ਸਿੱਖਿਆ ਮੰਤਰਾਲਾ
ਸ਼੍ਰੀ ਸੰਜੇ ਧੋਤਰੇ ਨੇ ਅੰਤਰਰਾਸ਼ਟਰੀ ਯੋਗ ਦਿਵਸ 2021 ਤੇ ਯੋਗਿਕ ਸਾਇੰਸ ਵਿਚ ਐਨਆਈਓਐਸ ਡਿਪਲੋਮਾ ਕੋਰਸ ਲਾਂਚ ਕੀਤਾ
प्रविष्टि तिथि:
21 JUN 2021 5:40PM by PIB Chandigarh
ਕੇਂਦਰੀ ਸਿੱਖਿਆ ਰਾਜ ਮੰਤਰੀ ਸ਼੍ਰੀ ਸੰਜੇ ਧੋਤਰੇ ਨੇ ਅੱਜ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਮੌਕੇ ਤੇ ਯੋਗਿਕ ਸਾਇੰਸ ਵਿੱਚ ਐਨਆਈਓਐਸ ਡਿਪਲੋਮਾ ਕੋਰਸ ਦੀ ਸ਼ੁਰੂਆਤ ਕੀਤੀ। ਮੰਤਰੀ ਨੇ ਕੋਰਸ ਦੀ ਸਵੈ-ਸਿਖਲਾਈ ਸਮੱਗਰੀ ਜਾਰੀ ਕੀਤੀ। ਮੰਤਰੀ ਨੇ ਸਿਖਿਆਰਥੀਆਂ ਲਈ ਅਜਿਹੇ ਕਿੱਤਾਮੁਖੀ ਕੋਰਸਾਂ ਦੀ ਪੇਸ਼ਕਸ਼ ਕਰਨ ਲਈ ਐਨਆਈਓਐਸ ਨੂੰ ਵਧਾਈ ਦਿੱਤੀ।
ਵਿਸ਼ੇਸ਼ ਤੌਰ 'ਤੇ ਕੋਵਿਡ ਦੌਰਾਨ ਯੋਗ ਦੀ ਮਹੱਤਤਾ ਬਾਰੇ ਚਾਨਣਾ ਪਾਉਂਦਿਆਂ, ਸ੍ਰੀ ਧੋਤਰੇ ਨੇ ਕਿਹਾ ਕਿ ਇਸ ਨਾਲ ਰੋਜ਼ਗਾਰ ਦੇ ਬਹੁਤ ਸਾਰੇ ਮੌਕੇ ਪੈਦਾ ਹੋਏ ਹਨ। ਅੱਜ ਸ਼ੁਰੂ ਕੀਤਾ ਗਿਆ ਯੋਗਿਕ ਸਾਇੰਸ ਦਾ ਕੋਰਸ ਉਨ੍ਹਾਂ ਲੋਕਾਂ ਦੀ ਸਹਾਇਤਾ ਕਰੇਗਾ ਜੋ ਨੌਕਰੀ ਲੱਭਣ ਦੀ ਬਜਾਏ ਨੌਕਰੀ ਪ੍ਰਦਾਤਾ ਬਣਾਉਣ ਵਿਚ ਮਦਦ ਕਰੇਗਾ। ਮੰਤਰੀ ਨੇ 21 ਜੂਨ ਨੂੰ ਕੌਮਾਂਤਰੀ ਯੋਗ ਦਿਵਸ ਵਜੋਂ ਐਲਾਨਣ ਵਿੱਚ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਦੇ ਸ਼ਲਾਘਾਯੋਗ ਉਪਰਾਲੇ ਨੂੰ ਵੀ ਦੁਹਰਾਇਆ।
ਆਪਣੀ ਟਿੱਪਣੀ ਕਰਦਿਆਂ ਐਨਆਈਓਐੱਸ ਦੀ ਚੇਅਰਪਰਸਨ ਨੇ ਦੱਸਿਆ ਕਿ ਦੋ ਸਾਲਾ ਡਿਪਲੋਮਾ ਪ੍ਰੋਗਰਾਮ ਦੇ ਪਹਿਲੇ ਸਾਲ ਵਿਚ ਪੰਜ ਵਿਸ਼ੇ ਹਨ ਜਿਸ ਵਿਚ ਯੋਗਾ ਟੀਚਿੰਗ ਸਿਖਲਾਈ ਦਿੱਤੀ ਜਾਏਗੀ ਅਤੇ ਦੂਜੇ ਸਾਲ ਵਿਚ ਯੋਗਾ ਥੈਰੇਪੀ ਨਾਲ ਸਬੰਧਤ ਪੰਜ ਵਿਸ਼ੇ ਪੜ੍ਹਾਏ ਜਾਣਗੇ।
----------------------------
ਕੇਪੀ / ਏਕੇ
(रिलीज़ आईडी: 1729224)
आगंतुक पटल : 196