ਦੇਸ਼ ਵਿੱਚ ਕੋਵਿਡ 19 ਦੇ ਬੇਮਿਸਾਲ ਉਛਾਲ ਨਾਲ ਲੜਾਈ ਲਈ ਆਪਣੇ ਯਤਨਾਂ ਨੂੰ ਵਧਾਉਣ ਲਈ ਸੰਸਥਾਵਾਂ / ਵੱਖ ਵੱਖ ਮੁਲਕਾਂ ਤੋਂ 27 ਅਪ੍ਰੈਲ 2021 ਤੋਂ ਅੰਤਰਰਾਸ਼ਟਰੀ ਦਾਨ ਅਤੇ ਕੋਵਿਡ 19 ਸਹਾਇਤਾ ਲਈ ਰਾਹਤ ਮੈਡੀਕਲ ਸਪਲਾਈ ਅਤੇ ਉਪਕਰਨ ਭਾਰਤ ਸਰਕਾਰ ਨੂੰ ਪ੍ਰਾਪਤ ਹੋ ਰਹੇ ਹਨ । ਇੱਕ ਸੁਚੱਜੀ ਅਤੇ ਨਿਯਮਿਤ ਢੰਗ ਤਰੀਕੇ ਰਾਹੀਂ "ਹਾਲ ਆਫ ਗੋਰਮਿੰਟ ਪਹੁੰਚ" ਤਹਿਤ ਭਾਰਤ ਸਰਕਾਰ ਦੇ ਵੱਖ ਵੱਖ ਮੰਤਰਾਲੇ / ਵਿਭਾਗ ਵਿਸ਼ਵ ਤੋਂ ਪ੍ਰਾਪਤ ਹੋ ਰਹੀ ਰਾਹਤ ਸਮੱਗਰੀ ਨੂੰ ਤੇਜ਼ੀ ਨਾਲ ਸੂਬਿਆਂ ਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਸਪੁਰਦ ਕਰ ਰਹੇ ਹਨ ।
ਕੁਲ ਮਿਲਾ ਕੇ 8,900 ਆਕਸੀਜਨ ਕੰਸਨਟ੍ਰੇਟਰਜ਼, 5,043 ਆਕਸੀਜਨ ਸਿਲੰਡਰ, 18 ਆਕਸੀਜਨ ਜਨਰੇਸ਼ਨ ਪਲਾਂਟ , 5,698 ਵੈਂਟੀਲੇਟਰਜ਼ / ਬੀ ਆਈ ਪੀ ਏ ਪੀ , ਤਕਰੀਬਨ 3.4 ਲੱਖ ਰੇਮਡੇਸਿਵਿਰ ਟੀਕੇ 27 ਅਪ੍ਰੈਲ ਤੋਂ 09 ਮਈ ਤੱਕ ਸੜਕੀ ਅਤੇ ਹਵਾਈ ਰਸਤੇ ਭੇਜੇ ਗਏ ਹਨ ।
ਬਰਤਾਨੀਆ , ਦੱਖਣ ਕੋਰੀਆ , ਯੂ ਐੱਸ ਆਈ ਐੱਸ ਪੀ ਐੱਫ ਤੋਂ 09 ਮਈ ਤੱਕ ਜਿਹੜੀਆਂ ਮੁੱਖ ਵਸਤਾਂ ਪ੍ਰਾਪਤ ਹੋਈਆਂ ਹਨ , ਉਹਨਾਂ ਵਿੱਚ ਹੇਠ ਲਿਖੇ ਸ਼ਾਮਲ ਹਨ ।

1.   ਵੈਂਟੀਲੇਟਰਜ਼ / ਬੀ ਆਈ ਪੀ ਏ ਪੀ / ਸੀ ਪੀ ਏ ਪੀ (1,000)
2.   ਆਕਸੀਜ਼ਨ ਕੰਸਨਟ੍ਰੇਟਰਜ਼ (2267)
3.   ਆਕਸੀਮੀਟਰਜ਼ (10,000)
4.   ਸਿਲੰਡਰ (200)

ਸੂਬਿਆਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਅਤੇ ਸੰਸਥਾਵਾਂ ਨੂੰ ਫੌਰੀ ਤੌਰ ਤੇ ਪ੍ਰਭਾਵੀ ਢੰਗ ਨਾਲ ਭੇਜੀਆਂ ਜਾ ਰਹੀਆਂ ਵਸਤਾਂ ਇੱਕ ਚਾਲੂ ਅਭਿਆਸ ਹੈ । ਕੇਂਦਰੀ ਸਿਹਤ ਮੰਤਰੀ ਰੋਜ਼ਾਨਾ ਅਧਾਰ ਤੇ ਇਸ ਦੀ ਸਮੁੱਚੀ ਨਿਗਰਾਨੀ ਕਰ ਰਹੇ ਹਨ । ਕੇਂਦਰੀ ਸਿਹਤ ਮੰਤਰਾਲੇ ਵਿੱਚ ਇੱਕ ਸਮਰਪਿਤ ਤਾਲਮੇਲ ਸੈੱਲ ਗਠਿਤ ਕੀਤਾ ਗਿਆ ਹੈ , ਜੋ ਵਿਦੇਸ਼ੀ ਕੋਵਿਡ ਰਾਹਤ ਸਮੱਗਰੀ ਜਿਵੇਂ ਗਰਾਂਟ ਅਤੇ ਦਾਨ ਦੀ ਐਲੋਕੇਸ਼ਨ ਅਤੇ ਪ੍ਰਾਪਤੀ ਲਈ ਤਾਲਮੇਲ ਕਰ ਰਿਹਾ ਹੈ । ਇਸ ਸੈੱਲ ਨੇ 26 ਅਪ੍ਰੈਲ 2021 ਤੋਂ ਕੰਮ ਕਰਨਾ ਸ਼ੁਰੂ ਕੀਤਾ ਹੈ । ਸਿਹਤ ਮੰਤਰਾਲੇ ਵੱਲੋਂ 02 ਮਈ 2021 ਤੋਂ ਇੱਕ ਸਟੈਂਡਰਡ ਆਪ੍ਰੇਟਿੰਗ ਪ੍ਰੋਸੀਜ਼ਰ ਬਣਾਇਆ ਅਤੇ ਲਾਗੂ ਕੀਤਾ ਗਿਆ ਹੈ ।



ਫੋਟੋ—1 : ਡੈਨਮਾਰਕ ਤੋਂ ਬੀਤੇ ਦਿਨ 40 ਵੈਂਟੀਲੇਟਰ ਪ੍ਰਾਪਤ ਹੋਏ , ਜਿਹਨਾਂ ਨੂੰ 09—05—2021 ਨੂੰ ਮਹਾਰਾਸ਼ਟਰ ਸੂਬੇ ਵਿੱਚ ਵੰਡਿਆ ਗਿਆ ।



ਫੋਟੋ—2 : ਡੈਨਮਾਰਕ ਤੋਂ 13 ਵੈਂਟੀਲੇਟਰ ਅਤੇ ਮੁੰਬਈ ਸੇਲਜ਼ ਫੋਰਸ ਤੋਂ 300 ਆਕਸੀਜਨ ਕੰਸਨਟ੍ਰੇਟਰਜ਼ ਪ੍ਰਾਪਤ ਹੋਏ , ਜੋ 09—05—2021 ਨੂੰ ਮਹਾਰਾਸ਼ਟਰ ਸੂਬੇ ਵਿੱਚ ਵੰਡੇ ਗਏ ।



ਫੋਟੋ—3 : 2 ਆਕਸੀਜਨ ਜਨਰੇਸ਼ਨ ਪਲਾਂਟ ਇਜ਼ਰਾਈਲ ਤੋਂ ਆਉਣ ਲਈ ਤਿਆਰ ਬਰ ਤਿਆਰ ਹਨ , ਕਰਨਾਟਕ ਸੂਬੇ ਵਿੱਚ ਵੰਡੇ ਜਾਣਗੇ ।

 

ਫੋਟੋ—4 : ਡਿਪਟੀ ਕਮਿਸ਼ਨਰ , ਦੱਖਣ ਅੰਡੇਮਾਨ ਤੇ ਨਿਕੋਬਾਰ ਦੀਪ ਨੂੰ 44 ਆਕਸੀਜਨ ਕੰਸਨਟ੍ਰੇਟਰ ਅਤੇ 102 ਅਡਾਪਟਰ ਪਲੱਗਸ ਅਤੇ ਨੇਜ਼ਲ ਕੈਨੂਲਾ ਦੇ ਬਕਸੇ ਪੋਰਟਬਲੇਅਰ ਵਿੱਚ 10—05—2021 ਨੂੰ ਸੌਂਪੇ ਗਏ ।
 

******************

ਐੱਮ ਵੀ