কোবিদ-১৯গী অনিশুবা ৱেভ থোক্লকপনা মরম ওইদুনা গুদ অমসুং সর্ভিস তেক্স (জি.এস.তি.)কী কাংলোন ইনবদা তেক্সপেয়রশিংনা থেংনরিবা খুদোংচাদবশিং অসি য়েংলদুনা সরকারনা মে ১, ২০২১গী তাংদা তেক্সপেয়রশিংদা তোঙান-তোঙানবা তেংবাং পীবা নোতিফিকেসন থোকখ্রে। তেংবাংশিং অসি মখাদা শন্দোক্না তাক্লিঃ

১) শেন্দোইগী চাং হন্থহনবা

মখাগী কেসশিং অসিদা তেক্স থিবদা থেঙবা মীওইশিংগীদমক্তা মমাংদা চৎনরম্বা চহিগী ১৮%গী শেন্দোইগী চাংদগী হন্থবা শেন্দোই পীবগী ৱারোল পীরি।

ক) অপুনবা তর্নওভরনা লুপা করোর ৫গী মথক্তা লৈবা রেজিস্তর তৌরবা মীওইঃ মার্চ ২০২১ অমসুং এপ্রিল ২০২১গী তেক্স পীথোক্কদবা নুমিৎকী মতুং তারকপা অহানবা নুমিৎ ১৫নিগী ওইনা ৯%গী হন্থবা শেন্দোই অমসুং মখা তাবা নুমিৎশিংগীনা ১৮%গী চাংদা এপ্রিল ২০২১ অমসুং মে ২০২১দা পীবা য়াগনি হায়বা ৱাফম থোকখ্রে।

খ) লুপা করোর ৫ ফাওবগী অপুনবা তর্নওভবর লৈদুনা রেজিস্তর তৌরবা মীওইঃ মার্চ ২০২১ অমসুং এপ্রিল ২০২১গী তেক্স পীফম থোকপা মতমগী তেক্সশিং অসি নোর্মেল তেক্সপেয়র অমসুং ক্যু.আর.এম.পি.গী মখাদা লৈবা মীওইশিংনা তেক্স পীগদবা নুমিৎকী মতুংগী অহানবা নুমিৎ ১৫নিগী ওইনা ০%, মথংগী নুমিৎ ১৫নিগী ওইনা ৯% অমসুং মখা তাবা নুমিৎশিংগী ওইনা ১৮%গী শেন্দোইগা লোয়ননা এপ্রিল অমসুং মে ২০২১ থীবা য়াগনি হায়বা ৱাফম থোকখ্রে। 

গ) কম্পোসিজন স্কিমগী মখাদা তেক্স পীজগে হায়না রেজিস্তর তৌবা মীওইঃ মার্চ ৩১, ২০২১দা লোইখিবা ক্বার্তরগী ওইনা তেক্স পীথোক্কদবা নুমিৎকী মতুং তাবা অহানবা নুমিৎ ১৫নিদা ০% শেন্দোই, মথংগী নুমিৎ ১৫নিদা ৯% অমসুং মখা তারকপা নুমিৎশিংদা ১৮%গী শেন্দোইগা লোয়ননা এপ্রিল ২০২১গী মনুংদা থীদোকপা য়াগনি হায়বা ৱাফম থোকখ্রে।

২) থেংনা থীবগী ফী লৌথোকপা

ক) অপুনবা তর্নওভরনা লুপা করোর ৫গী মথক্তা লৈবা রেজিস্তর তৌরবা মীওইঃ  এপ্রিল অমসুং মে ২০২১দা মথংশিৎনা থীদোক্কদবা মার্চ অমসুং এপ্রিল ২০২১গী ফোর্ম জি.এস.তি.আর.-৩ বি. অসি পীফম থোকপা নুমিত্তগী নুমিৎ ১৫নি থেংথনা থীবদা লেৎ ফী লৈরোই।

