नवी दिल्ली/मुंबई 21 मे 2021

 

 

Nationwide Cumulative Vaccination Coverage exceeds 19 Crore India Conducts Highest ever 20.61 Lakh Tests in the last 24 hours; Sets Another New Record Daily Positivity Rate Declines to 12.59% PM interacts with doctors and officials of Varanasi Countrywide “AYUSH COVID -19 Counselling Helpline” is now operational

 

#Unite2FightCorona

#IndiaFightsCorona

 

PRESS INFORMATION BUREAU

MINISTRY OF INFORMATION AND BROADCASTING

GOVERNMENT OF INDIA

 

 

 

आरोग्य मंत्रालयाची कोविड-19 शी संबंधित घडामोडींवरील माहिती

देशव्यापी लसीकरण अभियानाअंतर्गत भारताने लसीच्या 19 कोटीपेक्षा जास्त (19,18,79,503) मात्रा देत लसीकरण अभियानामध्ये आज नवा टप्पा गाठला आहे.

आज सकाळी 7 वाजेपर्यंत प्राप्त अहवालानुसार एकूण 27,53,883 सत्रांद्वारे 19,18,79,503 मात्रा देण्यात आल्या आहेत.

यामध्ये 97,24,339 आरोग्य कर्मचारी (पहिली मात्रा ), 66,80,968 आरोग्य कर्मचारी (दुसरी मात्रा ), 1,47,91,600 फ्रंट लाईन कर्मचारी (पहिली मात्रा), 82,85,253 फ्रंट लाईन कर्मचारी (दुसरी मात्रा), 18-44 वयोगटामधले 86,04,498 लाभार्थी (पहिली मात्रा) 45 ते 60 वयोगटातल्या 5,98,35,256 (पहिली मात्रा ), आणि 95,80,860 लाभार्थी (दुसरी मात्रा) 60 वर्षावरील 5,62,45,627 लाभार्थी (पहिली मात्रा ), 1,81,31,102  (दुसरी मात्रा)यांचा समावेश आहे.

देशात आतापर्यंत देण्यात आलेल्या एकूण मात्रांपैकी 66.32% मात्रा दहा राज्यात देण्यात आल्या आहेत.

गेल्या 24 तासात 20.61 लाखापेक्षा जास्त चाचण्या करत भारताने एका दिवसात सर्वाधिक चाचण्या करण्याचा नवा विक्रम केला आहे.

दैनंदिन पॉझीटीव्हिटी दरात 12.59% पर्यंत घट झाली आहे.

भारतात सलग आठव्या दिवशी दैनंदिन रुग्णांपेक्षा बरे होणाऱ्यांची संख्या जास्त आहे. गेल्या 24 तासात 3,57,295 रुग्ण कोरोनातून बरे झाले.

बरे झालेल्यांची एकूण संख्या आज 2,27,12,735 झाली. रुग्ण बरे होण्याचा राष्ट्रीय दर वाढून 87.25% झाला आहे.

नुकत्याच बरे झालेल्यांपैकी 74.55%  हे दहा राज्यातले आहेत.

आणखी एका सकारात्मक घडामोडीत सलग पाचव्या दिवशी दैनंदिन रुग्णांची संख्या 3 लाखापेक्षा कमी नोंदवली गेली.

गेल्या 24 तासात 2,59,551 नव्या रुग्णांची नोंद झाली.

नव्या रुग्णांपैकी 76.66% रुग्ण, दहा राज्यांमध्ये आहेत.

तामिळनाडूत सर्वात जास्त म्हणजे 35,579 नव्या दैनंदिन रुग्णांची नोंद झाली. त्यानंतर केरळमध्ये 30,491 नव्या रुग्णांची नोंद झाली.

भारतातली एकूण उपचाराधीन रुग्ण संख्या आज 30,27,925 पर्यंत घटली आहे.

गेल्या 24 तासात  उपचाराधीन रुग्ण संख्येत 1,01,953 ची घट झाली आहे.

देशातल्या उपचाराधीन रुग्णांपैकी 69.47% रुग्ण 8  राज्यात आहेत.

