কোবিদকি মতমদা এজুকেসন সিস্তেম মেনেজমেন্তগীদমক লৌখৎখিবা তোঙান তোঙানবা খোংথাংশিং অমসুং হৌজিক ফাওবদা স্কুলশিংদা ওনলাইন অমসুং ওফলাইন লর্নিংগীদমক শিজিন্নখিবা তোঙান তোঙানবা স্ত্রাতিজিশিং অমসুং মতুং তারকপদা করি তৌসিগে হায়বদু খন্ন-নৈননবা কেন্দ্রগী মহৈ-মশিং মন্ত্রী শ্রী রামেশ পোখ্রিয়াল 'নিশঙ্ক'না ভিদিও কনফরেন্সিংগী খুৎথাংদা শরুক য়াদুনা রাজ্য অমসুং য়ু.তি. পুম্নমক্কী স্কুল এজুকেসন সেক্রেতরীশিংগা লোইননা মীফম অমা পাংথোকখ্রে৷ এজুকেসনগী রাজ্যগী মন্ত্রী শ্রী সঞ্জে ধোত্রি; হাইয়র এজুকেসনগী সেক্রেতরী শ্রী অমিত খেয়র; স্কুল এজুকেসন অমসুং লিতরেসীগী সেক্রেতরী শ্রীমতি অনিতা কর্ৱাল অমসুং মন্ত্রীলয়গী সেনিয়র ওফিসিয়েলশিংনা মীফম অসিদা শরুক য়াখি৷ এদিস্নেল চীফ সেক্রেতরীশিং, প্রিন্সিপাল সেক্রেতরীশিং অমসুং এজুকেসন দিপার্তমেন্তগী সেক্রেতরীশিং; রাজ্যগী ওফিসিয়েলশিং-স্তেত প্রোজেক্ত দাইরেক্তরশিং, দাইরেক্তর এস.সি.ই.আর.তি. য়াওনা রাজ্যশিং অমসুং য়ু.তি. পুম্নমক্কী মীহুৎ অয়াম্বনা মীফম অসিদা শরুক য়াখি৷ মসিগী মীফম অসিনা লাইচৎ অসিগী মনুংদা স্কুল এজুকেসনগী মতাংদা পাংথোকপা খ্বাইদগী চাওবা মীফমনি৷

হৌজিক লৈরিবা কোবিদ-১৯গী ফিভম অসি ফিভম লুনা তম্বা ঙমদনা লৈরি অদুবু সরকার অসিনা মহৈরোইশিংগী য়াইফনবা অমসুং একাদেমিক ৱেল্ফেয়র পুরক্নবা অনৌবা এক্সপরিয়েন্সশিং শিজিন্নদুনা লৈরিবা ফিভম অসি খুদোংচাবা অমা ওইনা ওন্থোক্নবা হোৎনরি৷

হৌখিবা চহি অসিদা রাজ্যশিং অমসুং য়ু.তি.শিংনা হোৎনখিবশিং অদুগুম্না মখা চত্থবগী দরকার ওই অমসুং অসিগুম্বা লাইনা-লাইচৎকি লুরবা মতম অসিদা খ্বাইদগী ফিভম শোকপা য়ানা লৈরিবা মীয়ামশিং অমসুং মার্জিনেলাইজ সেক্সনদা লৈরিবা অঙাংশিং অসিদা য়ৌহন্নবগী তঙাই ফদবা লৈ হায়না মন্ত্রী অসিনা ফোংদোকখ্রে৷ লাইনা-লাইচৎ অসিগী মনুংদা মহৈ-মশি তম্বা অসি মখা চত্থবা য়াননবগীদমক ২০২০-২১দা দিপার্তমেন্ত অসিনা তোঙান তোঙানবা ইনিসিয়েতিবশিং লৌখৎখ্রে হায়না মহাক্না মখাতানা ফোংদোকখ্রে৷ মসিগী মনুং চল্লিবশিং অদুদু: পি.এম. ইবিদ্যগী মখাদা দিক্সা চাওথোকহনবা; স্বায়াম প্রভা তি.ভি. চেনেলশিংগী মখাদা দি.তি.ঐচ. তি.ভি. চেনেলশিং; দিক্সাদা ওজাশিংগীদমক ওনলাইন নিস্থা ত্রেনিং লোঞ্চ তৌবা; মহৈরোইশিংগী সোসিয়ো-ইমোস্নেল অমসুং সাইকোলোজিকেলগী ওইবা তঙাই ফদবা অদু ফংহন্নবা মনোদর্পন লোঞ্চ তৌবা অসিনি৷ অসিগীসু মথক্তা, দিজিতেল এজুকেসন অসি শিজিন্নদনা তোঙান তোঙানবা ইনিসিয়েতিবশিং মহৈরোইশিং অসি য়ৌহন্নবা লৌখৎখ্রে৷ নেস্নেল এজুকেসন পোলিসী ২০২০ অসি মাই পাক্না চৎননবগীদমক তোঙান তোঙানবা স্তেকদহোল্দরশিং য়াওবগী তঙাই ফদবা লৈ হায়নসু মহাক্না পনখ্রে৷

