কেবিনেত সেক্রেতরীগী শ্রী রাজিব গৌবানা সভাপতি ওইদুনা নেস্নেল ক্রাইসিস মেনেজমেন্ত কমিতী (এন.সি.এম.সি.)না ঙসি রাজ্য সরকারশিং অমসুং য়ুনিয়ন তেরিতোরি এদমিনিস্ত্রেসনশিং অমসুং কেন্দ্র মিনিস্ত্রী অমসুং এজেন্সিশিংনা হোৎনরিবা নোংলৈ-নুংশিৎ সাইক্লোন ‘তোক্তে’গী মতুংদা শাফরকপা অমসুং মহৌশাগী ফিভমদা হঞ্জিল্লকপা য়েংশিনখ্রে।

রাজ্যগী চীফ সেক্রেতরী অমসুং য়ুনিয়ন তেরিতোরীগী এদমিনিস্ত্রেতরশিংনা কমিতীদা খুদোংথিবা নংলবা মফমশিং অসিগী ইনফ্রাস্ত্রকচর, মহৈ-মরোং মাং-তাকখিবা অমদি লোয়ন-লোয়ননা মীওইবগী পুন্সি কয়া মাংখিবা অমসুং তেলেকোম, পাৱর, লম্বী, ঈশিং অমসুং অতৈ পোৎলম কয়া অমা মহৌশাগী ফিভমদা হঞ্জিন্নবা লৌখৎলিবা খোঙথাংশিং পাউদমখি। খঙজিনবা য়াই আই.এম.দি.না মতম চানা অমসুং অচুম্বা পাউ পীবা অমসুং মরী লৈনবা কেন্দ্র অমসুং রাজ্য/য়ু.তি. এজেন্সিশিংগা পুন্না হোৎনমিন্নবা অসিনা মীওইবগী পুন্সি মাংবা অমসুং পোৎ-চৈ মাং-তাকপা য়াম্না হন্থহল্লি। এজেন্সিশিং অসিনা মাংজৌননা অমদি মতম চানা খোঙথাং কয়া অমা লৌখৎহৌবনা হোস্পিতালশিং অমসুং কোবিদ-১৯ সেন্তরশিং অশোই-অঙাম থোকহখিদে।

ইন্দিয়ন নেভী অমসুং কোস্ত গার্দকা লোয়ননা অতৈ এজেন্সিশিংনা ও.এন.জি.সি.গী বার্জেস অহুম অমসুং ওফশোর দ্রিল্লিং ভেসেলদা লৈবা মীওইশিং ঙাক-শেন্ননবশু খন্নখ্রে। 

ঙাক-শেনবা অমসুং মহৌশাগী ফিভমদা হঞ্জিন্নবা হোৎনরিবা অসি য়েংশিন্দুনা শ্রী রাজিব গৌবানা, রাজ্য সরকারশিং অমসুং য়ুনিয়ন তেরিতোরি এদমিনিস্ত্রেসনশিংনা তেলেকোম, পাৱর, লম্বী, ঈশিং অমসুং অতৈ ইনফ্রাস্ত্রকচরশিং অসি মহৌশাগী ফিভমদা হঞ্জিন্নবা হোৎন্নবদা মরুওইবা পীরি। সেন্ত্রেল মিনিস্ত্রীশিং/এজেন্সিশিংনা রাজ্য অমসুং য়ু.তি.শিংগা লোয়ননা খুশম্নদুনা পাংবা য়াবা মতেং পাংগনি।  

মীফম অসিদা গুজরাত, মহারাস্ত্র, কর্নাতকা, গৌৱা, কেরলা, তামিল নাদুগী চীফ সেক্রেতরী অমসুং ওফিসেলশিং লোয়ননা লক্ষদ্বীপ, অমসুং দদ্রা অমসুং নগর হাবেলি, দমন অমসুং দিয়ুগী এদমিনিস্ত্রেতরগী এদভাইজরশিংনা শরুক য়াখি। হোম এফিয়র্স, শিপ্পিং, তেলেকম্ম্যুনিকেসন, পেত্রোলিয়ম অমসুং নেচুরেল গ্যাস, পাৱর, হেলথ, ফুদ অমসুং পব্লিক দিস্ত্রিব্যুসন, দ্রিংকিং ৱাতর অমসুং সেনিতেসনগী মিনিস্ত্রীগী সেক্রেতরীশিং অমসুং ওফিসরশিং অমদি এন.দি.এম.এ., দি.জ.:এন.দি.আর.এফ., দি.জি.: আই.এম.দি., দি.জি.:কোস্ত গার্দ অমসুং দিপুতী চীফ আই.দি.এস.গী মেম্বর সেক্ত্রেতরীসপ শরুক য়াখি।

*********