• ملک بھر میں مجموعی ٹیکہ کاری کوریج 19 کروڑ سے متجاوز
• بھارت نے گزشتہ 24 گھنٹے میں اب تک کا سب سے زیادہ 20.61 لاکھ ٹیسٹ کئے۔ بھارت نے ایک اور نیا ریکارڈ قائم کیا
• جانچ کے بعد متاثر پائے جانے والے افراد کییومیہ شرح کم ہوکر 12.59 فیصد  ہو گئی
• وزیر اعظم نے وارانسی کے ڈاکٹروں اور عہدیداروں سے بات چیت کی
• ملک گیر "آیوش کووڈ۔19 کاؤنسلنگ ہیلپ لائن" اب کام کر رہی ہے

#Unite2FightCorona

#IndiaFightsCorona

پریس انفارمیشن بیورو

اطلاعات و نشریات کی وزارت

حکومت ہند

ملک بھر میں کووڈ-19 کے ٹیکے کی اب تک 19 کروڑ سے زیادہ خوراک دی گئی

•  ہندوستان میں پچھلے 24 گھنٹے میں اب تک سب سےزیادہ 20.61 لاکھ جانچ ہوئی، نیاریکارڈ بنا
• یومیہ پازیٹیویٹی ریٹ کم ہوکر 12.59 فیصد ہوا
• لگاتار آٹھویں دین کووڈ-19 سے صحتیاب ہونےوالوں کی تعداد انفیکشن کےنئے معاملوں سے زیادہ رہی
• لگاتار پانچ دنوں سے کووڈ-19 کے یومیہ معاملوں کی تعداد تین لاکھ سے کم رہی۔

مزید معلومات کیلئے: https://pib.gov.in/PressReleasePage.aspx?PRID=1720574

وزیراعظم نے وارانسی کے ڈاکٹروں اور عہدیداروں سے بات چیت کی، کووڈ بندوبست میں نیا منتر ’جہاں بیمار وہاں اُپچار‘  دیا

وزیراعظم جناب نریندر مودی نے ویڈیو کانفرنس کے ذریعے وارانسی کےڈاکٹروں اور عہدیداروں سے بات چیت کی۔ بات چیت کے دوران ورانسی سے ڈاکٹروں اور عہدیداروں نے وزیراعظم کی مستقل اور فعال قیادت کیلئے ان کا شکریہ ادا کیا، جس سے صحت کے بنیادی ڈھانچے میں اضافہ کرنے اور ضروری دواؤں، وینٹلیٹر اور آکسیجن کنسنٹریٹر کی سپلائی کو یقینی بنانے میں مددملی۔ کووڈ کو کنٹرول کرنے کیلئے پچھلے ایک مہینے میں کی گئی کوششوں ، ٹیکہ کاری کی صورتحال اور مستقبل کے چیلنجوں سے نمٹنے کی تیاریوں کی جانکاری وزیراعظم کو دی گئی۔ ڈاکٹروں نے وزیراعظم کو یہ بھی بتایا کہ وہ میکورمائیکوسس کے  خطرے کو لیکر چوکس ہیں اور ان کی طرف سے اقدامات کیے گئے ہیں اور سہولوں کو مرض کے بندوبست کیلئے تیار کیا گیا ہے۔

وزیراعظم نے کووڈ سے لڑنے والے کارکنان کی مسلسل تربیت کی اہمیت پر زور دیا اور عہدیداروں و ڈاکٹروں کو بالخصوص دیہی علاقوں میں کام کررہے نیم طبی عملے اورڈاکٹروں کیلئے ٹریننگ سیشن ویبینار منعقد کرنے کی صلاح دی۔ انہوں نے عہدیداروں سے ضلع میں ٹیکے کی بربادی کو کم کرنے کی سمت میں کام کرنے کیلئے بھی کہا۔

مزید معلومات کیلئے: https://pib.gov.in/PressReleasePage.aspx?PRID=1720628

حکومت ہند  بلیک فنگس بیماری کے علاج کیلئے فنگل مزاحم دوا امفوٹیریسن –بی کی سپلائی اور دستیابی بڑھانے کیلئے سرگرم طریقے سے ہر ممکن کوشش کررہی ہے، ملک میں پانچ اضافی مینوفیکچررس کو اس کی پیداوار کیلئے لائسنس دیا گیا ہے، موجودہ پانچ مینوفیکچررس کے ذریعے پیداوار میں مناسب بڑھوتری کی جارہی ہے