 

इतर अपडेटस्

• देशव्यापी लसीकरण अभियानाअंतर्गत भारताने लसींच्या 19 कोटीपेक्षा जास्त (19,18,79,503) मात्रा देत लसीकरण अभियानामध्ये आज नवा टप्पा गाठला आहे. आज सकाळी 7 वाजेपर्यंत प्राप्त अहवालानुसार एकूण 27,53,883 सत्रांद्वारे 19,18,79,503 मात्रा देण्यात आल्या आहेत. यामध्ये 97,24,339 आरोग्य कर्मचारी (पहिली मात्रा), 66,80,968 आरोग्य कर्मचारी (दुसरी मात्रा ), 1,47,91,600 फ्रंट लाईन कर्मचारी (पहिली मात्रा), 82,85,253 फ्रंट लाईन कर्मचारी (दुसरी मात्रा), 18-44 वयोगटामधले 86,04,498 लाभार्थी (पहिली मात्रा) 45 ते 60 वयोगटातल्या 5,98,35,256 (पहिली मात्रा), आणि 95,80,860 लाभार्थी (दुसरी मात्रा) 60 वर्षावरील 5,62,45,627 लाभार्थी (पहिली मात्रा ), 1,81,31,102 (दुसरी मात्रा) यांचा समावेश आहे.
• पंतप्रधान नरेंद्र मोदी यांनी आज वाराणसीच्या डॉक्टर आणि अधिकाऱ्यांशी दुरदृष्य प्रणालीद्वारे संवाद साधला. या संवादादरम्यान डॉक्टर आणि अधिकाऱ्यांनी, निरंतर आणि सक्रीय नेतृत्वाबद्दल पंतप्रधानांचे आभार मानले. यामुळे आरोग्य पायाभूतसुविधा उंचावण्यासाठी आणि आवश्यक औषधे आणि व्हेंटीलेटर, ऑक्सिजन कॉन्सट्रेटर यासारख्या महत्वाच्या उपकरणांचा पुरेसा पुरवठा राखण्यासाठी मदत झाल्याची भावना त्यांनी व्यक्त केली. कोविडचा प्रसार रोखण्यासाठीचे गेल्या एक महिन्यातले प्रयत्न, लसीकरणाची स्थिती आणि भविष्यातली आव्हाने पेलण्यासाठी जिल्हा सज्ज राखण्याकरिता उचलण्यात आलेली पावले आणि नियोजन याबाबत पंतप्रधानांना यावेळी माहिती देण्यात आली. म्युकर मायकोसीसच्या धोक्याबाबत आपण दक्ष आहोत, या आजाराच्या व्यवस्थापनासाठी आधीच पावले उचलली असून सुविधा निर्माण केल्याचे डॉक्टरांनी सांगितले.
• केंद्र सरकार राज्य सरकार आणि केंद्रशासित प्रदेशांना “संपूर्ण सरकार” दृष्टिकोनासह कोविड 19 व्यवस्थापनासाठी औषधे आणि निदान सामुग्रीची खरेदी करण्यात मदत करत आहे. एप्रिल 2020 पासून विविध औषधे, वैद्यकीय उपकरणे, पीपीई किट, मास्क इत्यादींची पुरेशी उपलब्धता सुनिश्चित करण्यासाठी राज्य सरकार आणि केंद्रशासित प्रदेशांना केंद्र सरकारकडून सक्रिय सहाय्य मिळत आहे. अलिकडच्या काळात अनेक राज्ये आणि केंद्रशासित प्रदेशांनी काळी बुरशी म्हणून ओळखल्या जाणाऱ्या म्यूकरमायकोसिस रोगाने बाधित कोविड रूग्णांची संख्या वाढत असल्याचे नमूद केले आहे. काळी बुरशी रोगाच्या उपचारासाठी वापरल्या जाणार्‍या अँफोटेरिसिन-बी या बुरशी रोधक औषधांचीही टंचाई असल्याचे वृत्त आहे.
• गेल्या काही दिवसात काही राज्ये आणि केंद्रशासित प्रदेशांनी काळी बुरशी म्हणून ओळखल्या जाणाऱ्या म्युकर मायकोसीस या रोगाच्या रुग्णांची संख्या वाढत असल्याचे कळवले आहे. कोविड रुग्णांच्या सध्याच्या वाढत्या संख्येच्या पार्श्वभूमीवर हे दुय्यम बुरशीजन्य वाढते संसर्ग आणि म्युकर मायकोसीस हे चिंतेचे कारण ठरत असल्याची दखल घेत केंद्रीय आरोग्य मंत्रालयाने, सर्व राज्ये/ केंद्रशासित प्रदेशांना, संसर्ग रोखण्यासाठी आणि नियंत्रणात आणण्यासाठी त्याचबरोबर रुग्णालयातल्या स्वच्छता विषयक सज्जतेचा आढावा घेण्याच्या सूचना केल्या आहेत.
• सर्व अडथळ्यांवर मात करून आणि नवीन उपाय शोधून भारतीय रेल्वे द्रवरूप वैद्यकीय ऑक्सिजन (एलएमओ) देशभरातील विविध राज्यात पोहचवून दिलासा देण्याचा प्रयत्न करत आहे. आतापर्यंत, भारतीय रेल्वेने देशातील विविध राज्यांमध्ये 814 पेक्षा जास्त टँकरद्वारे सुमारे 13319 मेट्रिक टन एलएमओ वितरीत केला आहे. हे नमूद करण्यात येते की 208 ऑक्सिजन एक्सप्रेसने आतापर्यंत आपला प्रवास पूर्ण केला आहे आणि विविध राज्यांना दिलासा दिला आहे. आणखी 13 ऑक्सिजन एक्प्रेस 1018 मे.टन पेक्षा जास्त एलएमओसह धावत आहेत. ऑक्सिजन एक्सप्रेस गेल्या काही दिवसांपासून दररोज सुमारे 800 मे.टन एलएमओ देशभरात पोहचवत आहेत.
