہ دار ہیں ۔ اب تک 69 اسمارٹ سٹی کو فروغ دیا جا چکا ہے اور ملک میں مربوط کمان اینڈ کنٹرول سینٹر کام کرنے لگے ہیں ۔ یہ کمان اور کنٹرول سینٹر کووڈ مینجمنٹ کے لئے وار روم کی طرح کام کر رہے ہیں اور مشن کے تحت تیار کردہ بنیادی ڈھانچے نے شہروں کو بہتر مواصلات ، پیشگی تجزیہ اور موثر بندوبست کے ساتھ وباء سے لڑنے میں مدد دی ہے ۔
چھٹی سالگرہ کی تقریب کے دوران ہاؤسنگ اور شہری امور کی وزارت انڈیا اسمارٹ سٹی ایوارڈ مقابلہ ( آئی ایس اے سی ) 2020 کے نتائج کا اعلان کرے گی ۔ ڈاٹر میچیورٹی اسسمنٹ فریم ورک ( ڈی ایم اے ایف ) اور کلائمیٹ اسمارٹ سٹی اسسمنٹ فریم ورک ( سی ایس سی اے ایف ) کے تحت نتائج کا اعلان تقریب کے دوران کیا جائے گا ۔ اس تقریب کے دوران انڈیا اسمارٹ سٹی فیلو شپ رپورٹ ، ٹیولپ سالانہ رپورٹ اور نیشنل انسٹی ٹیوٹ آف اربن افیئرس ( این آئی یو اے ) کے ذریعے تیار کردہ معلوماتی رپورٹ بھی جاری کی جائیں گی ۔
۔۔۔۔ ۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔ ۔۔۔ ۔ ۔ ۔۔۔۔۔۔۔۔۔۔۔۔۔۔۔۔ ۔۔ ۔ ۔۔۔۔۔۔۔ ۔ ۔
( ش ح ۔ و ا ۔ ع ا ۔24.06.2021 )
U.No. 5858
(Release ID: 1730118)
Visitor Counter : 277