مرکزی وزارت صحت  دواسازی کے محکمے اور اُمور خارجہ کی وزارت کے ساتھ ایمفوٹیریسن-بی دوا کے گھریلو سطح پر پیداوار میں قابل ذکر اضافہ کیلئے سرگرمی کے ساتھ  کوشش کررہی ہے۔مرکزی حکومت نے عالمی مینوفیکچررس سے سپلائی یقینی بناکر گھریلو دستیابی کوپورا کرنے کیلئے مؤثر کوشش کی ہے۔

مزید معلومات کیلئے:https://pib.gov.in/PressReleasePage.aspx?PRID=1720639

ریاستوں سے بلیک فنگس کی رپورٹ آنے کے پس منظر میں حکومت ہند نے ریاستوں/ مرکزکے زیرانتظام علاقوں کو خط لکھا

حالیہ دنوں میں کچھ ریاستوں اور مرکز کے زیرانتظام علاقوں نے  میکومائکوسس سے متاثرہ ہونے والے مریضوں کی تعداد بڑھنے کی اطلاع دی ہے جو بلیک فنگس کے نام سے جاناجاتا ہے۔ دوسری بار اور بار بار ہونے والے انفیکشن جو کووڈمعاملوں میں موجودہ اچھال کے سبب بڑھ رہے ہیں اور میکومائیکوسس تشویش کی ایک وجہ بنتی جارہی ہے،کو ذہن میں رکھتے ہوئے مرکزی وزارت صحت نے سبھی ریاستوں/ مرکز کے زیرانتظام علاقوں کو انفیکشن کی روک تھام اور کنٹرول کیلئے اپنی تیاریوں کے ساتھ ساتھ اسپتالوں میں صفائی ستھرائی کاجائزہ لینے کی صلاح دی ہے۔

مزید معلومات کیلئے: https://pib.gov.in/PressReleasePage.aspx?PRID=1720803

آکسیجن ایکسپریس  سے آکسیجن کی یومیہ سپلائی 1118 میٹرک ٹن کی سطح پر پہنچی

انڈین ریلوےملک کے مختلف ریاستوں کی مانگ پر رقیق طبی آکسیجن کی سپلائی کی اپنی مہم میں لگاتار مصروف ہے۔ انڈین ریلوے اب تک  ملک کی مختلف ریاستوں کو 814 ٹینکروں میں لگ بھگ 13319میٹرک ٹن رقیق طبی آکسیجن کی سپلائی کرچکی ہے۔ اس مہم کے تحت اب 208 آکسیجن ایکسپریس نے اپنا سفر مکمل کیا ہے اور مختلف ریاستوں کو راحت پہنچائی ہے۔

مزید معلومات کیلئے: https://pib.gov.in/PressReleasePage.aspx?PRID=1720620

ڈی آر ڈی او نے کووڈ-19 اینٹی باڈی کی پہچان کرنے والی کٹ تیار کی

دفاعی تحقیق وترقی کی تنظیم (ڈی آر ڈی او) کی لیباریٹری ڈیفنس انسٹی ٹیوٹ آف فیزیولوجی اینڈ الائڈ سائنسز (ڈی آئی پی اے ایس) نے سیرو- سرویلانس کیلئے اینٹی باڈی کی شناخت پر مبنی کٹ ’ڈپکو وین، ڈیپاس- وی ڈی ایکس  کووڈ-19 آئی جی جی اینٹی باڈی مائیکروویو الیسا تیار کیاہے۔ ڈپکووین کٹ 97 فیصد اعلیٰ ترین حساسیت اور 99فیصد مہارت کے ساتھ سارس سی او وی-2وائرس کے اسپائک کے  ساتھ ساتھ نیوکلیوکیپسڈ (ایس اینڈ این ) پروٹین دونوں کا پتہ لگا سکتی ہے۔ کٹ کو نئی دہلی میں واقع کمپنی  وین گارڈ ڈائیگنوسٹکس پرائیویٹ لمیٹیڈ  کے اشتراک  سے تیار کیا گیا ہے۔

