দা. এন.কে. অরোরানা থৌবুরেল ওইদুনা ফমখিবা কোবিদ ৱার্কিং গ্রুপনা কোভিশিল্দ ভেক্সিনগী অহানবা দোজ অমসুং অনিশুবা দোজ কাপ্পগী মরক্তা লৈরিবা গেপ অদু চয়োল ১২-১৬ ফাওবা শাংদোক্নবা রিকম্মেন্দ তৌখ্রে৷ ৱাফম অসি ২০২১গী মে ১৩দা ভারত সরকারনসু অয়াবা পীখ্রে৷

লাক্লিবা অহোংবা অসিগীদমক ভারত সরকারনা রাজ্যশিং অমসুং য়ু.তি.শিংগা পাউ ফাওনখ্রে৷ কোভিশিল্দ দোজ অনি কাপ্পগী মরক্তা লৈরিবা মতম অসি চয়োল ১২-১৬তা শাংদোক্লিবা অসি খঙহন্নবা কোৱিন দিজিতেল পোর্তেলসু অমুক হন্না শেমদোকখ্রে৷

অদুমওইনমক, কোৱিনদা হৌখিবা নুমিৎ ৮৪নি অসিদা অনিশুবা দোজ কাপ্ননবগীদমক মখোয় মখোয়গী এপোইন্তমেন্ত মাংজৌননা প্রিবুক তৌখ্রবা মীওইশিং কোভিশিল্দগী অনিশুবা দোজ অসি কাপ্তনা ভেক্সিনেসন সেন্তরশিং অসিদগী হল্লকহল্লে হায়না মেদিয়াগী সেক্সন অমদা রিপোর্তশিং লাকখ্রে৷

হৌজিক্তি রিক্বুইসাইত চেঞ্জেস অসি কোৱিন দিজিতেল পোর্তেলদা পাংথোক্লে হায়না শেংদোরকখ্রে৷ মসিনা মরম ওইদুনা, করিগুম্বা পেরিয়র্দ অদু বেনিফিসরি অমনা অহানবা দোজ কাপলুবা তাং অদুদগী নুমিৎ ৮৪নিগী মনুংদা লৈরবদি মখাতানা ওনলাইন নত্রগা ওন-সাইত এপোইন্তমেন্তশিং লৌবা য়াররোই৷

মসিগীসু মথক্তা, কোভিশিল্দগী অনিশুবা দোজ কাপ্ননবগীদমক মাংজৌননা ওনলাইন এপোইন্তমেন্তশিং লৌখ্রবশিংদি অদুমক ভেলিদ ওইরগনি অমসুং কোৱিননা কেন্সেল তৌরোই৷ মখাতানা, অহানবা দোজকি ভেক্সিন কাপখিবা নুমিৎ অদুদগী হৌদুনা ৮৪নি শুবা নুমিৎকি মতুং তারকপা নুমিৎ অমদা অমুক হন্না মখোয় মখোয়গী এপোইন্তমেন্তশিং লৌননবা বেনিফিসরিশিংদা খঙহনখ্রে৷

কোভিশিল্দগী দোজ অনিগী মরক্তা থম্লিবা মতম অসিগী মতাংদা অহোংবা লাক্ত্রিঙৈগী মমাংদা কোভিশিল্দগী অনিশুবা দোজ কাপ্ননবগীদমক ওনলাইন এপোইন্তমেন্তশিং লৌখ্রবশিংদি হান্না য়ানখিবগী মতুং ইন্না শোইদনা কাপ্পদবনি হায়না কেন্দ্র সরকারনা রাজ্যশিং অমসুং য়ু.তি.শিংদা কয়ারক হন্না খঙহনখ্রে৷

করিগুম্বা অসিগুম্বা বেনিফিসরিশিং অসিনা ভেক্সিন কাপ্পা লাক্লবদি, অনিশুবা কোভিশিল্দ ভেক্সিন অদু শুংশোই শোইদনা কাপকদবনি অমসুং মখোয়শিং অদু ভেক্সিন কাপ্তনা হলহল্লোইদবনি হায়ানা ফিল্দ স্তাফশিং অসিদা খঙহন্নবা কেন্দ্রগী হকশেল মন্ত্রালয়না রাজ্যশিং/য়ু.তি.শিংদা খঙহনখ্রে৷ মসিগী অহোংবা অসিগী মতাংদা বেনিফিসরিশিং অসিদা খঙহন্নবা এৱার্নেস এক্তিবিতীশিং পাংথোক্নবা মখোয়দসু খঙহনখ্রে৷

*****