نئی دہلی:30مئی،2021۔بھارت میں فعال معا ملات کی تعداد میں لگاتار گراوٹ دیکھنے  کو مل رہی ہے۔ فعال معاملات میں ایک بار پھر کمی آئی۔  اس ضمن میں آج فعال معاملات 21,14,508 درج کیے گئے۔

پچھلے 24 گھنٹے میں فعال معاملات میں 1,14,216 کی کُل گراوٹ دیکھنے کو ملی اور ملک کے کُل پازیٹیو معاملوں کے مقابلے میں صرف 7.58 فیصد فعال معاملات ہیں۔

یومیہ نئے معاملوں میں لگاتار گراوٹ کے تحت ملک میں لگاتار تین دن دو لاکھ سے کم یومیہ معاملے درج کیے گئے۔ پچھلے 24 گھنٹے میں یومیہ 1,65,553 نئے معاملے درج کیے گئے۔

لگاتار 17ویں دن بھارت میں صحتیاب ہونے والے یومیہ مریضوں کی تعداد یومیہ نئے معاملوں کے مقابلے میں زیادہ رہیں۔ پچھلے 24 گھنٹے میں 2,76,309 افراد صحتیاب ہوئے۔

پچھلے 24 گھنٹے کے دوران یومیہ نئے معاملوں کے مقابلے  میں 1,10,756 زیادہ لوگ ٹھیک ہوئے۔

وبا کی شروعات کے بعد کُل متاثرہ افراد میں سے 2,54,54,320 لوگ کووڈ-19 سے ٹھیک ہوچکے ہیں اور پچھلے 24 گھنٹوں میں 2,76,309 لوگ ٹھیک ہوئے۔ یہ کُل 91.25 فیصد صحتیابی کی شرح کے برابر ہے۔

ملک میں پچھلے 24 گھنٹے کے دوران کُل 20,63,839ٹیسٹ کیے گئے  اور بھارت میں ابھی تک کُل 34.31 کروڑ جانچ کی جاچکی ہیں۔

اگرچہ ملک بھر میں جانچ کی تعداد بڑھ چکی ہے لیکن معاملوں کی ہفتہ واری پازیٹیویٹی شرح میں گراوٹ جاری ہے۔ ہفتہ واری پازیٹیویٹی کی شرح فی الحال 9.36فیصد کی سطح پر ہے۔ وہیں یومیہ پازیٹیویٹی کی شرح میں کمی آئی ہے اور یہ آج 8.02 فیصد رہی۔ یہ لگاتار چھٹے دن 10فیصد سے کم بنی ہوئی ہے۔

ملک گیر ٹیکہ کاری مہم کے تحت آج ملک میں لگائی گئی کووڈ-19 ویکسین خوراک کی کُل تعداد  21.20 کروڑ سے زیادہ ہوگئی۔

آج صبح 7 بجے تک درج اندازہ لگائے گئے اعداد وشمار کے تحت 30,07,831 سیشنوں کے ذریعے ویکسین کی کُل 21,20,66,614 خوراک دی جاچکی ہے۔ پچھلے 24 گھنٹوں میں ویکسین کی 30.35 لاکھ سے زیادہ(30,35,749) خوراک دی گئی ہیں۔

اس کی تفصیل درج ذیل ہے:

ش ح۔م ع۔ ع ن

U NO:4983