مزید معلومات کیلئے: https://pib.gov.in/PressReleasePage.aspx?PRID=1720651

کووڈ راحت امداد سے وابستہ تازہ ترین جانکاری

حکومت ہند کو 27 اپریل 2021 سے مختلف ملکوں / تنظیموں سے کووڈ-19 راحت طبی سپلائی  اورآلات کا بین الاقوامی تعاون مل رہا ہے۔ انہیں  ریاستوں/ مرکزکے زیرانتظام علاقوں کو فوراً پہنچایا / روانہ کیا جارہا ہے۔

27اپریل 2021 سے 20 مئی2021 کے دوران کُل 15567 آکسیجن کنسنٹریٹر ، 15801 آکسیجن سیلنڈر، 19آکسیجن جنریشن پلانٹ، 10950 وینٹی لیٹر/ بائی پی اے پی اور ریمڈیسیور کی 6.6 لاکھ شیشیاں سڑک اور ہوائی جہاز سے پہنچائی یا روانہ کی گئی ہے۔

پچھلے 20/19 مئی کو ویلس (برطانیہ)، قطر، اونٹاریو (کناڈا)، یو اے ای، اسپین، یوایس آئی ایس پی ایف، گلیڈ، ایلی ویلی، انڈین ڈینش چیمبر آف کامرس(ڈنمارک) سے اہم کھیپ  موصول  ہوئی ۔

مزید معلومات کیلئے: https://pib.gov.in/PressReleasePage.aspx?PRID=1720645

ملک گیر ’’آیوش کووڈ-19 کاؤنسلنگ ہیلپ لائن ‘‘کی شروعات

اس کاٹول فری نمبر 14443 ہے۔ یہ ہیلپ لائن  پورے ملک میں شروع ہوگئی ہے اور یہ  ہفتے کے ساتوں دن صبح چھ بجے سے  نصف شب 12 بجے تک کھلی رہے گی۔ ہیلپ لائن 14443کے ذریعے آیوش کی مختلف اقسام، مثلاً  آْیورویڈ ، ہومیو پیتھی، یوگا، قدرتی طریقہ علاج، یونانی اور سدھا کےماہرین، لوگوں کے مسائل حل کرنے کیلئے دستیاب رہیں گے۔ یہ ماہرین صرف مریضوں کو صلاح یا مفید علاج ہی نہیں بتائیں گے بلکہ انہیں نزدیکی آیوش مراکز کی جانکاری بھی دیں گے۔

مزید معلومات کیلئے: https://pib.gov.in/PressReleasePage.aspx?PRID=1720534

اُمور داخلہ کی وزارت (ایم ایچ اے) نے کووڈ-19 کی دوسری لہر کو ذہن میں رکھتے ہوئے کمزور طبقات کیلئے موجودہ سہولتوں کاجائزہ لینے کیلئے ریاستوں / مرکز کے زیرانتظام علاقوں کو ایڈوائزری جاری کی

حکومت خواتین، بچوں، بزرگ شہریوں اور درج فہرست ذاتوں، درج فہرست قبائل سمیت سماج کے کمزور طبقات کے لوگوں کے خلاف ہونے والے مظالم پر روک لگانے اوران کامقابلہ کرنے کے ساتھ ساتھ انسانی اسمگلنگ کی روک تھام اور اس سے نمٹنےکیلئے ادارہ جاری انتظامات کے قیام کو اعلیٰ ترجیح دے رہی ہے۔

خاص طور سے کمزور طبقات کے لوگوں پر کووڈ-19 وبا کی دوسری لہر کے اثرات کو ذہن میں رکھتے ہوئے وزارت داخلہ نے دوبارہ سبھی ریاستوں/ مرکزکے زیرانتظام علاقوں سے کمزور طبقات، خاص طور سے ان بچوں جو کووڈ -19کے سبب اپنے والدین کوکھونے کے سبب یتیم ہوگئے ہیں ،پر ذہن مرکوز کرنے کی بات دوہرائی ہے۔ وزارت داخلہ نے ریاستوں /مرکزکے زیر انتظام علاقوں سے کمزور طبقات بالخصوص یتیم بچوں ،بزرگ شہریوں جنہیں وقت پر تعاون اور سہارے کی ضرورت پڑسکتی ہے۔ علاج کے ساتھ ساتھ حفاظت اور تحفظ  اور  درج فہرست ذاتوں/ درج فہرست قبائل کے اراکین جنہیں سرکاری امدادی سہولتوں تک پہنچنے کیلئے رہنمائی کی ضرورت ہوسکتی ہے، کے لئے دستیاب موجودہ  سہولتوں کافوری جائزہ لینےکیلئے کہا ہے۔

