એક મહત્વપૂર્ણ સિદ્ધિરૂપે, ભારતમાં આજદિન સુધીમાં સાજા થયેલા કુલ દર્દીઓનો આંકડો આજે 2 કરોડથી વધારે (2,00,79,599) થઇ ગયો છે. રાષ્ટ્રીય સાજા થવાનો દર 83.50% છે.

છેલ્લા 24 કલાકમાં વધુ 3,44,776 દર્દીઓ સાજા થયા હોવાનું નોંધાયું છે. છેલ્લા ચાર દિવસ ત્રણ વખત દૈનિક ધોરણે નવા નોંધાતા કેસની સરખામણીએ નવા સાજા થતા દર્દીઓની સંખ્યા વધારે જોવા મળી છે.

નવા સાજા થયેલામાંથી 71.16% દર્દીઓ દસ રાજ્યોમાંથી છે.

નીચે આપેલો આલેખ છેલ્લા 14 દિવસમાં દૈનિક ધોરણે સાજા થતા દર્દીઓની સંખ્યા દર્શાવે છે.

ભારતમાં સક્રિય કેસોનું ભારણ આજે ઘટીને 37,04,893 થયું છે. દેશમાં નોંધાયેલા કુલ પોઝિટીવ કેસોમાંથી સક્રિય કેસોની સંખ્યા હવે 15.41% રહી છે.

છેલ્લા 24 કલાકમાં દેશમાં કુલ સક્રિય કેસોના ભારણમાં 5,632 દર્દીઓનો ચોખ્ખો ઘટાડો નોંધાયો છે.

ભારતમાં કુલ સક્રિય કેસોમાંથી 79.7% દર્દીઓ 12 રાજ્યોમાં છે.

ભારત સરકાર “સંપૂર્ણ સરકાર”નો અભિગમ અપનાવીને વૈશ્વિક સમુદાય પાસેથી પ્રાપ્ત થઇ રહેલી તબીબી સહાય રાજ્યો/કેન્દ્રશાસિત પ્રદેશોમાં ઝડપથી વહેંચી અને પહોંચાડી રહી છે જેમાં આજદિન સુધીમાં 9,294 ઓક્સિજન કોન્સન્ટ્રેટર; 11,835 ઓક્સિજન સિલિન્ડર; 19 ઓક્સિજન જનરેશન પ્લાન્ટ; 6,439 વેન્ટિલેટર/Bi PAP અને રેમડેસિવીરની 4.22 લાખ કરતાં વધારે શીશીઓનો જથ્થો જમીન અને હવાઇમાર્ગે પહોંચાડવામાં આવ્યો છે/રવાના કરવામાં આવ્યો છે.

બીજી બાજુ, દેશવ્યાપી કોવિડ રસીકરણ અભિયાનના તબક્કા-3નું વધારે વિસ્તરણ કરવામાં આવ્યું હોવાથી દેશમાં આજદિન સુધીમાં આપવામાં આવેલા કોવિડ-19 વિરોધી રસીના કુલ ડોઝનો આંકડો સતત વધીને આજે 18 કરોડની નજીક પહોંચી ગયો છે.

આજે સવારે 7 વાગે પ્રાપ્ત થયેલા હંગામી અહેવાલ અનુસાર દેશભરમાં આજદિન સુધીમાં સંયુક્ત રીતે કુલ 26,02,435 સત્રોનું આયોજન કરીને રસીના કુલ 17,92,98,584 ડોઝ આપવામાં આવ્યા છે. આમાંથી 96,18,127 HCWs એ પ્રથમ ડોઝ અને 66,04,549 HCWs એ બીજો ડોઝ લીધો છે. આ ઉપરાંત, 1,43,22,390 FLWs એ પ્રથમ ડોઝ અને 81,16,153 FLWs એ બીજો ડોઝ લીધો છે. 18થી 45 વર્ષના વયજૂથના 39,26,334 લાભાર્થીએ પ્રથમ ડોઝ લીધો છે, 45 થી 60 વર્ષ સુધીના વયજૂથમાં 5,66,09,783 લાભાર્થીએ પ્રથમ ડોઝ અને 85,39,763 લાભાર્થીએ બીજો ડોઝ લીધો છે અને 60 વર્ષથી વધુ ઉંમરના 5,42,42,792 લાભાર્થીએ પ્રથમ ડોઝ જ્યારે 1,73,18,693 લાભાર્થીએ બીજો ડોઝ લીધો છે.

