نئی دہلی، 16 جون 2021 :

سڑک ٹرانسپورٹ اور قومی شاہراہ کی وزارت کے تحت نیشنل ہائی وے اتھارٹی آف انڈیا نے شفافیت ، یکسانیت  اور جدید تکنیک کا فائدہ اٹھانے کے لئے ترقی، تعمیر، آپریشن اور رکھ رکھاؤ کے سبھی مراحل کے دوران قومی شاہراہوں کے پروجیکٹوں  کی ماہانہ ویڈیو ریکارڈنگ کے لئے ڈرون کے استعمال کو لازمی قرار دیا ہے۔

ٹھیکے دار اور ، کنسیشنیئر، سپر ویژن  صلاح کار کی ٹیم لیڈر کی موجودگی میں ڈرون ویڈیو کی ریکارڈنگ کریں گے اور رواں اور پچھلے ماہ  کے موازنے پر مبنی پروجیکٹ ویڈیو کو این ایچ آئی کے پورٹل ‘ ڈیٹا لیک ’ پر اپلوڈ کریں گے، جس میں مہینے کےدوران مختلف پروجیکٹوں سے متعلق  ڈیولپمنٹ کو محفوظ کیا جائے گا۔ سپرویژن  صلاح کار ان ویڈیو کا تجزیہ کریں گے پرجیکٹ ڈیولپمنٹ کے مختلف پہلووں کو شامل کرتے ہوئے ڈیجیٹل ماہانہ پیش رفت رپورٹ پر اپنے تبصرہ کریں گے۔ ان ویڈیو کا استعمال این ایچ آئی کے افسران پروجیکٹ کے فزیکل معائنے کے دوران پہلے کے آبزرویشن کی بنیاد پر خامیوں  اور درستگی  کی جانچ کے لئے بھی کریں گے۔

اس کے علاوہ این ایچ آئی اے کے پروجیکٹ ڈائرکٹر معاہدے کے سمجھوتے پر دستخط کرنے کی تاریخ سے لے کر مقام پر پروجیکٹ کی تعمیر کی شروعات تک اور پروجیکٹ کے مکمل ہونے تک ماہانہ ڈرون سروے کریں گے۔ این ایچ آئی ان سبھی ڈیولپ شدہ پروجیکٹوں میں ماہانہ ڈرون سروے بھی کرے گی۔ جہاں آپریشن اور رکھ رکھاؤ کے لئے این ایچ آئی خود ذمہ دار ہے۔

چونکہ یہ ویڈیو مستقل طور پر ‘ڈیٹا لیک’ پر جمع کئے جائیں گے ، اس لئے تنازعہ کے حل کے عمل کے دوران ثالثی ٹرائبیونلز اور عدالتوں کے سامنے ثبوت کےطور پر بھی ان کا استعمال کیا جاسکتاہے

اس کے علاوہ ، کوالٹی بڑھانے کے لئے قومی شاہراہوں پر سڑک کی حالت کی سروے کے لئے نیٹ ورک سروے وھیکل  (این ایس وی) کی لازمی تعیناتی سے  قومی شاہراہوں کی مجموعی کوالٹی میں اضافہ ہوگا۔ اس کے لئے این ایس وی سروے کی جدید ترین تکنیکوں جیسے ، 360 ڈگری امیجری کے لئے ہائی-ریزولیشن ڈیجیٹل کیمرہ ، لیزر روڈ پروفیلومیٹر اور سڑک کی سطح  میں خرابی کی پیمائش کے لئے دیگر جدید ترین تکنیک کا استعمال  کرتی ہے۔

*******

ش ح۔ ف  ا- م ص

(U:5537)