“ଏହା ଏକ ଭୁଲ ତଥ୍ୟ ଯେ କୋଭିଡ-୧୯ ମହାମାରୀର ପରବର୍ତ୍ତୀ ପର୍ଯ୍ୟାୟ ପିଲାମାନଙ୍କଠାରେ ଗୁରୁତର ସଂକ୍ରମଣ ସୃଷ୍ଟି କରିବାକୁ ଯାଉଛି । ପରବର୍ତ୍ତୀ ପର୍ଯ୍ୟାୟରେ ପିଲାମାନେ ଗୁରୁତର ଭାବରେ ସଂକ୍ରମିତ ହେବେ ବୋଲି ଦର୍ଶାଇବାକୁ ସର୍ବଭାରତୀୟ ସ୍ତରରେ କୌଣସି ତଥ୍ୟ ନାହିଁ। ” ଆଜି ଜାତୀୟ ଗଣମାଧ୍ୟମ କେନ୍ଦ୍ର, ପିଆଇବି ଦିଲ୍ଲୀରେ କୋଭିଡ-୧୯ ସଂପର୍କରେ ଗଣମାଧ୍ୟମକୁ ବିବୃତି ଦେବା ଅବସରରେ ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (ଏମ୍ସ) ଦିଲ୍ଲୀର ନିର୍ଦ୍ଦେଶକ ଡ. ରଣଦୀପ ଗୁଲେରିଆ ଏହି ସୂଚନା ଦେଇଛନ୍ତି ।

ଡକ୍ଟର ଗୁଲେରିଆ ଦର୍ଶାଇଛନ୍ତି ଯେ, ଭାରତରେ ଦ୍ୱିତୀୟ ତରଙ୍ଗ ସମୟରେ ଯେଉଁ ପିଲା ସଂକ୍ରମିତ ହୋଇଥିଲେ ଏବଂ ଡାକ୍ତରଖାନାରେ ଭର୍ତ୍ତି ହୋଇଥିଲେ, ସେମାନଙ୍କ ମଧ୍ୟରୁ 60 % ରୁ 70 % ସାଂଘାତିକ ରୋଗୀ ଥିଲେ ଅବା ତାଙ୍କଠାରେ ରୋଗ ପ୍ରତିରୋଧକ ଶକ୍ତି କମ୍ ଥିଲା; ସୁସ୍ଥ ପିଲାମାନେ ସାମାନ୍ୟ ଅସୁସ୍ଥ ହେଲେ ଡାକ୍ତରଖାନାରେ ଭର୍ତ୍ତି କରିବାର ଆବଶ୍ୟକତା ନାହିଁ । ସେମାନେ ଘରେ ଔଷଧ ଖାଇ ଆରୋଗ୍ୟ ହେଉଛନ୍ତି । 

ଭବିଷ୍ୟତ ସଂକ୍ରମଣକୁ ରୋକିବା ପାଇଁ କୋଭିଡ ଉପଯୁକ୍ତ ଆଚରଣ ହେଉଛି ଚାବିକାଠି

କୌଣସି ମହାମାରୀରେ ବିଭିନ୍ନ ତରଙ୍ଗ କାହିଁକି ଆସେ ସେ ସଂପର୍କରେ ଦିଲ୍ଲୀ ଏମ୍ସର ନିର୍ଦ୍ଦେଶକ ବ୍ୟାଖ୍ୟା କରି କହିଥିଲେ । ଶ୍ୱାସକ୍ରିୟାରେ ଭୂତାଣୁ ଯୋଗୁଁ ସାଧାରଣତଃ ମହାମାରୀରେ ତରଙ୍ଗ ସୃଷ୍ଟି ହୁଏ; 1918 ସ୍ପାନିସ୍ ଫ୍ଲୁ, H1N1 (ସ୍ୱାଇନ) ଫ୍ଲୁ ଏହାର ଉଦାହରଣ ବୋଲି ଡକ୍ଟର ଗୁଲେରିଆ କହିଛନ୍ତି । 1918 ସ୍ପାନିସ୍ ଫ୍ଲୁର ଦ୍ୱିତୀୟ ତରଙ୍ଗ ସବୁଠାରୁ ବଡ ଥିଲା, ଏହା ପରେ ଏକ ଛୋଟ ତୃତୀୟ ତରଙ୍ଗ ଥିଲା।

ଆମେ ଯେପରି ଜାଣୁ, SARS-Cov-2 ହେଉଛି ଏକ ଶ୍ୱାସକ୍ରିୟା ଜନିତ ଭୂତାଣୁ।

୧.ସମ୍ଭାବ୍ୟ ସଂକ୍ରମିତ ଜନସଂଖ୍ୟା ଥିବାବେଳେ ଏକାଧିକ ତରଙ୍ଗ ହୁଏ।

ଯେତେବେଳେ ଜନସଂଖ୍ୟାର ଏକ ବଡ଼ ଅଂଶ ସଂକ୍ରମଣ ବିରୋଧରେ ରୋଗ ପ୍ରତିରୋଧକ ଶକ୍ତି ହାସଲ କରେ, ସେତେବେଳ ଭୂତାଣୁ ନିଷ୍କ୍ରିୟ ହୋଇଯାଏ ଏବଂ ସଂକ୍ରମଣ ଋତୁକାଳୀନ ହୋଇଯାଏ– ଏଚ୧ଏନ୧ (H1N1) ପରି ଯାହା ସାଧାରଣ ଭାବେ ମୌସୁମୀ କିମ୍ବା ଶୀତଋତୁ ସମୟରେ ବ୍ୟାପିଥାଏ। 