દેશમાં આજદિન સુધીમાં આપવામાં આવેલા કુલ ડોઝમાંથી 66.75% ડોઝ દસ રાજ્યોમાં આપવામાં આવ્યા છે.

છેલ્લા 24 કલાકમાં 18 થી 44 વર્ષની વયજૂથના 4,40,706 લાભાર્થીએ કોવિડ રસીનો પ્રથમ ડોઝ લીધો હતો અને આ વયજૂથમાં સમગ્ર દેશમાં 32 રાજ્યો/કેન્દ્રશાસિત પ્રદેશોમાં આપવામાં આવેલા કુલ ડોઝની સંખ્યા 39,26,334 થઇ ગઇ છે. નીચે આપેલા કોષ્ટકમાં 18 થી 44 વર્ષના વયજૂથના લાભાર્થીઓને આજદિન સુધીમાં આપવામાં આવેલા ડોઝની વિગતવાર માહિતી આપી છે.

દેશભરમાં છેલ્લા 24 કલાકમાં રસીના લગભગ 20 લાખ ડોઝ આપવામાં આવ્યા છે.

કોવિડ-19 વિરોધી રસીકરણ કવાયતના 118મા દિવસે (13 મે 2021ના રોજ) દેશભરમાં રસીના કુલ 20,27,162 ડોઝ આપવામાં આવ્યા હતા. આમાં, 18,624 સત્રોનું આયોજન કરીને 10,34,304 લાભાર્થીને પ્રથમ ડોઝ જ્યારે 9,92,858 લાભાર્થીને રસીનો બીજો ડોઝ આપવામાં આવ્યો હતો.

તારીખ: 13 મે, 2021 (દિવસ-118)

નીચે આપેલો આલેખ ભારતમાં હાથ ધરવામાં આવતા પરીક્ષણોની સંખ્યામાં થઇ રહેલી વૃદ્ધિ દર્શાવે છે. આજે કુલ પરીક્ષણોનો આંકડો 31 કરોડ કરતાં વધારે થઇ ગયો છે. કુલ પોઝિટીવિટી દરમાં પણ આંશિક વધારો થતા 7.72% થયો છે.

નીચે આપેલો આલેખ દૈનિક પોઝિટીવિટી દરનો ચિતાર આપે છે જે સહેજ ઘટીને 20.08% થયો છે.

છેલ્લા 24 કલાકમાં દેશમાં વધુ 3,43,144 દર્દીઓ પોઝિટીવ નોંધાયા છે.

છેલ્લા 24 કલાકમાં નવા નોંધાયેલામાંથી 72.37% કેસ દસ રાજ્યોમાંથી છે.

દૈનિક ધોરણે મહારાષ્ટ્રમાં સૌથી વધુ 42,582 નવા દર્દી સંક્રમિત થયા છે. તે પછીના ક્રમે, કેરળમાં એક દિવસમાં વધુ 39,955 દર્દી જ્યારે કર્ણાટકમાં વધુ 35,297 દર્દી નોંધાયા છે.

રાષ્ટ્રીય મૃત્યુદર હાલમાં 1.09% છે.

છેલ્લા 24 કલાકમાં દેશમાં કુલ 4,000 દર્દી મૃત્યુ પામ્યા છે.

નવા નોંધાયેલા મૃત્યુઆંકમાંથી 72.70% દર્દી દસ રાજ્યોમાં મૃત્યુ પામ્યા છે. મહારાષ્ટ્રમાં દૈનિક ધોરણે સર્વાધિક મૃત્યુ (850) નોંધાયા છે. તે પછીના ક્રમે, કર્ણાટકમાં એક દિવસમાં 344 મૃત્યુ નોંધાયા છે.

SD/GP/JD