مزید معلومات کیلئے: https://pib.gov.in/PressReleasePage.aspx?PRID=1720595

سائنس اورٹیکنالوجی کے محکمے (ڈی ایس ٹی) نے کووڈ کی دوسری  لہر کا سامنا کرنے کیلئے نئی ٹیکنالوجیز اور اختراعی پروڈکٹ کی ترقی کیلئے اسٹارٹ اپس اور کمپنیوں نے درخواستیں طلب کیں:

ملک میں کووڈ  کی موجودہ چیلنج سے بھرپور دوسری لہر سے نمٹنے کیلئے اسٹارٹ اپ پر مبنی حل کو تعاون دینے کے عمل کے طور پر ہندوستانی اسٹارٹ اپس اور کمپنیوں سے نئی ٹیکنالوجیز اور اختراعی پروڈکٹس کی ترقی کیلئے درخواستیں طلب کی گئی ہیں تاکہ ملک کو اس بحران کا سامنا کرنےکیلئے اہل بنایا جاسکے۔

ندھی4 کووڈ 2.0 ایک  نئی پہل ہے،جس کے تحت کمپنیاں درخواست دے سکتی ہیں۔ اس کے ذریعے بھارت میں رجسٹرڈ ان اہل اسٹارٹ اپ اورکمپنیوں کو جوآکسیجن انّوویشن، کہیں بھی لگانے میں آسان آلات، ضروری میڈیکل معاو ن اشیاء، کلینیکل وسائل، انفارمیٹکس یا دیگر کوئی حل جوکووڈ-19 کے گہرے اثر کی وجہ سے ملک/ سماج کے سامنے آنے والے مختلف چیلنجوں کو دور کرنے / گھٹانے کا حل مہیا کراتے ہوں، مالی مدد دی جائے گی۔

مزید معلومات کیلئے: https://pib.gov.in/PressReleasePage.aspx?PRID=1720528

پی آئی بی کے فیلڈ دفاتر سے موصولہ جانکاریاں

مہاراشٹر: مہاراشٹر میں برہن ممبئی میونسپل کارپوریشن  نے جمعرات کو ممبئی کے  مضافاتی کاندیویلی علاقے میں ٹیکہ کاری مرکز میں ایک اور ابھیان کو بڑھایا۔ اس دوران، ریاستی حکومت کے نئے رہنماخطوط کے تحت اسپتال میں بھرتی کووڈ-19 مریضوں کی ایک بڑی تعداد کو انہیں ڈسچارج کرنے سے ٹھیک پہلے یا بعد میں میکومائیکوسس کے لئے جانچ کرنے کی صلاح دی گئی ہے۔ ان میں وہ مریض شامل ہیں ،جن کااسٹرائیڈ ، آکسیجن تھراپی اور انتہائی نگہداشت والی یونٹ (آئی سی یو) کے ذریعے علاج ہوا ہے اورانہیں اسپتالوں میں سات دن سےزیادہ وقت تک قیام کرنا پڑاہے۔

گجرات:گجرات سرکار نے میکومائیکوسس بیماری کو وبا قرار دیا ہے۔ میکومائیکوسس مرض، جسے بلیک فنگس کے طور پر بھی جاناجاتا ہے، کووبائی امراض ایکٹ 1897کے تحت ایک وبا قرار دیا گیا ہے۔ گجرات میں جمعرات کو کووڈ-19 کے 4773 نئے معاملے سامنے آئے۔ ریاست کے محکمہ صحت کے مطابق پچھلے 24گھنٹے میں 8308مریض شفایاب ہوئے اور انہیں اسپتالوں سے چھٹی دے دی گئی۔ گجرات میں اب تک 677798 مریض کووڈ-19 سے صحتیاب ہوچکے ہیں۔ صحتیابی کی شرح میں بہتری آئی ہے اور یہ 87.32 فیصد تک پہنچ گئی ہے۔

