রেমদেসিভিরগী রাজ্য খুদিংদা তঙাই ফদবা লৈরিবা অমসুং মরাং কায়না ফংহন্নবগীদমক্তা কেমিকেল্স অমসুং ফর্তিলাইজর্সকী কেন্দ্র মন্ত্রী, শ্রী দি.ভি. গৌদানা মে ১৬, ২০২১ ফাওবগী রেমদেসিভির য়েন্থোকপগী ৱারোল লাউথোকখ্রে। থৌওং অসিনা রেমদেসিভিরবু লৈবাক শিনবা থুংবদা ফংহন্দুনা অনাবা অমত্তনা লাইচৎকী মতমদা অৱাবা মাইয়োক্নহল্লোই হায়না মহাক্না মখা তানা হায়খি।

ফার্মাস্যুতিকেল্স বিভাগ অমসুং হকশেল অমসুং য়াইফ য়ুম্বাল মন্ত্রালয়না রাজ্যশিংদা ইখিবা চিঠি অমদা মে ১, ২০২১দা থোকখিবা ৱারোলদা দি.ও.না খঙহনখিবা এপ্রিল ২১দগী মে ৯ ফাওবগী রেমদেসিভির য়েন্থোকপগী থৌরাংগী মখা চত্থবা ওইনা এপ্রিল ২১দগী মে ১৬, ২০২১ ফাওবগী ওইনা রেমদেসিভির য়েন্থোকপগী শেমদোক্লবা কাংলোন অসি ফার্মাস্যুতিকেল্স বিভাগ অমসুং হকশেল অমসুং য়াইফ য়ুম্বাল মন্ত্রালয় অনিনা পুল্লগা শেম্বনি হায়না পনখি।

মসিগী য়েন্থোকপগী কাংলোন অসি রাজ্য/য়ু.তি.শিংগীদমক্তা শেমখিবনি অমসুং রাজ্য সরকার অমদি য়ু.তি.দা মখোয়গী মফমশিংগী মতিক চাবা সরকার অমসুং লন্নাইগী হোস্পিতালশিংদা কাংলোন চুম্না শিজিন্নবগী পান্দমগা লোয়ননা নীংথিজনা য়েন্থোকপগী থবকশিং য়েংশিন্নবা খঙহনখ্রে।

রাজ্য/য়ু.তি. সরকারশিংদা করিগুম্বা মখোয়না হৌজিক ফাওবা পাংথোক্ত্রিবা ওইরগদি, কম্পেনীশিংগী লাইএজন ওফিসরশিংগা কুপ্না খন্নরবা তুংদা সপ্লাই চেনগী মতুং ইন্না মখোয়দা লৈবা য়াবগী অয়াবা পীরিবা মশিং য়েংদুনা মখোয়না পাম্লিবা মশিংদা রেমদেসিভির লৈনবা চুনবা ওর্দরশিংবু মসিবু য়োল্লিবা কম্পেনীশিংদা খুদক্তা পীনবা খঙহনখ্রে।  রাজ্যশিংদা লৈরিবা প্রাইভেৎ দিস্ত্রিব্যুসন চেনেলশিংগা খুৎশম্নবসু য়াগনি।

******