হকশেল অমসুং য়াইফ-য়ুম্বাল মন্ত্রালয়

দি.জি.সি.আই.না চহি ২দগী ১৮ ফাওবগী মীওই কাংলুপকীদমক্তা কোভেক্সিনগী ক্লিনিকেল ত্রাইএল ফেজ ২/৩গী অয়াবা পীখ্রে


এম./এস. ভারত বাইওতেক্না মশা-মউ ফবা ভলন্তিয়র ৫২৫দা ত্রাইএল পাংথোক্কনি

Posted On: 13 MAY 2021 10:35AM by PIB Imphal

লৈবাক অসিগী নেস্নেল রিগ্যুলেতর ওইরিবা, দ্রগস কন্ত্রোল্লর জেনেরেল অফ ইন্দিয়া (দি.জি.সি.আই.)না নীংথিনা য়েংশিল্লবা তুংদা সবজেক্ত এক্সপর্ত কম্মিত্তী (এস.ই.সি.)না হায়জরকপা য়াদুনা ভেক্সিন অসিবু পুথোক্লিবা ভারত বাইওতেক্তা ১২/৫/২০২১দা চহি ২দগী ১৮ ফাওবগী মীওই কাংলুপকীদমক্তা কোভেক্সিন (কোবিদ ভেক্সিন)গী ফেজ ২/৩গী ক্লিনিকেল ত্রাইএল পাংথোকপগী অয়াবা পীখ্রে।

এম./এস. ভারত বাইওতেক ইন্তর্নেস্নেল লিমিতেদ, হাইদ্রবাদ (বি.বি.আই.এল.)না চহি ২দগী ১৮ ফাওবগী মীওই কাংলুপকীদমক্তা কোভেক্সিন গী ফেজ ২/৩গী ক্লিনিকেল ত্রাইএল পাংথোকপগী অয়াবা পীনবা হায়রকখিবনি। ত্রাইএল অসি মশা-মউ ফবা ভলন্তিয়র ৫২৫দা পাংথোক্কনি।

ত্রাইলগী মনুংদা, নুমিৎ ০ অমসুং ২৮দা ইন্ত্রামসক্যুলর রুৎকী খুত্থাংদা দোজ অনি থোক্না কাপকনি।

অথুবা মতমদা থবক পাংথোকপগী থৌওং অমগী মখাদা, হায়জরকপা অসি ১১/৫/২০২১দা সবজেক্ত এক্সপর্ত কম্মিত্তী (এস.ই.সি.) (কোবিদ-১৯)দা খন্নখি। কম্মিত্তী অসিনা নীংথিজনা খন্নরবা তুংদা অখন্নবা হীরম খরগী মতুং ইন্না হায়রিবা ফেজ ২/৩গী ক্লিনিকেল ত্রাইএল পাংথোকপগী অয়াবা পীখিবনি।

*****



(Release ID: 1718315) Visitor Counter : 117