রাজ্যশিংনা থেংনরিবা প্রোব্লেম পুম্নমক অমসুং সজেসনশিং শ্রী প্রোখ্রায়ালনা পনখ্রে৷ মহৈরোইশিং অসিগী য়াইফননবা অমসুং একাদেমিক ৱেল্ফেয়র লৈহন্নবা এজুকেসন মন্ত্রালয়না য়াম্না কন্না হোৎদুনা পাংবা য়াবা মতেং পুম্নমক পাংলিবা অসিদা রাজ্যশিংনসু থাগৎখ্রে৷ এজুকেসনগী হিরমদা রাজ্যশিংনা শিন্থানিংঙাই ওইরবা থবক কয়া পাংথোক্লিবা অসিগীদমক কেন্দ্রগী মন্ত্রীনা রাজ্য পুম্নমকপু থাগৎখ্রে অমসুং অসিগুম্বা লুরবা মতম অসিা মন্ত্রালয় অসিনা ফুল সপোর্ত পীগনি হায়নসু থাজবা পীখ্রে অমসুং লৈরিবা প্রোব্লেম অসি ঐখোয় অমতা ওইনা পুনশিন্দুনা লান্থেংমিন্নসি হায়না ফোংদোকখ্রে৷

কোবিদ লাইনা-লাইচৎ অসিনা মরম ওইদুনা থোক্লক্লিবা চেলেঞ্জশিং অসি থেংননবা সরকার অসিনা ইন্দিয়ন এজুকেসন সিস্তেমদা অনৌবা অমসুং ইন্নোবেতিব ওইবা মেথর্দশিং শিজিন্নখ্রে হায়না পল্লদুনা, মহৈরোইশিং অসিদা ওফলাইন অমসুং ওনলাইন তিচিং মেথর্দশিং অনিমক শিজিন্নদুনা হাইব্রিদ এজুকেসন ফংহনবা য়াবা লম্বীশিং থিদোক্নবা এম.ও.এস. শ্রী সঞ্জে ধোত্রিনা ফোংদোকখ্রে৷ মসিগীদমক, ঐখোয়না অনৌবা লর্নিং মেথোদোলোজিশিং, ক্বালিতী লর্নিং কন্তেন্ত অমসুং এসেসমেন্ত মোদেল ইভালুয়েত তৌবা তঙাই ফদে হায়না মহাক্না মখাতানা ফোংদোকখ্রে৷ মহৈরোইশিংগী সাইন্তিফিক তেম্পরমেন্ত অসিনা পোস্ত কোবিদ ৱাল্দগী মতুংদা দিসাইদিং ওইবা রোল অদু লৌগদৌবনা মরম ওইদুনা ঐখোয়গী লৈবাক অসিদা লৈরিবা এজুকেসন সিস্তেম অসিনা ক্রিতিকেল থিঙ্কিং এবিলিতী, লোজিকেল রিজনিং এবিলিতী অমসুং মহৈরোইশিংগী মরক্তা সাইন্তিফিক তেম্পর লৈহনবদা মীৎয়েং থমগদবনি হায়না মহাক্না ফোংদোকখ্রে৷ এন.ই.পি. অসি ঐখোয়না পাম্লিবা পান্দমশিং অদু ফংবা ঙম্নবা য়াম্না ইফেক্তিব ওইনা চৎনহন্নবা ঐখোয় পুম্নমক অমতা ওইনা পুনশিন্দুনা তীম অমা ওইনা হোৎনমিন্ননবা মহাক্না ফোংদোকখ্রে৷