୨. ଭୂତାଣୁରେ ପରିବର୍ତ୍ତନ ହେତୁ ତରଙ୍ଗ ଆସିପାରେ (ଯେପରିକି ନୂତନ ପ୍ରକାରଭେଦ )

ଯେହେତୁ ନୂତନ ପରିବର୍ତ୍ତନ ଗୁଡିକ ଅଧିକ ସଂକ୍ରାମକ ହୋଇଯାଏ, ତେଣୁ ଭୂତାଣର ବ୍ୟାପକତା ନେଇ ଅଧିକ ସମ୍ଭାବନା ଥାଏ ।

୩.ତରଙ୍ଗ ପଛର ଗୋଟିଏ କାରଣ ହେଉଛି ମାନବୀୟ ଆଚରଣ 

ଡକ୍ଟର ଗୁଲେରିଆ ସତର୍କ କରାଇ ଦେଇ କହିଛନ୍ତି: “ଯେତେବେଳେ ମାମଲା ସଂଖ୍ୟା ବୃଦ୍ଧି ପାଇଥାଏ, ଲୋକଙ୍କ ଭିତରେ ଭୟ ଥାଏ ଏବଂ ମାନବୀୟ ଆଚରଣରେ ପରିବର୍ତ୍ତନ ଆସିଥାଏ। ଯଦି ଲୋକମାନେ କଡାକଡି ଭାବେ କୋଭିଡ ନିୟମ ଅନୁସରଣ କରନ୍ତି, ଉପଯୁକ୍ତ ଆଚରଣ ପ୍ରଦର୍ଶନ କରନ୍ତି ଏବଂ ଅଣ ଫାର୍ମାସ୍ୟୁଟିକାଲ୍ ହସ୍ତକ୍ଷେପ ଦ୍ୱାରା ସଂକ୍ରମଣର ଶୃଙ୍ଖଳା ଭାଙ୍ଗିବାରେ ସାହାଯ୍ୟ କରେ । କିନ୍ତୁ ଯେତେବେଳେ ପୁନଃ ଅନଲକ୍ ଆରମ୍ଭ ହୁଏ, ଲୋକମାନେ ଭାବନ୍ତି ଯେ ଅଧିକ ସଂକ୍ରମଣ ହେବ ନାହିଁ ଏବଂ କୋଭିଡ ଉପଯୁକ୍ତ ଆଚରଣ ଅନୁସରଣ କରନ୍ତି ନାହିଁ । ଏହି କାରଣରୁ, ଭୂତାଣୁ ପୁନର୍ବାର ସମୁଦାୟରେ ବ୍ୟାପିବା ଆରମ୍ଭ କରି ଅନ୍ୟ ଏକ ତରଙ୍ଗର ରୂପ ନେଇଯାଏ। ”

ଏମ୍ସ ନିର୍ଦ୍ଦେଶକ କହିଛନ୍ତି ଯେ ଯଦି ଆମକୁ ପରବର୍ତ୍ତୀ ତରଙ୍ଗ ବନ୍ଦ କରିବାକୁ ପଡିବ, ତେବେ ଆମକୁ ଆକ୍ରମଣାତ୍ମକ ଭାବରେ କୋଭିଡ ଉପଯୁକ୍ତ ଆଚରଣ ଅନୁସରଣ କରିବା ଆବଶ୍ୟକ, ଯେପର୍ଯ୍ୟନ୍ତ ଆମ ଜନସଂଖ୍ୟାର ବହୁ ସଂଖ୍ୟକ ଲୋକଙ୍କୁ ଟିକାକରଣ କରା ନଯାଇଛି କିମ୍ବା ପ୍ରାକୃତିକ ପ୍ରତିରୋଧକ ଶକ୍ତି ହାସଲ ନହୋଇଛି ସେ ପର୍ଯ୍ୟନ୍ତ ସତର୍କ ରହିବାକୁ ପଡିବ। “ଯେତେବେଳେ ପର୍ୟ୍ୟାପ୍ତ ଲୋକଙ୍କୁ ଟୀକାକରଣ କରାଯାଏ କିମ୍ବା ଯେତେବେଳେ ଆମେ ସଂକ୍ରମଣ ବିରୁଦ୍ଧରେ ପ୍ରାକୃତିକ ପ୍ରତିରୋଧ ଶକ୍ତି ହାସଲ କରିବୁ, ସେତେବେଳେ ଏହି ତରଙ୍ଗ ବନ୍ଦ ହୋଇଯିବ। ଏହାର ଏକମାତ୍ର ଉପାୟ ହେଉଛି କୋଭିଡ ଉପଯୁକ୍ତ ଆଚରଣକୁ କଡାକଡି ଭାବେ ଅନୁସରଣ କରିବା।”

****

AH