রাজ্যশিংদা খঙহনখিবা অদুগুম্না, কোবিদ ফেসিলিতীগী তোঙান তোঙানবা কেতিগোরীশিংদা কোবিদ পেসেন্তশিং এদমিসন তৌনবগী লৈরিবা নেস্নেল পোলিসী অদু হকশেল অমসুং য়াইফ য়ুম্বালগী কেন্দ্রগী মন্ত্রালয়না শেমদোকখ্রে৷ অসিগুম্বা পেসেন্তশিংগীদমক খল্লিবা খোঙথাং অসিনা কোবিদ-১৯না নারবা পেসেন্তশিং মতম চানা অমসুং ইফেক্তিব ওইনা লাইয়েং চত্থনবা পান্দম থম্লি৷

কেন্দ্র সরকারনা রাজ্য অমসুং য়ু.তি. পুম্নমক্তা খঙহনখিবগী মতুং ইন্না, কোবিদ পেসেন্তশিং লাইয়েংলিবা প্রাইভেৎ হোস্পিতালশিং(রাজ্যশিং অমসুং য়ি.তি.শিংদা লৈরিবা) য়াওনা কেন্দ্র সরকার, রাজ্য সরকারশিং অমসুং য়ুনিয়ন তেরিতোরী এদমিনিস্ত্রেসনগী মখাদা লৈরিবা হোস্পিতালশিংনা মখাগী চৎনা কাংলোনশিং অসি ইল্লগনি:

1. কোবিদ হেল্থ ফেসিলিতী অমদা এদমিসন তৌবা মতমদা কোবিদ-১৯ ভাইরসকী পোজিতিব  তেস্ত তৌবা মরু ওইদ্রে৷ লাইচৎ অসি নারম্বা য়াই হায়না চিংনবা কে অদুনা সি.সি.সি., দি.সি.ঐচ.সি. নত্রগা দি.ঐচ.সি.দা এদমিত তৌরগনি৷
2. ওইনিংবা অমা হেক্তা ওইবা তারবসু পেসেন্ত অমতদা সর্ভিস পীদবা য়ারোই৷ মসিগী মনুং চল্লিবা অদুদি, করিগুম্বা পেসেন্ত অদুনা তোঙানবা শহর অমদগী ওইবা তারবসু ওক্সিজেন নত্রগা তঙাই ফদবা দ্রগশিং ফংহন্দুনা লাইয়েং চত্থগদবনি৷
3. হোস্পিতাল অদুনা লৈরিবা শহর অদুগী ভেলিদ ওইবা আইদেন্তিতী কার্দ অমা পুথোকপা ঙমদ্রে হায়দুনা পেসেন্ত অমতা এদমিসন তৌহন্দবা য়ারোই৷
4. কোবিদ নারিবা মীওই অদুগী তঙাই ফদবগী মতুং ইন্না হোস্পিতালদা এদমিত তৌগদবনি৷ হোস্পিতেলাইজেসন দরকার ওইদবা মীওইশিংনা হোস্পিতালগী ফমুংশিং কনশিল্লোইদবনি৷ মখাতানা, পেসেন্ত অদু দিসচার্জ তৌবা অসি https://www.mohfw.gov.in/pdf/ReviseddischargePolicyforCOVID19.pdfদা ফংলিবা রিভাইস দিসচার্জ পোলিসীগী মতুং ইন্না য়াম্না চেকশিন্না পাংথোক্কদবনি৷

এপ্রোপ্রিয়েত ওইবা য়ুনিফোর্ম পোলিসী অমনা মহুৎ শিন্দ্রি ফাওবা মথক্কী দাইরেক্সনশিং অসি য়াওবা তঙাই ফদবা ওর্দরশিং অমসুং সর্কুলরশিং নুমিৎ ৩গী মনুংদা ফোংনবা কেন্দ্রগী হকশেল মন্ত্রালয়না রাজ্যশিং/য়ুনিয়ন তেরিতোরীশিংগী চীফ সেক্রেতরীশিংদা খঙহনখ্রে৷

