صحت اور خاندانی بہبود کی وزارت

کووڈ – 19 ٹیکہ کاری : مفروضات بنام حقائق


ٹیکوں کی تقسیم ، ریاست کی آبادی ، مریضوں کی تعداد ، ریاست میں ٹیکوں کے موثر استعمال اور زیاں کی بنیاد پر شفاف طریقے سے کی جارہی ہے

Posted On: 24 JUN 2021 2:44PM by PIB Delhi

 

نئی دلّی ، 24 جون / بھارت  کا قومی کووڈ  ٹیکہ کاری پروگرام  ، سائنسی اور  وبائی مرض کے شواہد  ، ڈبلیو ایچ او کے رہنما خطوط اور عالمی سطح پر بہترین طریقۂ کار پر مرتب  کیا گیا ہے ۔ شروع سے آخر تک منظم منصوبہ بندی  کے ساتھ  یہ پروگرام ریاستوں / مرکز کے زیر انتظام علاقوں اور عوام  کی وسیع  شرکت کے ساتھ  موثر طور پر نافذ کیا جا رہا ہے ۔

         میڈیا میں کچھ اس طرح کی خبریں آئی ہیں ، جن میں  ریاستوں میں کووڈ – 19 ویکسین کی تقسیم  غیر شفاف طریقے سے  مختص کرنے کا الزام عائد کیا گیا ہے ۔ یہ الزامات پوری طرح بے بنیاد ہیں اور ان میں دی گئی معلومات درست نہیں ہیں ۔

         اس بات کی وضاحت کی جاتی ہے کہ   بھارت حکومت ریاستوں / مرکز کے زیر انتظام علاقوں کے لئے کووڈ – 19 کے ٹیکوں  کی تقسیم شفاف طریقے سے کر رہی ہے ۔  حکومتِ ہند کے ذریعے ویکسین کی سپلائی ، ریاستوں / مرکز کے زیر انتظام علاقوں کے استعمال ، باقی بچے ہوئے ٹیکے اور غیر استعمال شدہ ویکسین  ، جو ریاستوں اور مرکز کے زیر انتظام علاقوں کے پاس موجود ہیں ، ویکسین کی ہونے والی سپلائی سے متعلق تمام معلومات پریس انفار میشن بیورو  کے ذریعے  تیار کی گئی  پریس ریلیز اور دیگر فورموں کے ذریعے  مسلسل فراہم کی جاتی ہیں ۔

         کووڈ – 19 ویکسین کی تقسیم مندرجہ ذیل پیمانوں پر کی جاتی ہے  :

1 ۔     ریاست کی آبادی ۔

2 ۔     مریضوں کی تعداد ۔

3 ۔     ریاست میں ویکسین استعمال کرنے کی صلاحیت ۔

         ویکسین  کے ضائع ہونے  سے ویکسین کو مختص کرنے پر پڑنے والا اثر ۔

 

۔۔۔۔ ۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔  ۔۔۔ ۔ ۔ ۔۔۔۔۔۔۔۔۔۔۔۔۔۔۔۔ ۔۔ ۔ ۔۔۔۔۔۔۔ ۔ ۔

( ش ح ۔ و ا  ۔ ع ا ۔24.06.2021 )

U.No. 5857



(Release ID: 1730107) Visitor Counter : 180