মার্কেতিং সিজন ২০২১-২২গীদমক তঙাই ফদবা খরিফ ক্রোপ পুম্নমক্কী মিনিমম সপোর্ত প্রাইসশিং(এম.এস.পি.শিং) হেনগৎননবা প্রধান মন্ত্রী শ্রী নরেন্দ্র মোদীনা থৌবুরেল ওইদুনা ফমখিবা কেবিনেৎ কম্মিতীনা এপ্রুব তৌখ্রে৷

মহৈ-মরোং থারিবা লৌমীশিংদা মখোয়গী পোত্থোক অদুগী মতিক চাবা মমল অদু ফংহন্নবা মার্কেতিং সিজন ২০২১-২২গী ওইনা খরিফ ক্রোপশিংগী এম.এস.পি. অদু সরকারনা হেনগৎখ্রে৷ হৌখিবা চহিগা য়েংনবা মতমদা এম.এস.পি.দা হেনগৎলকখিবা মমল অদু সেসামুমনা খ্বাইদগী ৱাংদুনা (ক্বিন্তল অমদা লুপা ৪৫২) তুর অমসুং উরদনা মতুং ইল্লি(ক্বিন্তল অমমদা লুপা ৩০০)৷ লৈবাক হৱাই অমসুং নাইজর সীদকী ওইনা, হৌখিবা চহিগা য়েংনবা মতমদা ক্বিন্তল অমদা মথংশিৎনা লুপা ২৭৫ অমসুং লুপা ২৩৫ হেনগৎলকখ্রে৷ মহৈ-মরোংশিং অসিগী মমলশিং মান্নহন্দনা তোঙান তোঙানবা ক্রোপ মখলশিং থাহন্নবা মীৎয়েং থম্লি৷

মার্কেতিং সিজন ২০২১-২২গীদমক খরিফ ক্রোপ পুম্নমক্কী মিনিমম সপোর্ত প্রাইসশিং মখাদা পীরি:

* থবক শুনবা মী নেকপদা, বুল্লোক লেবর, মিছিন লেবর, লম শিজিন্নবগী মমল পীবা, মেতরিএল ইমপ্যুতশিং খুদম ওইনা মরুশিং, হারশিং, মেন্যুরশিং, ইরিগেসন চার্জশিং, খুৎশু-খুৎলাই অমসুং ফার্ম বিল্দিলশিং শেমগৎপগী মমলশিং, পম্প সেতশিং শিজিন্নবগী দিজল থাউ/মৈগী মমলশিং, অহেনবা চাদিংশিং অমসুং ফেমিলী লেবরগী ইমপ্যুতেদ ভেল্যু য়াওনা কমপ্রিহেন্সিব কোস্ত উৎলি৷

^{^} ফৌ(গ্রেদ এ), জোৱার(মালদন্দি) অমসুং লশিং(লোঙ্গ স্তেপল)গী ওইনা কোস্ত দাতা তোখায় তোখায়না থমদে৷

ওল-ইন্দিয়া ৱেতেদ এভরেজ কোস্ত ওফ প্রদক্সন(সি.ও.পি.)গী য়ামদ্রবদা শরুক ১৫গী লেবলদা এম.এস.পি.শিং অসি লেপ্ননবগীদমক ২০১৮-১৯গী য়ুনিয়ন বদজেৎতা লাওথোকখিবা অসিগা মরী লৈননা মার্কেতিং সিজন ২০২১-২২গীদমক খরিফ ক্রোপশিংগী এম.এস.পি.শিং হেনগৎহন্দুনা লৌমীশিংদা মখোয়গী পোত্থোক্কী মতি চাবা মমলশিং ফংহন্নবা পান্দম থম্লি৷ লৌমীশিংদা মখোয়গী প্রদক্সন কোস্তকী মথক্তা ফংহনবা য়ারিবা শেনফম অসি বজ্রানা খ্বাইদগী ৱাংদুনা(৮৫%), উরদ(৬৫%) অমসুং তুরনা(৬২%)না মতুং ইল্লগনি হায়না পানরি৷ অতোপ্পা ক্রোপ মখলশিংগী ওইনদি, প্রদক্সন কোস্তকী মথক্তা লৌমীশিংদা ফংহনগদৌরিবা শেনফম অসি য়ামদ্রবদা ৫০% ওইরবা য়াই হায়না পানরি৷