কোবিদ-১৯ সর্পেক্ত/কনফর্ম কেসশিং নিংথিনা লাইয়েংনবগীদমক মমাংদা হকশেল মন্ত্রালয়না তাইয়র অহুম লৈবা হেল্থ ইনফ্রাস্ত্রকচর শেমগৎনবগী পোলিসী অমা লাওথোকখ্রে৷ ২০২০গী এপ্রিল ৭তা ফোংখিবা গাইদেন্স দোকুমেন্ত অদুনা মখাগীশিং অসি শেমগৎনবা পান্দম থম্লি:

1. মাইল্দ কেসশিং থমদুনা কেয়র লৌগদৌরিবা কোবিদ কেয়র সেন্তর(সি.সি.সি.)৷ হায়রিবশিং অসি পব্লিক অমসুং প্রাইভেৎ অনিমক্কী ওইনা লৈরিবা হোস্তেলশিং, হোতেলশিং, স্কুলশিং, স্তেদিয়মশিং, লোজশিংদা শেমগৎখ্রে৷ নন-কোবিদ কেসশিং লাইয়েংলিবা সি.ঐচ.সি.গুম্বা ফঙ্কসনেল হোস্পিতালশিং অরোইবা রিসোর্ত ওইনা কোবিদ কেয়র সেন্তরশিং ওইনা ওন্থোক্লবা য়াই৷
2. মোদেরেত কোবিদ কেস পুম্নমক্তা দেদিকেতেদ কোবিদ হেল্থ সেন্তর(দি.সি.ঐচ.সি.)না কেয়র লৌরগনি৷ সেন্তরশিং অসি ফুল হোস্পিতাল অমা ওইবা নত্রগা চংফম/থোকফম/জোনিং তোখায়না লৈবা হোস্পিতাল অমদা লৈরিবা তোখায়বা ব্লোক অমা ওইগদবনি৷ প্রাইভেৎ হোস্পিতালশিং কোবিদ দেদিকেতেদ হেল্থ সেন্তরশিং ওইনা ওন্থোক্লবা য়াই৷ হায়রিবা হোস্পিতালশিং অসিদা ওক্সিজেন সপোর্ত তৌরবা ফমুংশিং লৈরগনি৷
3. ফিভম শোকচিন্না নারিবা কোবিদ কেসশিংদা দেদিকেতেদ কোবিদ হোস্পিতাল(দি.সি.ঐচ.)না চেকশিন্না কেয়র লৌরগনি৷ হোস্পিতালশিং অসি ফুল হোস্পিতাল অমা ওইবা নত্রগা চংফম/থোকফম তোখায়না লৈবা হোস্পিতাল অমদা লৈরিবা তোখায়বা ব্লোক অমা ওইগদবনি৷ প্রাইভেৎ হোস্পিতালশিং কোবিদ দেদিকেতেদ হেল্থ হোস্পিতালশিং ওইনা ওন্থোক্লবা য়াই৷ হায়রিবা হোস্পিতালশিং অসিদা মপুং ফানা ইক্ব্যুইপ তৌরবা আই.সি.য়ু.শিং, ওক্সলিজেন সপোর্ত লৈরবা ভেন্তিলেতরশিং অমসুং ফমুংশিং লৈরগনি৷

মাইল্দ কেসশিংনা সি.সি.সি.দা, মোদেরেত কেসশিংনা দি.সি.ঐচ.সি.দা অমসুং কা হেন্না ফিভম লুরবা কেসশিংনা দি.সি.ঐচ.তা এদমিসন তৌননবগীদমক মথক্তা পল্লিবা কোবিদ হেল্থ ইনফ্রাস্ত্রকচর অসিনা ক্লিনিকেল মেনেজমেন্ত প্রোতোকোলগা এলাইন তৌখ্রে৷                                          

*****