দিপার্তমেন্ত অসিনা ২০২১গী মে ৪দা কমপ্রিহেন্সিব কোবিদ রেস্পোন্স দোকুমেন্ত অমা ইসু তৌখ্রে অমসুং মসিদা এসেস, রিতেন্সন, কন্তিনিয়র্স লর্নিং, কেপাসিতী বিল্দিং অমসুং স্তেকহোল্দর এঞ্জেজমেন্তদা শরুক য়ারিবা স্তেকহোলদর পুম্নমক্কী ওইনা মরী লৈনবা তাইমলাইনশিংগা লোইননা দিতেল এক্সন প্লান য়াওরি৷

ইন্তরবেন্সনগীদমক খন্দোক্লবা মরু ওইবা হিরমশিং অদুদি: আউত ওফ স্কুল মহৈরোইশিং খন্দোকপা অমসুং মেনস্ত্রিমিং তৌবা অমসুং এনরোলমেন্ত তৌবদা মতেং পাংবা, রিতেন্সন অমসুং ত্রাঞ্জিসন; একাদেমিক লর্নিং অমসুং মহৈরোইশিংগী কোগনিতিব দিবলপমেন্ত; মহৈরোইশিংগী এসেসমেন্ত অমসুং দাতা য়ুজ য়াওনা ব্লেন্দেদ অমসুং হোম-বেজ লর্নিংদা অখন্নবা মিৎয়েং চংদুনা কেপাসিতী শেমগৎপা; ন্যুত্রিস্নেল, সোসিয়ো-ইমোস্নেল সপোর্ত; দিজিতেল এজুকেসন অমসুং মোনিতরিং, ত্রেক্কিং অমসুং রিমেদিতেসন অসিনি৷

মখাতানা, সমগ্র শিক্সাগী মখাগী কম্পোনেন্তশিং অসি স্পিসিয়েল ওইনা শেমগৎখ্রে অমসুং হৌজিক লৈরিবা লাইনা-লাইচৎ অসিগী ফিভম অসি য়েংলগা ইন্তরবেন্সনশিংদা মীৎয়েং থমখ্রে:

• অঙাংশিংদা সপ্লিমেন্তরী মেতরিয়েল ফংহন্নবা লর্নিং এনহেন্সমেন্ত/এনরিচিং প্রোগ্রাম পাংথোকপা
• মহৈরোইশিংনা পানবা পোৎলমশিং ফংহন্ননবগীদমক লাইব্রেরী গ্রান্ত পীবা
• আউত ওফ স্কুল মহৈরোইশিং অমসুং অঙাংশিংদা অখন্নবা মীৎয়েং চংদুনা স্পিসিয়েল ত্রেনিং পাংথোকপা৷
• এন.আই.ও.এস./স্তেত ওপন স্কুলশিংগী খুৎথাংদা চহি কাংলুপ ১৬তগী ১৯ ফাওবদা লৈরিবা আউত এফ স্কুল মহৈরোইশিংদা সপোর্ত পীবা৷
• কম্ম্যুনিতী পার্তিসিপেসন, পেরেন্তেল সপোর্ত ফংননবগীদমক এস.এম.সি. ত্রেনিং শিজিন্নগদবনি
• ই.সি.সি.ই. অমসুং প্রাইমরী গ্রেদতা লর্নিং মেতরিয়েল তাকপিবা
• পঞ্চয়ত লেবেলদা হেল্প দেক্স অমা শেমগৎপা অমসুং মাস মেদিয়া শিজিন্নদুনা এৱার্নেস পীবা৷
• মহৈরোইশিং রেজিস্তর তৌননবগীদমগক চাইল্দ ত্রেক্কিং ফন্দশিং শিজিন্নরবা য়াই
• সেনিতেসন অমসুং হাইজিনগীদমক স্কুলশিংদা অখন্নবা গ্রান্তশিং পীবা
• ওনলাইন মোদতা সেফতী অমসুং সেক্যুরিতীগী মতাংদা এৱার্নেস পীবগীদমক অমসুং ওনলাইন মিন্স ওফ এজুকেসন শিজিন্নবগীদমক ওজিশিংদা গ্রান্ত পীবা৷
• ওনলাইন কন্তেন্ত দিবলপমেন্ত অমসুং দিসেমিনেসনগীদমক গ্রান্তশিং পীবা৷
• দিক্সা প্লেতফোর্ম শিজিন্নদুনা নিস্থা ত্রেনিং পাংথোকপগীদমক ওজাশিং গ্রান্ত পীবা৷
• মখাতানা মহৈ-মশিং তম্ননবা কম্পোজিৎ স্কুল গ্রান্তশিং পীবা অমসুং মদুগী য়ামদ্রবদা ১০%দি স্কুলশিংদা ফংহনগদৌরিবা ইশিং, সেনিতেসন অমসুং হাইজিনবা শিজিন্নবা অসিনি৷

