নাগালেন্দ রাজ্য সরকারনা হায়জরকপগী মতুং ইন্না, ঙসি দিমাপুরদা আইসোলেসন কোচেস ১০ থম্নবা রেলৱেনা হোৎনরি

কোবিদকী মাইয়োক্তা অমতা ওইনা পুন্না লান্থেংমিন্নবদা লৈবাক অসিগী তৌবা ঙম্বা শক্তি অদু হেনগৎনবা, রেলৱে মন্ত্রালয়না ফমুং ৬৪০০০গী কেপাসিতী লৈবা আইসোলেসন কোচেস ৪০০০রোম কোবিদকী শিজিন্ননবা থমখ্রে৷ হায়রিবা আইসোলেসন কোচশিং অসি য়াম্না লাইনা ইন্দিয়ন রেলৱে নেতৱার্ককী মনুং চন্না লৈরিবা মফম অমদগী অতোপ্পা মফম অমদা পুথোক-পুশিন তৌদুনা থম্বা য়াই৷

রাজ্যশিংনা হায়জরকপগী মতুং ইন্না, হৌজিক হৌজিক্কী কোবিদ কেয়রগী ওইনা ফমুং ৩৪০০রোম লৈবা কোচ ২১৩ তোঙান তোঙানবা রাজ্যশিংদা খুৎশিন্নখ্রে৷ হৌজিক হৌজিক্কী ওইনা দিল্লি, মহারাস্ত্র(অজনি আই.সি.দি., নন্দ্রুবার), মধ্য প্রদেশ(ইন্দোরগী মনাক্তা লৈরিবা তিহি)দা আইসোলেসন কোচেসশিং অসি শিজিন্নরি৷ আইসোলেসন কোচশিং অসিগীদমক খ্বাইদগী নৌনা হায়জরকপা রাজ্য অদু নাগালেন্দ ওইরে৷ মসিগী মতুং ইন্না, রেলৱেনা দিমাপুরদা আইসোলেসন কোচেস ১০ থম্নবা য়াম্না কন্না হোৎনরি৷

রেলৱেনা উত্তর প্রদেশকী অচৌবা শহরশিং ফাইজবাদ, ভাদোহি, বরানাসি, বরেলি অমসুং নাজিববাদতা কোচেস ৫০সু থমখ্রে৷ দিস্ত্রিক ওথোরিতীস দিমান্দগী মতুং ইন্না, আইসোলেসন কোচশিং নন্দ্রুবারদগী পালঘরদা হোংদোক্তুনা থমখ্রে৷ জবালপুরগীসু আইসোলেসন কোচেসশিং থমগদৌরি৷

দিল্লি, য়ু.পি., এম.পি., অমসুং মহারাস্ত্র রাজ্যশিংদা থম্লিবা কোচশিং অসি শিজিন্নবগী অপদেতেদ পোজিসন অদু মখাদা পীরি -

নন্দ্রুবারদা(মহারাস্ত্র), হৌখিবা নুমিৎ খরনি অসিদগী ঙসি ফাওবদা নৌনা ৬ এদমিসন তৌরকখ্রে অমসুং পেসেন্ত ৩না আইসোলেসন মতম লোইবদগী দিচার্জ তৌখ্রে৷ মসিগী ফেসিলিতী অসিদা হৌজিক হৌজিক কোবিদ পেসেন্ত ৩৫ আইসোলেসন তৌদুনা লৈরি৷ অপুনবগী ওইনা হৌজিক ফাওবদা, মীওই ৯৫ এদমিসন তৌরকখ্রে অমসুং স্তেত হেল্থ ওথোরিতীশিংনা পেসেন্ত ৬০ দিচার্জ তৌখ্রে৷ হৌজিক হৌজিক ফমুং ৩৪৩ লৈরি৷ রেলৱেনা অজনি ইনলেন্দ কন্তেনর দিপোততসু কোবিদ কেয়র কোচেস ১১ (কোচ অমদি মেদিকেল পর্সোনেল অমসুং সপ্লাইশিংগী ওইনা শিজিন্নরি)থমদুনা নাগপুর মুনিসিপাল কোর্পোরেসনদা খুৎশিন্নখ্রে৷