• संरक्षण शरीर विज्ञान आणि उपयोजित विज्ञान संस्था, संरक्षण संशोधन व विकास संस्था अंतर्गत संरक्षण संशोधन प्रयोगशाळा यांनी कोविड -19 च्या अँटिबॉडी अर्थात प्रतिपिंडाचे अस्तित्व शोधण्यावर आधारित DOPCOVAN हा कोविड निदान परीक्षण संच तसेच DIPAS-VDx कोविड-19 IgG प्रतिपिंड मायक्रोवेव्ह एलायझा परीक्षा संच हे सिरो सर्वेक्षणासाठी उपयुक्त ठरणारे निदान परीक्षण संच तयार केले आहेत. DIPCOVAN संच SARS-CoV-2 विषाणूंचा स्पाईक तसेच न्यूक्लिओकॅप्सिडचा (S&N) 97 टक्के एवढ्या उच्च प्रमाणात व 99 टक्के एवढ्या अचूकपणे वेध घेऊ शकतो. नवी दिल्लीतील वॅनगार्ड डायग्नोस्टिक प्रायव्हेट लिमिटेड या निदान क्षेत्रातील विकास आणि उत्पादक कंपनीच्या सहकार्याने हे संच विकसित करण्यात आले आहेत.
• 15,567 ऑक्सिजन कॉन्सन्ट्रेटर्स; 15,801 ऑक्सिजन सिलिंडर्स; 19 ऑक्सिजन निर्मिती संयंत्रे; 10,950 व्हेंटिलेटर्स/बीआय पीएपी, सुमारे 6.6 लाख रेमडिसीवीरच्या कुप्या आतापर्यंत राज्ये आणि केंद्रशासित प्रदेशांना वितरित/पाठवण्यात आल्या आहेत. कोविड विरोधातील भारत सरकारच्या लढ्यासाठी 27 एप्रिल 2021 पासून विविध देश व संस्थांकडून वैद्यकीय सामुग्री व उपकरणांच्या स्वरूपात मदत मिळत आहे. ही मदत तातडीने राज्ये आणि केंद्रशासित प्रदेशांना वितरित/ पाठवली जात आहे.
• कोविड-19 मुळे निर्माण झालेल्या आव्हानांवर आयुष आधारित दृष्टीकोन आणि उपाय सुचवणारी समर्पित सामुदायिक सहाय्यता हेल्पलाईन केंद्रीय आयुष मंत्रालयाने कार्यान्वित केली आहे. 14443 असा या हेल्पलाईनचा क्रमांक आहे. संपूर्ण देशभरात आठवड्यातले सातही दिवस सकाळी 6 ते रात्री 12 वाजेपर्यंत ही हेल्पलाईन सुरु राहील. 14443 या हेल्पलाईनद्वारे आयुष म्हणजेच आयुर्वेद, होमिओपॅथी, योग, निसर्गोपचार, युनानी आणि सिद्ध या विविध उपचार पद्धतीमधले तज्ञ, जनतेचे प्रश्न आणि शंकांचे समाधान करतील. हे तज्ञ मार्गदर्शन आणि उपचार सुचवण्याबरोबरच जवळच्या आयुष सुविधाबाबतही मार्गदर्शन करणार आहेत.
• केंद्र सरकार, समाजातल्या महिला, बालके, ज्येष्ठ नागरिक, आणि अनुसूचित जाती, अनुसूचित जमाती यासह दुर्बल घटकाविरोधातले गुन्हे रोखण्यासाठी आणि मानवी तस्करी रोखण्यासाठी संस्थात्मक यंत्रणेला सर्वाधिक प्राधान्य देत आहे. कोविड -19 ची दुसरी लाट लक्षात घेऊन केंद्रीय गृह मंत्रालयाने पुन्हा एकदा राज्ये/ केंद्रशासित प्रदेशांना, समाजातील असुरक्षित/ दुर्बल गटांवर विशेष करून कोविड-19 मध्ये पालक गमावल्याने अनाथ झालेल्या बालकांवर विशेष लक्ष पुरवावे असे सांगितले आहे. हा वर्ग विशेषकरून कोविड-19 मध्ये पालक गमावल्याने अनाथ झालेली मुले, जेष्ठ नागरिक, ज्यांना वेळेवर मदत आणि सहाय्याची ( वैद्यकीय आणि सुरक्षितता) आवश्यकता आहे आणि अनुसूचित जाती, अनुसूचित जमातीचे सदस्य ज्यांना सरकारी सहाय्य सुविधाचा लाभ घेण्यासाठी मार्गदर्शनाची आवश्यकता आहे अशासाठीच्या सध्याच्या सुविधांचा तातडीने आढावा घेण्याच्या सूचना केंद्रित गृह मंत्रालयाने, राज्ये आणि केंद्र शासित प्रदेशांना केल्या आहेत.
• देशातल्या कोरोनाच्या दुसऱ्या लाटेचा, कोविड- 2.0 चा मुकाबला करण्यासाठी स्टार्ट अप आधारित उपाययोजनांना त्वरेने प्रतिसाद देत सहाय्य करण्यासाठी, भारतीय स्टार्ट अप्स आणि कंपन्यांकडून,कोरोनाशी लढा देणारे नवे तंत्रज्ञान आणि कल्पक उत्पादने विकसित करण्यासाठी अर्ज मागवण्यात आले आहेत. कोविडच्या दुसऱ्या लाटेसाठी निधी, NIDHI4COVID 2.0 या नव्या उपक्रमा अंतर्गत कंपन्या अर्ज करू शकतात आणि ऑक्सिजन संदर्भात कल्पक उपाययोजना,किंवा सहज ने- आण करता येणारा पर्याय, इतर वैद्यकीय साधन सामग्री, निदानात्मक, माहितीविषयक किंवा कोविड-19 मुळे देशाला सामोरे जाव्या लागणाऱ्या विविध आव्हानांना तोंड देण्यासाठी इतर कोणताही आश्वासक तोडगा देणाऱ्या आणि भारतात नोंदणी झालेल्या पात्र कंपनी आणि स्टार्ट अप्सला या अंतर्गत निधी पुरवण्यात येईल.

