దేశంలో పెరుగుతున్న కోవిడ్ కేసుల దృష్ట్యా నివారణ దిశలో భారత్ చేస్తున్న కృషికి తోడుగా ప్రపంచం నలుమూలలనుంచి వివిధ దేశాలు, సంస్థలు పంపుతున్న విరాళాలు, సహాయ సామగ్రిని భారత ప్రభుత్వం అందుకుంటోంది. సంపూర్ణ పాలన లక్ష్యంగా అందరికీ ఈ సహాయం ఒక క్రమ పద్ధతిలో అందేలా ప్రభుత్వం కృషి చేస్తోంది.  భారత ప్రభుత్వంలోని వివిధ మంత్రిత్వశాఖలు ఈ సహాయాన్ని రాష్ట్రాలకు, కేంద్ర పాలిత ప్రాంతాలకు పంపటంలో సమన్వయంతో పనిచేస్తున్నాయి.

ఇప్పటిదాకా 8900 ఆక్సిజెన్ కాన్సంట్రేటర్లు; 5043 ఆక్సిజెన్ సిలిండర్లు; 18 ఆక్సిజెన్ తయారీ ప్లాంట్లు; 5698 వెంటిలేటర్లు; దాదాపు  3.4 లక్షల రెమిడిసెవిర్ ఇంజెక్షన్లు రాష్ట్రాలకు, కేంద్రపాలిత ప్రాంతాలకు పంపిణీ జరిగాయి. ఏప్రిల్ 27 నుంచి మే 9 వరకు రోడ్డు, వాయు మార్గాల ద్వారా ఈ పంపిణీ కొనసాగుతోంది.

యుకె, దక్షిణ కొరియా, యుఎస్ ఐ ఎస్ పి ఎఫ్ నుంచి 9న అందిన ప్రధాన సామగ్రి:

·        వెంటిలేటర్లు (1000)

·        ఆక్సిజెన్ కాన్సంట్రేటర్లు (2267)

·        ఆక్సిమీటర్లు (10000)

·        సిలిండర్లు (200)

తక్షణమే సమర్థవంతంగా రాష్టాలకు, కేంద్ర పాలిత ప్రాంతాలకు కేటాయించటం, పంపిణీ చేయటం అన్నవి అవిచ్ఛిన్నంగా సాగే ప్రక్రియ.  కేంద్ర ఆరోగ్య మంత్రిత్వశాఖ సమగ్రంగా ఈ కార్యక్రమాన్ని ఎప్పటికప్పుడు పర్యవేక్షిస్తూ ఉంది.  మంత్రిత్వశాఖ ఇందుకోసం ప్రత్యేకంగా ఒక సమన్వయ విభాగాన్ని ఏర్పాటు చేసింది. విదేశీ సహాయాన్ని అందుకోవటం, దాన్ని పంపిణీ చేయటం లాంటివి పర్యవేక్షిస్తుంది. ఏప్రిల్ 26 నుంచి ఈ విభాగం పనిచేయటం ప్రారంభమైంది. మే 2వ తేదీ నుంచి ప్రామాణిక ఆచరణావిధానాలు రూపొందించి అమలు చేస్తోంది.

ఫొటో 1. డెన్మార్క్ నుంచి వచ్చిన 40 వెంటిలేటర్లను ముంబయ్ నౌకాశ్రయంలో అందుకొని మహారాష్ట్రలో పంపిణీకోసం మే 9న  అందజేశారు 

ఫొటో 2:  డెన్మార్క్ నుంచి వచ్చిన 13 వెంటిలేటర్లు, ముంబై సేల్స్ ఫోర్స్ నుంచి అందుకున్న  300 ఆక్సిజెన్ కాన్సంట్రేటర్లను మహారాష్టలో పంపిణీకోసం 9వ తేదీన అందజేశారు.  

ఫొటో 3:  ఇజ్రాయిల్ నుంచి వచ్చిన ఆక్సిజెన్ ఉత్పత్తి ప్లాంట్ ను వైమానిక కేంద్రం నుంచి కర్నాటకకు పంపటానికి సిద్ధం చేస్తున్న దృశ్యం   

ఫొటోలు 4, 5: 44 ఆక్సిజెన్ కాన్సంట్రేటర్లు, 102 బాక్సుల అడాప్టర్ ప్లగ్గులు, నేసల్ కాన్యులా ను మే 10న పోర్ట్ బ్లెయిర్ లో దక్షిణ అండమాన్ నికోబార్ దీవుల డిప్యూటీ కమిషనర్ కు అందజేస్తున్న దృశ్యం

*****