এক্সিলেন্সী, জেনরেল এসেমব্লীগী প্রেসিদেন্ত

এক্সিলেন্সীশিং, তিনবীরিবা পুম্নমক

খুরুমজরি

ঐহাক্না জেনরেল এসেমব্লীগী প্রেসিদেন্তবু অৱাংবা থাক্কী দাইলোগ অসি পাঙথোকপিবগীদমক থাগৎচরি।

লৈবাক হায়বা অসি থৱায় পানবা পুম্নমক অমসুং হিংনবগী পাম্বৈশিংদা তেংবাংলিবা মরু ওইবা বিল্দিং ব্লোকনি। অমসুং পুন্সি অসি ইন্তর-কন্নেক্তেদ ওইবা সিস্তেম অমা ওইনা মথৌ তৌই হায়বা ঐখোয় পুম্নমক্না খংঙি। নুংঙাইতবা ৱাফম অমনা ঙসি মালেমগী শরুক অহুম থোকপগী শরুক অনি হেনবদি লৈবাক লৈহাও মাংশিল্লকপগী খুদোংথিবা নংলি। করিগুম্বা মসি য়েংশিলহৌদবা তারবদি, মসিনা ঐখোয়গী খুন্নাইশিং, শেন্মীৎলোনশিং, ফুদ সেক্যুরিতী, হেল্থ, সেফতী অমসুং পুন্সিগী মহাওগী মরু ওইবা য়ুম্ফমশিং শোকহল্লকনি। মরম অসিনা ঐখোয়না লৈবাক্তা অমসুং মসিগী রিসোর্সশিংদা চাউনা প্রেসর পীবা হন্থহল্লসি। ঐখোয়গী মাংদা থবক কয়া অমা লৈরি। অদুবু ঐখোয়না মসি শোইদনা পাঙথোকপা ঙমগনি, ঐখোয়না পুন্না পাঙথোকপা ঙমগনি।

মিস্তর প্রসিদেন্ত,

ভারত্তা ঐখোয়না মতম চুপ্পদা লৈবাকপু মরুওইনা লৌদুনা লাক্লি অমসুং শেংলবা মালেমবু ইমানি হায়না খল্লি। ভারতনা মালেমগী ফম্পাক্তা লৈবাক লৈহাও মাংশিল্লকপগী খুদোংথিবা অসিগী মতাংদা পুখৎতুনা লাকখি। ২০১৯গী দিল্লী দেক্লেরেসন অসিনা লৈবাকপু হেন্না ফনা থম্নবা অমসুং য়েংশিন্নবগী মতাংদা ফোঙদোকখি অমদি জেন্দর-সেন্সিতিব ত্রান্সফোর্মেতিব প্রোজেক্তশিংদা মীৎয়েং থমখি। ভারত্তা হৌখিবা চহি ১০ অসিদা উমংগী শরুক্না কোনবা লমশিংদা লম হেক্তর করোর ৩রোম হেনগৎখি। মসিনা অপুনবা উমংগী শরুক্না কোনবা লম অসি লৈবাক অসিগী অপুনবা লমগী শরুক্কী শরুক মরি থোকপগী শরুক অমা রোমদা হেনগৎহনখি।

ঐখোয়না লৈবাক লৈহাও মাংশিল্লকপা হন্থহন্নবা লৈবাক অসিগী পান্দম অদু ফংনবা লম্বীদা চংশিল্লি। ঐখোয়না ২০৩০ ফাওবদা লৈবাক লৈহাও মাংলবা লম হেক্তর করোর ২৬ অমুক হন্না লৈহাও চেলহন্নবা থবকসু পাইখৎলি। মসিনা ভারতনা কার্বোন থাদোকপা অসি বিলিয়ন তন ২.৫ হন্থহন্নবা ৱাশকখিবগী মথক্তা কার্বোন দাইওক্সাইদ বিলিয়ন তন ৩গী পান্দম ফংবা ঙম্লগনি।

লৈবাক লৈহাও চেলহন্নবা অমুক হন্না হোৎনবনা লৈবাক্কী লৈহাও ফগৎহল্লি, লৈবাক অদুনা পোত্থোক হেনগৎহল্লি, ফুদ সেক্যুরিতী হেনগৎহল্লি অমসুং পুন্সি মহিং ফগৎহল্লি। ভারতকী অয়াম্বা শরুকশিংদা ঐখোয়না অফবা খোঙথাং খরা পাইখৎলি। খুদম অমা হায়রবদা, গুজরাতকী রন ওফ কচ্ছকী বান্নি রিজন অসি লৈবাক লৈহাও চাউনা মাংশিল্লকপগী খুদোংথিবা মায়োক্নখি অমসুং নোংজুগী চাং য়াম্না হন্থখি। রিজন অসিদা গ্রাসলেন্দশিং শেমগৎতুনা লৈবাক লৈহাও চেলহল্লনবা হোৎনখি মসিনা লৈবাক লৈহাও মাংথরকপগী চাং হন্থহনবদা মতেং ওইখি। মসিনা শা-শনগী শজিক চাফম লৈহনদুনা শা-শন য়োকপা থৌগৎতুনা হিংনবগী পাম্বৈদা মতেংসু পাংখি। চপ মান্নবা ৱাখল্লোন অসিদা ঐখোয়না য়েলহৌঙৈদগী লৈরক্লবা পাম্বৈশিং থৌগৎতুনা লৈবাক লৈহাও অমুক হন্না চেলহন্নবা কান্নরবা লালোংশিং পাইখৎপা মথৌ তাই।

মিস্তর প্রসিদেন্ত,

লৈবাক লৈহাও মাংশিল্লকপনা চাউখৎলক্লিবা মালেমদা অখন্নবা শীংনবা অমা মায়োক্নহল্লি। সাউথ-সাউথ কোওপরেসনগী ৱাখল্লোন্দা ভারতনা লৈবাক লৈহাও চেলহন্নবা লালোংশিং য়াৎনবা চাউখৎপা ৱাৎলিবা লৈবাকশিংদা মতেং পীরি। ভারত্তা লৈবাক লৈহাও মাংশিল্লকপগী খুদোংথিবা অসি লাকশিন্নবা সাইন্তিফিক ওইবা এপ্রোচ অমা পাইখৎনবা সেন্তর ওফ এক্সিলেন্স অমা লিংখৎলি।

মিস্তর প্রসিদেন্ত,

মীওইবগী থবক-থৌরমনা মরম ওইরগা লমশিংদা অমাং অতা থোকহনবা অসি শেমগৎপা হায়বা অসি মীওইবা খুন্নাইগী অপুনবগী ওইবা থৌদাংনি। ঐখোয়গী তুংদা লাক্কদবা চারোনশিংগীদমক অফবা গ্রহ অমা থম্লম্বা হায়বা অসি ঐখোয়গী শেংলবা থৌদাংনি। মখোয়গীদমক অমসুং ঐখোয়গীদমক অৱাংবা থাক্কী দাইলোগ অসিদা কান্নরবা খন্ন-নৈনবশিং পাঙথোক্নবা ঐহাক্কী মাইকৈদগী য়াইফ-পাউজেল পীজরি।

থাগৎচরি!

হন্না-হন্না থাগৎচরি!

PM @narendramodi is addressing the UN High-level dialogue on desertification, land degradation and drought. https://t.co/13H12ELnZV

— PMO India (@PMOIndia) June 14, 2021

*****