పెట్రోలియం, సహజ వాయువు మరియు ఉక్కుశాఖమంత్రి శ్రీ ధర్మేంద్ర ప్రధాన్ ఈ రోజు దేశవ్యాప్తంగా గెయిల్‌ గ్రూప్‌కు చెందిన 201 సిఎన్జీ స్టేషన్లను జాతికి అంకితం చేశారు. అలాగే ఝాన్సీలో పిఎన్‌జీ సరఫరా మరియు రాయ్‌గఢ్‌‌లో వాహనాలకు ఇంధనం నింపడం కోసం ఏర్పాటు చేసిన మొబైల్ రీఫ్యూయలింగ్ యూనిట్లలో (ఎంఆర్‌యు) పిఎన్‌జి సరఫరాను శ్రీ ప్రధాన్ ప్రారంభించారు.

శ్రీ ధర్మేంద్ర ప్రధాన్ ఝాన్సీలోని పిఎన్‌జి వినియోగదారుల కుటుంబంతో సంభాషించారు. ఇంట్లో పిఎన్‌జికి అంతరాయం లేని మరియు చౌకగా సరఫరా చేయడం పట్ల సంతోషం వ్యక్తం చేశారు. శ్రీ ప్రధాన్ రాయ్‌గఢ్‌ మరియు ఢిల్లీలోని ఎంఆర్‌యు ఆపరేటర్లతో కూడా సంభాషించారు. ఎంఆర్‌యు ద్వారా వాహనంలో సిఎన్‌జిని నింపడాన్ని తిలకించారు. ఈ రోజు ప్రారంభించిన ఎంఆర్‌యులు ఐజిఎల్ మరియు మహానగర్ గ్యాస్ లిమిటెడ్‌కు చెందినవి.

ఈ సందర్భంగా శ్రీ ప్రధాన్‌ మాట్లాడుతూ  ఇప్పటి వరకు సిఎన్‌జి స్టేషన్లు, పైప్డ్ నేచురల్ గ్యాస్ (పిఎన్‌జి) మెట్రో నగరాలకే పరిమితమయ్యాయని, ప్రభుత్వ ప్రయత్నాల ఫలితంగా ఇవి ఇప్పుడు దేశవ్యాప్తంగా నగరాలు, పట్టణాలకు చేరుతున్నాయని చెప్పారు. గౌరవనీయ ప్రధానమంత్రి శ్రీ నరేంద్ర మోదీ వాతావరణ మార్పుల తగ్గింపుకు కట్టుబడి ఉన్నారని, ఆయన ప్రయత్నాలు ప్రపంచానికి, నాయకత్వానికి, ప్రపంచంలో భారతదేశ స్థితిని మెరుగుపర్చాయని మంత్రి అన్నారు. పీఎం దూరదృష్టికి అనుగుణంగా ఇంధన రిటైలింగ్‌లో ఆవిష్కరణలు తీసుకురావడం వ్యాపార నిర్ణయం మాత్రమే కాదని పచ్చటి భవిష్యత్తు గురించి అని చెప్పారు. పౌరులకు జీవన సౌలభ్యాన్ని పెంచే దిశగా ప్రధాని చేసిన ప్రయత్నాల గురించి కూడా ఆయన వివరించారు. నేటి ప్రారంభోత్సవం పచ్చటి భవిష్యత్తుకు బాట అని మరియు ప్రజల జీవన సౌలభ్యాన్ని పెంచే మరో అడుగు అని తెలిపారు.

ఇంధన రిటైల్ యొక్క భవిష్యత్తు మొబైల్ అని నొక్కిచెప్పిన కేంద్రమంత్రి మొబైల్ రీఫిల్లింగ్ సిఎన్‌జి సదుపాయాన్ని ఏర్పాటు చేయడంతో సహా ఈ పర్యావరణ వ్యవస్థకు ఊపునిచ్చే వివిధ చర్యల గురించి మాట్లాడారు. మొబైల్ ఇంధన రిటైలింగ్ యొక్క ప్రయోజనాలను కూడా ఆయన వివరించారు. ఇందులో షాపింగ్ మాల్స్, కార్యాలయాలు మరియు ఇతర ప్రదేశాలలో వినియోగదారులకు చేరే విషయంలో ఖర్చుతో పాటు ప్రయోజనం ఉంటుంది. మొబైల్ బ్యాటరీ మార్పిడి కూడా అన్వేషించాలని ఆయన అన్నారు. "మేము ఎనర్జీ రిటైలింగ్‌లో కొత్తదనాన్ని తీసుకువస్తున్నాము మరియు దానిని మొబైల్గా చేసి, ఇంటి వద్దనే పంపిణీ చేస్తున్నాము" అని శ్రీ ప్రధాన్ తెలిపారు.