महाराष्ट्र अपडेट्स :-

महाराष्ट्रात मुंबई महानगरपालिकेने गुरुवारी मुंबई उपनगरात कांदिवली परिसरातील लसीकरण केंद्रात आणखी एक लसीकरण मोहीम सुरु केली.  दरम्यान, राज्य सरकारच्या ताज्या मार्गदर्शक सूचनांमध्ये, म्युकरमायकोसिसच्या अनुषंगाने, रुग्णालयात दाखल कोविड -19 रुग्णांची घरी सोडण्यापूर्वी किंवा सोडल्यानंतर तातडीने मोठ्या प्रमाणात तपासणी करण्यात यावी, असा सल्ला देण्यात आला आहे. यामध्ये स्टेरॉईड, ऑक्सिजन थेरपी घेतलेल्या आणि रुग्णालयाच्या अतिदक्षता विभाग (आयसीयू) मध्ये उपचार सात दिवस घेतलेल्या रुग्णांचा यात समावेश करण्यात आला आहे.

 

गोवा अपडेट्‌स:-

गोवा सरकारने आज राज्यव्यापी संचारबंदी 31मे पर्यंत वाढवली. राज्यातील वाढते कोविड रुग्ण आणि कोविडशी निगडित मत्यू याचा विचार करता,  राज्य सरकारने 10 मे ते 23 मे या कालावधीत 15 दिवसांची राज्यव्यापी संचारबंदी लागू केली होती. संचारबंदीच्या कालावधीत सर्व आवश्यक वस्तूंची दुकाने  सकाळी 7 ते दुपारी 1 या वेळेत खुली असतील. राज्यात अपेक्षित कोविडच्या तिसर्‍या लाटेच्या अनुषंगाने तयारी करण्यासाठी गोवा सरकारने आज एका कृती दलाची स्थापना केली. मुख्यमंत्र्यांच्या अध्यक्षतेखाली असलेल्या या 15 सदस्यांच्या कृती दलामध्ये डॉक्टरांसह 15 सदस्य असतील.

PIB FACT CHCEK

 

***

M.Chopade/S.ChavanP.Kor

*** 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1720756) Visitor Counter : 161