২০২২গী রিপব্লিক দে থৌরমদা লাওথোক্কদৌরিবা পদ্ম এৱার্দশিংগী ওনলাইন নোমিনেসনশিং/রিকম্মেন্দেসনশিং কৌরি৷ পদ্ম এৱার্দশিং অসিগী নোমিনেসনগী অরোইবা মতম অসি ২০২১গী সেপ্তেম্বর ১৫নি৷ পদ্ম এৱার্দশিং অসিগী নোমিনেসনশিং/রিকম্মেন্দেসনশিং অদু পদ্ম এৱার্দস পোর্তেল https://padmaawards.gov.in দা ওনলাইন খক্তদা লৌশিল্লগনি৷

পদ্ম এৱার্দশিং মমিং ওইনা হায়রবদা পদ্ম বিভুশন, পদ্ম বুশন অমসুং পদ্ম শ্রী অসি লৈবাক অসিগী খ্বাইদগী ৱাংবা সিবিলিয়ন এৱার্দশিংগী মনুং চল্লি৷ ১৯৫৪দা শেমদুনা, হায়রিবা এৱার্দশিং অসি চহি খুদিংগী রিপব্লিক দে থৌরমদা লাওথোকই৷ এৱার্দ অসিনা ‘তোপ-তোপ্পা মখলগী থবক’ মশক খঙনবা হোৎনৈ অমসুং এৱার্দ অসিনা ফিল্দশিং/দিসিপ্লিন খুদিংমক্তা খুদম ওইনা হায়রবদা আর্ত, লিতরেচর অমসুং এজুকেসন, স্পোর্তস, মেদিসিন, সোসিয়েল ৱার্ক, সাইন্স অমসুং ইঞ্জিনিয়রিং, পব্লিক এফিয়র্স, সিভিল সর্ভিস, ত্রেদ অমসুং ইন্দস্ত্রীদা মশক থোকপা অমসুং ময়ামগা মান্নদবা এচিবমেন্তশিং/সর্ভিস অদুগীদমক পীরি৷ জাৎ-বিজাৎ, শিনফম, পোজিসন নত্রগা নুপা-নুপীগী খেন্নবা থমদনা মীওই পুম্নমক এৱার্দশিং অসিগীদমক ইলিজিবল ওই৷ দোক্তরশিং অমসুং সাইন্তিস্তশিং নত্তনা পি.এস.য়ু.শিং অসিগা থবক তৌমিন্নরিবা সরকারগী শিন্মীশিং পদ্ম এৱার্দশিং অসিগীদমক ইলিজিবল ওইদে৷

পদ্ম এৱার্দশিং অসি “মীয়ামগী পদ্ম” ওন্থোক্নবা য়াম্না কন্না হোৎনরি৷ মসিনা প্রজা পুম্নমক্তা সেল্ফ নোমিনেসন য়াওনা নোমিনেসনশিং/রিকম্মেন্দেসনশিং  শেম্ননবা হায়জরি৷

নোমিনেসনশিং/রিকম্মেন্দেসনশিং অদু নেরেতিব ফোর্মদা সাইতেসন অমা য়াওনা(য়াম্লবদা ৱাহৈ ৮০০) মীওই অদুগী মরী লৈনবা ফিল্দ/দিসিপ্লিনদা মীওই অদুনা পাংথোকখিবা মশক থোকপা অমসুং ময়ামগা মান্নদনা তোখায়বা এচিবমেন্তশিং/সর্ভিস অদু উৎতুনা মথক্তা পল্লিবা পদ্ম পোর্তেল অসিদা ফংলিবা ফোর্মেত অদুদা মরী লৈনবা অকুপ্পা মরোলশিং য়াওহল্লকদবনি৷

মনা অসি পীবদা তশেংনা মতিক চারবা য়াম্না হৈ-শিংলবা অমসুং এচিবমেন্তশিং ফংলিবা তেলেন্দ লৈরবা মীওইশিং অদু নুপীশিংগী মরক্তগী, সমাজ অসিগী শোত্থরবা কাংলুপশিংদগী, এস.সি.শিং অমসুং এস.তি.শিং, দিব্যাঙ্গ মীওইশিং অমসুং সমাজ অসিদা মশাগী ওইজবা থীদনা থবক তৌরিবা মীওইশিং অসি খন্দোক্নবা ময়াম পুন্না হোৎনমিন্নসি হায়না হোম এফিয়র্স মন্ত্রালয়না কেন্দ্রগী মন্ত্রালয়শিং/দিপার্তমেন্তশিং, রাজ্যশিং/য়ু.তি. সরকারশিং, ভারত রত্ন অমসুং পদ্ম বিভুশন এৱার্দীশিং, এক্সিলেন্সকী ইন্সতিত্যুত পুম্নমক্তা হায়জখ্রে৷

হিরম অসিগী মতাংদা অকুপ্পা মরোলগীদমক হোম এফিয়র্স মন্ত্রালয়গী ৱেবসাইততা(www.mha.gov.in) ‘এৱার্দস অমসুং মেদল্স’ হায়না মমিং থাদুনা লৈরিবা অদুদা ফংলি৷ হায়রিবা এৱার্দশিং অসিগা মরী লৈনবা স্তেত্যুতশিং অমসুং রুলশিং অদু লিঙ্ক https://padmaawards.gov.in/AboutAwards.aspxঅসিদা পীরিবা ৱেবসাইত অসিদা ফংলি৷

******