راجستھان: راجستھان میں لگاتار 11 دن کے اضافے کے بعد ہفتہ واری پازیٹیوٹی ریٹ کم ہوا ہے۔ پازیٹیوٹی شرح جو 13-7 مئی کے دوران 23 فیصد تھی، اب 19 پر آ گئی ہے۔ راجستھان میں جمعرات کو کووڈ۔19 سے متعلق 127 اموات اور 7,680 نئے کیسز ریکارڈ کیے گئے، جس میں مرنے والوں کی کل تعداد 7,346 اور متاثرہ مریضوں کی کل تعداد 8,97,193 ہوگئی۔ انفیکشن کے نئے کیسوں میں جے پور میں سب سے زیادہ1,517 معاملات سامنے آئے، جبکہ جودھ پور میں 601 اور کوٹہ میں 427 ٹیسٹ مثبت آئے۔ اب تک ریاست میں مجموعی طور پر 7,45,873 افراد اس بیماری سے صحتیاب ہو چکے ہیں۔ اس وقت ریاست میں فعال معاملات کی تعداد 1,43,974 ہے۔

مدھیہ پردیش: مدھیہ پردیش میں ریاستی حکومت دوسری لہر کے دوران کووڈ-19 کی وجہ سے اپنی جان سے ہاتھ دھو بیٹھنے والے خاندانوں کو ایک لاکھ روپے معاوضہ دے گی۔ دریں اثنا کووڈ پازیٹیوٹی ریٹ 6.3 فیصد پر آ گیا ہے۔ ریاست کا انفیکشن کے معاملے میں ملک میں 16واں نمبر ہے۔ ریاست میں فعال معاملات کی تعداد 72,725 ہے۔ روزانہ 70 ہزار سے زیادہ ٹیسٹ کئے جارہے ہیں۔

چھتیس گڑھ: چھتیس گڑھ میں اب دیگر ریاستوں سے آنے والے ہوائی مسافروں کو بورڈنگ کے وقت آر ٹی پی سی آر ٹیسٹ کی منفی رپورٹ دکھانا لازم نہیں ہوگا۔ ریاست کے تمام ضلعی اسپتالوں میں کووڈ کے بعد کی او پی ڈی خدمات شروع کی جائیں گی۔ چھتیس گڑھ کے ریاستی محکمہ صحت نے تمام ضلعی مجسٹریٹوں سے کہا ہے کہ وہ ان او پی ڈیز میں ادویات، چشموں اور فزیوتھیراپی کے ماہرین کی دستیابی کو یقینی بنائیں۔ ضلع اسپتالوں کو یہ بھی ہدایت کی گئی ہے کہ وہ ذہنی صحت کے مسائل جیسے ذہنی دباؤ، بےچینی، ہفتے میں تین دن سونے کے قابل نہ ہونے جیسے مشورے اور علاج کے لئے او پی ڈی خدمات فراہم کریں۔

گوا: گوا حکومت نے آج ریاست بھر میں نافذ کرفیو میں 31 مئی تک توسیع کردی۔ ریاست میں کووڈ کے بڑھتے ہوئے معاملات اور اموات کے پیش نظر ریاستی حکومت نے 10 مئی سے 23 مئی تک پوری ریاست میں 15 دن کا کرفیو نافذ کردیا تھا۔ کرفیو کے دوران تمام ضروری سامان کیدکانیں صبح 7 بجے سے دوپہر 1 بجے تک کھلی رہیں گی۔ ریاست میں کووڈ کی تیسری لہر کی تیاری کے لئے گوا حکومت نے آج ایک ٹاسک فورس تشکیل دی ہے۔ وزیر اعلی کی زیرصدارت میں تشکیل دی جانے والی ٹاسک فورس میں ڈاکٹروں سمیت کل 15 ممبر ہوں گے۔

آسام: جمعرات کے روز کووڈ 19 کی جانچ میں مجموعی طور پر 6،573 افراد مثبت پائے گئے، جبکہ ہلاکتوں کی تعداد 74 رہی۔ کامپروپ میٹرو میں کل 6,573 مثبت کیسوں میں سے 1084 کیس رپورٹ ہوئے۔ جمعرات کے روز وزیر اعلی ہمت بِسوا سرما نے کووڈ 19 پروٹوکول اور حکومت کی طرف سے عائد پابندیوں پر سختی سے عمل کرنے کی لوگوں سے درخواست کرتے ہوئے کہا کہ آئندہ 20-15 دن میں صورتحال قابو میں آجائے گی۔

