કોવિડ-19 મહામારી સામે દેશની જંગમાં ભારત સરકાર તમામ રાજ્યો અને કેન્દ્રશાસિત પ્રદેશોના સહકાર સાથે “સંપૂર્ણ સરકાર”નો અભિગમ અપનાવીને સતત અગ્રેસર રહીને સ્થિતિને સંભાળી રહી છે. કોવિડ-19 મહામારીના નિયંત્રણ અને વ્યવસ્થાપન માટે ટેસ્ટ, ટ્રેસ, ટ્રેક અને કોવિડ માટે યોગ્ય આચરણના પાલન ઉપરાંત, ભારત સરકારની પાંચ મુદ્દાની વ્યૂહનીતિમાં પાંચમો મહત્વપૂર્ણ આધારસ્તંભ રસીકરણ કવાયત છે.

સમગ્ર દેશમાં કોવિડ-19 રસીકરણ માટે ઉદારીકૃત અને પ્રવેગિત તબક્કા-3ની વ્યૂહનીતિનો 1 મે 2021થી પ્રારંભ કરવામાં આવ્યો છે. નવા પાત્રતા ધરાવતા વયજૂથના લાભાર્થીઓ માટે નોંધણીની પ્રક્રિયા 28 એપ્રિલના રોજથી શરૂ કરી દેવામાં આવી છે. સંભવિત લાભાર્થીઓ સીધા જ CoWIN પોર્ટલ (cowin.gov.in) પર જઇને અથવા આરોગ્યસેતૂ એપ્લિકેશનના માધ્યમથી રસીકરણ માટે નોંધણી કરાવી શકે છે.

ભારત સરકારે તમામ રાજ્યો/કેન્દ્રશાસિત પ્રદેશોને આજદિન સુધીમાં રસીના લગભગ 17.02 કરોડ (17,02,42,410) ડોઝ વિનામૂલ્યે પૂરાં પાડ્યાં છે. આમાંથી રસીના બગાડ સહિત 16,07,94,796 ડોઝનો વપરાશ થયો છે (આજે સવારે 8 વાગ્યા સુધીમાં પ્રાપ્ત થયેલા ડેટા અનુસાર).

રાજ્યો/કેન્દ્રશાસિત પ્રદેશો પાસે રસીકરણની પ્રક્રિયા આગળ વધારવા માટે કોવિડની રસીના 94.47 લાખ કરતાં વધારે ડોઝ (94,47,614) હજુ પણ ઉપલબ્ધ છે.

આ ઉપરાંત, આગામી 3 દિવસમાં રાજ્યો/કેન્દ્રશાસિત પ્રદેશોને રસીના 36 લાખ કરતાં વધારે (36,37,030) ડોઝ પ્રાપ્ત થઇ જશે.

**********************

SD/GP/JD/PC