দিপার্তমেন্ত অসিনা সমগ্র শিক্সাগী মখাদা রাজ্যশিংগী বদজেৎ অমসুং এনুএল ৱার্ক প্লানগী এপ্রুবেল লৌননবগীদমক প্রোজেক্ত এপ্রুবেল বোর্দকি মীফমশিং ভর্চুএল মোদতা পাংথোকপা হৌখ্রে৷ মসিনা রাজ্যশিং অমসুং য়ু.তি.শিংনা মথক্তা পল্লিবা ইন্তরবেন্সনশিং অসি চৎননবগী মতম চানা এপ্রুবেল লৌবা য়াহনগনি৷

মখাতানা, লুপা কোতি ৫২২৮গী এদ-হোক গ্রান্তশিং মাংজৌননা সনগ্র শিক্সাগী মখাদা রাজ্যশিংদা রিলিস তৌখ্রে অমসুং রাজ্যশিংনা অমসুং য়ু.তি.শিংনা লৌখৎলিবা তোঙান তোঙানবা এজুকেস্নেল ইনিসিয়েতিবশিং অসি মখা চত্থহন্নবা অথুবা মতমদা লুপা কোতি ২৫০০গী শেনফম রিলিস তৌরগনি৷

লাইনা-লাইচৎ অসিগী মনুংদা লর্নিং প্রোসেস অসি মখা চত্থহন্ননবগীদমক রাজ্যশিং অমসুং য়ু.তি. পুম্নমক্না মখোয় মখোয়গী লৈরিবা স্ত্রাতিজি অদু সেয়র তৌনখ্রে৷ মহৈরোই অয়াম্বনা তেক্সবূকশিং ফংখ্রে হায়না রিপোর্ত তৌরকখ্রে অমসুং মসিদগী হেন্দোক্তুনা রাজ্যশিংনা তোঙান তোঙানবা সপ্লিমেন্তরী গ্রেদেদ মেতরিয়েলশিংসু শেম শাখ্রে৷ হরিয়ানা অমসুং গুজরাতনা স্কুলশিং অসি হাংদোক্তবা মতমদা রাজ্য অসিনা তৌরিবা এসেসমেন্ত অদুগী মতাংদা লৈরিবা অকুপ্পা মরোল অদু সেয়র তৌরকখ্রে৷ লর্নিং অসি হেন্না প্রমোত তৌননবা ঝর্খন্দ, লদাখ, মধ্য প্রদেশ অমসুং রাজস্থান য়াওনা রাজ্য কয়া অমনা দিজিতেল এপশিং শেমগৎখ্রে৷ রাজ্য পুম্নমক অমসুং য়ু.তি.শিংনা মমা-মপা ওইরিবশিংগী অমসুং কম্ম্যুনিতীগী য়াম্না মরু ওইবা থৌদাং অদু পনখ্রে৷ রাজ্যশিং অমসুং য়ু.তি.শিংনা দিজিতেল দিভাইসশিং, দূর্দরশন অমসুং রেদিয়ো শিজিন্নদুনা ওনলাইন লর্নিং হেন্না প্রমোত তৌননবা অকুপ্পা মরোলশিং অদুসু সেয়র তৌরকখ্রে৷

******