منی پور: منی پور میں جمعرات کو کووڈ 19 کے 644 نئے معاملات درج ہوئے۔ اسی دوران منی پور میں گذشتہ 24 گھنٹوں کے دوران 11 افراد کووڈ انفیکشن کی وجہ سے ہلاک ہوگئے۔ ریاست میں ویکسین لینے والوں کی کل تعداد 3,31,631 ہوگئی ہے۔ وزیراعلیٰ نے کووڈ۔19 شکایت سیل کھولا ہے۔ کووڈ کی وجہ سے یتیم بچوں کی دیکھ بھال کے لئے ایک منصوبہ شروع کیا گیا ہے۔ ریاستی حکومت نے میڈیکل آکسیجن سلنڈر اور آکسیجن کنسنٹریٹرز کو عطیہ کرنے کے لئے تیار افراد اور تنظیموں سے حکومت یا متعلقہ صحت کے ادارے کو عطیہ کرنے کو کہا ہے۔

میگھالیہ: میگھالیہ ریاست میں کووڈ 19 کے بعد 13 اپریل، 2020 کو کووڈ کے ایک ہی دن میں سب سے زیادہ ایک ہزار سے زیادہ کیسز رپورٹ ہوئے۔ کووڈ- 19 سے 10 افراد کی موت ہوگئی، کووڈ سے اموات کی کل تعداد 389 ہوگئی۔ 465 افراد کی صحتیابی کے ساتھ ریاست میں صحت یاب ہونے والے مریضوں کی کل تعداد 20,061 ہو گئی ہے۔ محکمہ صحت نے جانچ کی تعداد میں اضافے کو ریاست میں جانچ میں اضافے کو قرار دیا ہے۔

سکم: 1860 کووی شیلڈ ویکسین لگائی گئی ہے۔ پولیو سے متعلق 44 مراکز میں سے 30 پر ایک بھی شخص ٹیکے  کے لئےنہیں پہنچا۔ سکم میں کووڈ انفیکشن کے 249 نئے معاملات اور دیگر تین افراد کی موت درج ہوئی۔

تریپورہ: ریاست میں ریکارڈ تعداد میں نمونوں کی جانچ کی کئی، جس میں 720 افراد مثبت پائے گئے۔ ریاست میں کووڈ انفیکشن کی وجہ سے دو افراد کی موت ہوگئی، جبکہ 379 افراد صحت مند ہوگئے۔ معمولی کمی کے ساتھ مثبت  ہونے کی شرح 6.73 فیصد ہوگئی۔ لیکن پچھلے 24 گھنٹوں کے دوران 405 نئے کیسوں کے ساتھ مغربی تریپورہ، باقی دیگر اضلاع کے مقابلے میں سرفہرست ہے۔ ٹیسٹ کیے گئے نمونوں کی کل تعداد 10,699 ہے۔

ناگالینڈ: کووڈ 19 کے 326 نئے کیسیز جمعرات کو ناگالینڈ میں رپورٹ ہوئے اور 11 افراد کی موت ہوگئی۔ ریاست میں4,519 فعال کیسز ہیں اور کل تعداد 19,284 ہوچکی ہے۔ پی ایم کیئرس فنڈ کے تحت تعمیر کئے جارہے دیما پور آکسیجن جنریشن پلانٹ کو ابھی تک سرٹیفیکیشن نہیں ملا ہے۔ جمعرات کے روز یو این ڈی پی کے تعاون سے تونسانگ اور پوک میں آکسیجن پلانٹ لگانے کے لئے سامان جمعرات کو پہنچا۔

کیرالہ: ریاستی حکومت نے لاک ڈاؤن میں نرمی بڑھا دی ہے۔ تاہم ٹرپل لاک ڈاؤن والے علاقوں میںیہ استثنی لاگو نہیں ہے۔ اس کے مطابق ٹیکسٹائل اور زیورات کے شو رومز محدود تعداد میں ملازمین کے ساتھ گھر پر ڈیلیوری اور آن لائن فروخت کے لئے کھول سکتے ہیں۔ ازدواجی گروپس ایک گھنٹے کے لئے شوروم کا دورہ کرسکتے ہیں۔ ٹیکس مشیر، جی ایس ٹی پیشہ ور ہفتے میں 2 دن کام کرسکتے ہیں۔ اسٹیٹ ڈیزاسٹر ریلیف فنڈ کا استعمال کرتے ہوئے ماہی گیروں کے اہل خانہ کو مفت کھانے کی کٹس دی جاسکتی ہیں۔ دریں اثنا ریاست میں کووڈ 19 کے کل 30,491 معاملات کی تصدیق ہوگئی ہے۔ ابھی تک ریاست میں3,17,850 فعال معاملات ہیں۔ ریاست میں کووڈ سے ہونے والی اموات کی مجموعی تعداد 685 ہوگئی ہے، جس میں 128 اضافی اموات ہیں۔ ٹی پی آر 23.18 فیصد باقی ہے۔ اب تک کل 86,09,008 افراد کو کووڈ سے بچاؤ کے ٹیکے لگائے جاچکے ہیں۔ اس میں65,88,870 افراد کو پہلی ٹیکے کی پہلی خوراک اور 20,20,138 افراد کو دوسری خوراک دی گئی ہے۔