పర్యావరణ కాలుష్యాన్ని తగ్గించడంలో సహాయపడే మరింత స్థిరమైన ఇంధన వినియోగం కోసం 2030 నాటికి ప్రాధమిక ఇంధన మిశ్రమంలో 15% సహజ వాయువును సాధించడానికి భారతదేశం కట్టుబడి ఉందని శ్రీ ప్రధాన్ అన్నారు. తద్వారా కాప్‌-21 పట్ల భారతదేశం యొక్క నిబద్ధతను నెరవేరుస్తుంది. సహజ వాయువు యొక్క ఎక్కువ ఉపయోగం శిలాజ ఇంధనంపై ఆధారపడటాన్ని తగ్గిస్తుంది మరియు తత్ఫలితంగా దిగుమతి బిల్లు మరియు దిగుమతి ఆధారపడటాన్ని తగ్గిస్తుంది అని తెలిపారు.

హైడ్రోజన్, సిబిజి, ఇథనాల్ బ్లెండెడ్ పెట్రోల్ (ఇబిపి), ఎల్‌ఎన్‌జిలతో సహా క్లీనర్ మరియు గ్రీనర్ ఇంధనాన్ని ఎక్కువగా స్వీకరించడానికి మరియు వినియోగించుకోవాలని మంత్రిత్వ శాఖ ఒత్తిడి తెస్తున్నట్లు శ్రీ ప్రధాన్ చెప్పారు. ఐఓసిఎల్ త్వరలో రిఫైనరీ మరియు వడోదర వద్ద హైడ్రోజన్ పంపిణీ స్టేషన్ను ప్రారంభించబోతోందని ఆయన పేర్కొన్నారు. దేశవ్యాప్తంగా ఇథనాల్ ఉత్పత్తి మరియు పంపిణీ కోసం భారత్ ఇ -100 పైలట్ ప్రాజెక్టును ప్రారంభించిందని మరియు 2025 నాటికి పెట్రోల్‌లో 20 శాతం ఇథనాల్ బ్లెండింగ్ లక్ష్యాన్ని చేరుకోవడానికి కట్టుబడి ఉందని తెలిపారు.

సహజ వాయువు వినియోగానికి సిజిడి రంగం ప్రధాన రంగంగా అవతరించిందని శ్రీ ప్రధాన్ అన్నారు. ఎక్కువ జిఎలు పనిచేయడంతో డిమాండ్ పెరుగుతుంది. రాబోయే 7-8 సంవత్సరాలలో 10,000 సిఎన్‌జి స్టేషన్లు మరియు 5 కోట్ల పిఎన్‌జి కనెక్షన్‌లను చేరుకోవడానికి కృషి చేయాలని సిజిడి సంస్థలను ఆయన ప్రోత్సహించారు. తక్కువ ఉద్గారాలు మరియు పరిశుభ్రమైన వాతావరణాన్ని నిర్ధారించడానికి డీజిల్ / పెట్రోల్ వాహనాలను సిఎన్‌జి / ఎల్‌ఎన్‌జిగా మార్చాల్సిన అవసరం ఉందని ఆయన అన్నారు. ఆ దిశగా, మొబైల్ రీఫ్యూయలింగ్ యూనిట్ (ఎంఆర్‌యు) పైప్‌లైన్ల ద్వారా ఇంకా అనుసంధానించబడని ప్రాంతాల్లో లేదా సాంప్రదాయ సిఎన్‌జి స్టేషన్లను ఏర్పాటు చేయడానికి భూమి కొరత ఉన్న ప్రదేశాలలో సిఎన్‌జి సరఫరాను సాధించడంలో సహాయపడుతుంది. ఇది 1,500 కిలోల సిఎన్‌జి వరకు నిల్వ చేయగలదు మరియు రోజుకు 150 నుండి 200 వాహనాలను నింపగలదు. వివిధ రకాలైన మోహరింపు ద్వారా ఇంధన లభ్యత యొక్క చైతన్యాన్ని పెంచడానికి దేశంలో ఎక్కువ ఎంఆర్‌యులను ఆరంభించాల్సిన అవసరాన్ని ఆయన నొక్కి చెప్పారు.

హైడ్రోజన్, డీజిల్, పెట్రోల్, సిఎన్‌జి / సిబిజి, ఎల్‌ఎన్‌జి లేదా ఇవి బ్యాటరీల మార్పిడి సౌకర్యం ఒకే సమయంలో లభించే శక్తి రవాణా రిటైలర్ అనే భావన వైపు వెళ్ళడమే ప్రభుత్వ లక్ష్యం అని శ్రీ ప్రధాన్ ఉద్ఘాటించారు.

 

*******