মধ্য প্রদেশকী রাজ্য সরকারনা কোচেস ২গীদমক হায়জরকপগী মতুং ইন্না, ৱেস্তর্ন রেলৱেগী রতলম দিভিজননা ইন্দোর মনাক্তা লৈরিবা তিহি স্তেসনদা ফমুং ৩২০ লৈবা কোচেস ২২ থমখ্রে৷ হৌজিক ফাওবদা মফম অসিদা পেসেন্ত ১২ এদমিত তৌখ্রে৷ মসিগী ফেসিলিতী অসিদা ফমুং ৩০৮ লৈ৷ ভোপালদা কোচ ২০ দিপ্লোই তৌখ্রে৷ খ্বাইদগী নৌরিবা দাতাগী মতুং ইন্না, মসিগী ফেসিলিতী অসিদা মীওই ২১ এদমিসন তৌরকখ্রে অমসুং পেসেন্ত ৪না নাবা ফরক্তুনা দিচার্জ তৌখ্রে৷ মসিগী ফেসিলিতী অসিদা ফমুং ২৭৫ লৈ৷

দিল্লিদা, রাজ্য সরকারনা য়াম্না কন্না হায়জরকপগী মতুং ইন্না, রেলৱেনা ফমুং ১২০০গী কেপাসিতি লৈবা কোবিদ কেয়র কোচেস ৭৫ থমখ্রে৷ শাকুর্বস্তিদা কোচ ৫০ অমসুং অনন্দ ভিহার স্তেসনদা কোচেস ২৫ থমখ্রে৷ ঙসি ফাওবদা মীওই ৪ অদমিসন তৌরকখ্রে অমসুং পেসেন্ত ১ দিচার্জ তৌখ্রে৷ হৌজিক হৌজিক ফমুং ১১৯৬ লৈরি৷

খ্বাইদগী নৌবা রিপোর্তকী মতুং ইন্না, মথক্তা পল্লিবা রাজ্যশিং অসিদা হায়রিবা ফেসিলিতীশিং অসি শিজিন্নবগী চাং অসি পুন্না মীওই ১২৩ এদমিসন তৌরকখি অমসুং মীওই ৬২না অনাবা অসিদগী ফরক্তুনা দিচার্জ তৌখি৷ হৌজিক হৌজিক কোবিদ পেসেন্ত ৬১না আইসোলেসন কোচশিং অসি শিজিন্নরি৷ দিমাপুরদা নৌনা থম্লিবা কোচশিং অসি য়াওনা হায়রিবা ফেসিলিতীশিং অসিদা হৌজিক হৌজিক হাংদুনা লৈরিবা ফমুং মশিং অসি পুন্না ৩২০০নি৷

য়ু.পি.দা, রাজ্য সরকার অসিনা কোচশিং অসিগীদমক হৌজিক ফাওবদা হায়রক্তবা তারবসু, ফাইজবাদ, ভাদোহি, বরানাসি, বরেলি অমসুং নাজিববাদতা পুন্না ফমুং কেপাসিতী ৮০০ লৈবা কোচেস ১০-১০ থমখ্রে(পুন্না কোচেস ৫০)৷

হৌজিক হৌজিক অসাম রাজ্য সরকারনা রেলৱে কোচশিং অসি শিজিন্নদবা তারবসু, রাজ্য অসিনা দরকার ওইরকপা মতমদা কোবিদ কেচেস ১৫০ শিজিন্নবা য়াবা মওং অমদা অদুমক থম্বিয়ু হায়না অসাম সরকারনসু হায়জখ্রে৷ রাজ্য অসিনা কোচশিং অসি দরকার ওইরকপা মতমদা কোচশিং অসি থম্বা য়াবা মফম তরুক অদুদি কমাখ্য/গুৱাহতি, লুমদিং, ন্যু বোনগাইগোন, সিল্চর, বদার্পুর অমসুং দিব্রুগরনি৷

*****