تمل ناڈو: ریاستی حکومت کی طرف سے مائکومیکوسسیا بلیک فنگس کے بڑھتے ہوئے معاملات کے انتباہ کے ساتھ حکام نے ہوسور میں ایک نجی دواساز کمپنی سے ایموفٹیرسن کی 5 ہزار شیشیوں کی فراہمی کے احکامات جاری کردیئے ہیں۔ جمعرات کو ریاست کو 64.95 میٹرک ٹن میڈیکل آکسیجن کے ساتھ بارہویں آکسیجن ایکسپریس ملی۔ اسی کے ساتھ ریاست کو اب تک مجموعی طور پر 12 آکسیجن ایکسپریس کے ذریعے 649.4 میٹرک ٹن رقیق طبی آکسیجن (ایل ایم او) موصول ہوئی ہے۔ مدراس ہائی کورٹ نے جمعرات کو یہ بیان دیتے ہوئے کہا کہ مرکزی حکومت کے حلف نامے میں ابھییا مستقبل قریب میں تمل ناڈو کو دوائیوں، ٹیکہ کاری اور آکسیجن کی فراہمی کے بارے میں کچھ ذکر نہیں کیا گیا ہے، مدراس ہائی کورٹ نے مرکزی حکومت سے کووڈ 19 کی دوسری مضبوط لہر کے سبب ریاست میں پیدا ہوئی ہنگامی صورتحال سے نمٹنے کے لئے ایک 'سنٹرلائزڈ ایکشن پلان' تیار کرنے کے لئے کہا۔ تمل ناڈو حکومت نے جمعرات کو ریاست میں نجی لیبارٹریوں میں کووڈ ٹیسٹ کی قیمت کو 1200 سے گھٹا کر 900 روپے کردیا۔ جمعرات کے روز تمل ناڈو میں کووڈ 19 کے 35,579نئے معاملات اور 397 اموات ریکارڈ کی گئیں، جو اب تک کی سب سے زیادہ تعداد ہے۔

کرناٹک: 20 مئی 2021 کے لئے جاری کردہ ریاستی حکومت کے بلیٹن کے مطابق  نئے معاملات درج کیے گئے: 28,869؛ کل فعال معاملات: 5,34,954؛ کووڈ سے موت کے نئے معاملے: 548؛ کووڈ سے متعلقہ اموات: 23,854۔ کل تک ، ریاست میں1,15,08,005 افراد کو  کووڈ ویکسین کی پہلی خوراک اور 63,140 افراد کو دوسری خوراک دی گئی۔ 18 سے 44 سال کی عمر کے گروپوں میں ٹیکے لگائے کے بارے میں قیاس آرائیوں کو روکتے ہوئے ریاستی حکومت نے جمعرات کو اعلان کیا کہ وہ ہفتے کے روز (22 مئی) سے کرناٹک بھر میں اس زمرے کے لئے ویکسینیشن متعارف کروائے گی۔ جب سے گذشتہ سال کرناٹک میں کووڈ کا پہلا کیس ہوا تھا کووڈ 19 سے متعلق ایک تہائی اموات مئی کے پہلے 20 دنوں میں ہوئی ہیں۔