লৌমীশিংনা থাউ মরুশিং, হৱাইশিং অমসুং কোর্স সেরিএলশিং হেন্না পাক চাওবা মফমশিংদা থাহন্নবা অমসুং দিমান্দ-সপ্লাইগী মরক্তা লৈরিবা ইম্বেলেন্স অসি চুমথোক্নবা খ্বাইদগী ফরবা তেক্নোলোজীশিং শিজিন্নদুনা অমসুং ফার্ম প্রেক্তিসশিং পাংথোক্তুনা এম.এস.পি.শিং রিএলাইন তৌননবা হৌখিবা চহি খরা অসিদা পুন্না হোৎনমিন্নখ্রে৷  

অসিগীসু মথক্তা, ২০১৮দা সরকারনা লাওথোকখিবা অম্ব্রেলা স্কিম "প্রধান মন্ত্রী অন্নদাতা এয় সনরাক্স হান অভিয়ান' (পি.এম.-এ.এ.এস.ঐচ.এ.) না লৌমীশিংদা মখোয়গী পোত্থোক্কী মতিক চাবা মমলশিং অদু ফংহনবদা মতেং পাংলগনি৷ পাইলোত বেসিস্তা অম্ব্রেলা স্কিম অসিদা সব-স্কিম অহুম য়াওরি, মখোয়শিং অদুদি প্রাইস সপোর্ত স্কিম(পি.এস.এস.), প্রাইস দিফিসিয়েন্সী পেমেন্ত স্কিম (পি.দি.পি.এস.) অমসুং প্রাইভেৎ প্রোক্যোরমেন্ত অমসুং স্তোকিস্ত স্কিম(পি.পি.এস.এস.)নি৷

হৱাইশিং মরাং কাইনা পুথোক্নবগী পান্দম অমদা, অখন্নবা খরিফ স্ত্রাতিজী অমা খরিফ ২০২১ সিজন অসিদা চৎননবগীদমক শেম শাখ্রে৷ এরিয়া এক্সপান্সন অমসুং তুর, মূঙ্গ অমসুং উরদ হেন্না পুথোক্নবগী অকুপ্পা প্লান অমা শেমখ্রে৷ স্ত্রাতিজী অসিগী মখাদা, ফংলিবা হাই-য়িল্দিং বেরাইতীশিং(ঐচ.ভি.এস.শিং) মরু মখল পুম্নমক হেন্না পাক শন্না থাননবা লেম্না শেল অমতা লৌদনা য়েন্থোক্লগনি৷ অসিগুম্না থাউ মরুশিংসু, মিনি-কিৎশিংগী মওংদা খরিফ সিজন ২০২১ অসিগীদমক লৌমীশিংদা হাই-য়িল্দিং বেরাইতী মরু মখলশিং লেম্না য়েন্থোক্নবগী এম্বিসিয়র্স ওইবা প্লান অমা ভারত সরকারনা এপ্রুব তৌখ্রে৷ অখন্নবা খরিফ প্রোগ্রাম অসিনা অহেনবা হেক্তর লাখ ৬.৩৭রোম থাউ মরুশিং থারগনি অমসুং থাউ মরু ক্বিন্তল লাখ ১২০.২৬রোম অমসুং ক্বিন্তল লাখ ২৪.৩৬রোমগী মমল ওইগদবা চাবা য়াবা থাউ পুথোক্লবা য়াই৷

*****