آندھرا پردیش: ریاست میں1,01,281 نمونوں کی جانچ کے بعد کووڈ 19 کے  22,610 نئے کیسز ریکارڈ ہوئے اور 114 اموات درج کی گئیں، جبکہ گذشتہ 24 گھنٹوں میں 23,098 افراد کو اسپتالوں سے چھٹی دی گئی۔ کل معاملات: 15,21,142؛ فعال معاملات: 2,09,134؛ اسپتال سے چھٹی پانے والے افراد کی کل تعداد: 13,02,208؛ کل اموات: 9800۔ کل تک ریاست میں کووڈ ویکسین کی کل 78,57,020 خوراکیں دی جا چکی ہیں، جن میں55,39,622 پہلی اور 23,17,398دوسری خوراکیں ہیں۔ حکومت نے ریاست میں بلیک فنگس کے مریضوں کے علاج کے لئے 17 اسپتالوں کی نشاندہی کی ہے۔ ریاستی حکومت نے مالی سال 2021-22 کے لئے ودھان سبھا میں پیش کیے جانے والے نئے بجٹ میں کووڈ 19 وبا کو روکنے کے لئے خصوصی طور پر 1000 کروڑ روپئے مختص کیے ہیں۔ صحت کے شعبے کے لئے مجموعی طور پر 13,840.44 کروڑ روپئے کا بجٹ مقرر کیا گیا ہے۔ دریں اثنا بلیک فنگس کے مشتبہ معاملات میں اضافے کے پیش نظر حکومت نے وبائی امراض ایکٹ، 1897 کے تحت میکومائکوسس کو نوٹیفائی کیا ہے۔

تلنگانہ: مرکزی حکومت کی ہدایت کے مطابق ریاستی حکومت نے وبائی امراض ایکٹ ، 1897 کے تحت میکومائکوسس / بلیک فنگس کو ایک قابل مطلع بیماری قرار دیا ہے۔ ریاست کے صحت عامہ کے ڈائریکٹر نے ریاست کے تمام سرکاری اور نجی اسپتالوں کو ہدایت دی ہے کہ وہ بلیک فنگس کے تمام معاملات کی تفصیلات حکومت کو ایک مقررہ شکل میں دیں۔ نویں آکسیجن ایکسپریس چھ ٹینکروں میں 119.40 میٹرک ٹن رقیق طبی آکسیجن لے کر اوڈیشہ سے حیدرآباد پہنچی۔ گذشتہ روز ریاست میں3,660 نئے انفیکشن اور کوویڈ کی 23 اموات ریکارڈ کی گئیں۔ اس سے کووڈ سے متعلق اموات کی کل تعداد 3,060 ہوگئی اور ریاست میں مثبت معاملات کی مجموعی تعداد 5,44,263 ہوگئی۔ ریاست میں اب فعال معاملات کی تعداد 45,757 ہے۔ کل بھی ویکسین کی کمی کی وجہ سے ریاست میں کووڈ ٹیکہ کاری مہم نہیں چلائی جا سکی۔

پنجاب: جانچ میں مثبت پائے جانے والے مریضوں کی کل تعداد 5,23,423 ہے۔ فعال معاملات کی تعداد 67,041 ہے۔ اموات کی کل تعداد 12,716 ہے۔ پہلی خوراک (حفظان صحت + صف اول کے کارکنان) کے ساتھ کل کووڈ 19 ویکسینیشن8,40,628 ہے۔ دوسری خوراک (حفظان صحت + صف اول کارکنان) کے ساتھ کل کووڈ 19  ویکسینیشن2,42,068 ہے۔ کل ویکسینیشن26,44,958ہے جو 45 سال کی عمر سے اوپر کی پہلی خوراک اور دوسری خوراک کے ساتھ کل ویکسینیشن4,39,746 ہے۔

ہریانہ: اب تک مثبت پائے گئے نمونے کی مجموعی تعداد 7,22,964 ہے۔ کل کووڈ-19 کے زیر علاج مریضوں کی کل تعداد  62,352ہے۔ اموات کی تعداد 7,205 ہے۔ ابھی تک ویکسین لگوائے والے افراد کی کل تعداد 51,29,363 ہے۔

چندی گڑھ: لیب سے تصدیق شدہ کووڈ 19 کے 57,331 کیسز ہیں۔ فعال معاملات کی کل تعداد 6,073 ہے۔ کووڈ 19 سے متعلقہ اموات کی کل تعداد 666 ہے۔

ہماچل پردیش: ابھی تک کورونا مثبت مریضوں کی تعداد 1,72,722 ہے۔ فعال معاملات کی کل تعداد 33,448 ہے۔ ریاست میں اب تک مجموعی طور پر  2,581 افراد ہلاک ہوچکے ہیں۔

پی آئی بی حقائق کی جانچ

 

 

 

 

 

 

 

-----------------------

ش ح۔م ع۔ ع ن

U NO:4721

(Release ID: 1721031) Visitor Counter : 2038