খ) লুপা করোর ৫ ফাওবগী অপুনবা তর্নওভবর লৈদুনা রেজিস্তর তৌরবা মীওইঃ থাগী রীতর্নস থীদোকপা তেক্সপেয়রশিংগীদমক্তা এপ্রিল অমসুং মে ২০২১দা মথংশিৎনা থীদোক্কদবা মার্চ অমসুং এপ্রিল ২০২১গী ফোর্ম জি.এস.তি.আর.-৩ বি. অমসুং ক্যু.আর.এম.পি.গী মখাদা ক্বার্তরগী রীতর্নস থীদোকপা তেক্সপেয়রশিংগীদমক্তা এপ্রিল ২০২১দা পীফম থোকপা জনুৱারী-মার্চ ২০২১গী তেক্স অসি পীফম থোকপা নুমিত্তগী নুমিৎ ৩০নি থেংথনা থীবদা লেৎ ফী লৈরোই।

৩) জি.এস.তি.আর.-১, আই.এফ.এফ., জি.এস.তি.আর.-৪ অমসুং আই.তি.সি.-০৪ থীবগী অরোইবা নুমিৎ শাংদোকপা

ক) এপ্রিল থাগী (মে থাদা থীদোক্কদবা) ফোর্ম জি.এস.তি.আর.-১ অমসুং আই.এফ.এফ., থীদোকপগী অরোইবা নুমিৎ অসি নুমিৎ ১৫নি শাংদোক্লে।

খ) শেনবা চহি ২০২০-২১গী ফোর্ম জি.এস.তি.আর.-৪ থীদোকপগী অরোইবা নুমিৎ অসি এপ্রিল ৩০, ২০২১দগী মে ৩১, ২০২১ ফাওবা শাংদোক্লে।

গ) জেন-মার্চ ২০২১ ক্বার্তরগী ফোর্ম আই.তি.সি.-০৪ থীদোকপগী  মতম অসি এপ্রিল ২৫, ২০২১দগী মে ৩১, ২০২১ ফাওবা শাংদোক্লে।

৪) সি.জি.এস.তি. কাংলোন খরদা শেমদোকপা

ক) আই.তি.সি. ফংবদা কোম্থোকপাঃ রুল ৩৬(৪), হায়বদি, এপ্রিল অমসুং মে ২০২১গী অপুনবদা য়ুম্ফম ওইরগা চৎনগদবা ফোর্ম জি.এস.তি.আর.-৩বি.গী আই.তি.সি. ফংবগী ১০৫%গী অকক্নবা লৈবা, অসি মে ২০২১গী তেক্স থীবগী মতমদসু চৎনগনি। নত্ত্রগনা,  রুল ৩৬(৪) অসি তেক্সকী মতম খুদিংদা চৎনগনি।

খ) ইলেক্ত্রোনিক ভেরিফিকেসন কোদ শিজিন্নদুনা কম্পেনীশিংনা জি.এস.তি.আর.-৩বি. অমসুং জি.এস.তি.আর.-১/আই.এফ.এফ. ফাইল তৌবগী থৌওং অসি ২৭/৪/২০২১দগী ৩১/৫/২০২১ ফাওবা য়াহনখ্রে।

৫) সি.জি.এস.তি. এক্তকী সেক্সন ১৬৮(এ.)গী মখাদা লৈবা স্তেতুতরী তাইমদা শাংদোকপাঃ  এপ্রিল ১৫, ২০২১দগী মে ৩০, ২০২১ ফাওবগী মতমগী মনুং চন্দুনা ওথোরিতী নত্ত্রগা অতোপ্পা মীওই অমা হেক্তনা জি.এস.তি. এক্তকী মখাদা তোঙান-তোঙানবা থবক লোইশিনবগী অকক্নবা মতমশিং অসি নোতিফিকেসন অসিদা পল্লিবা অখন্নবা হীরমশিংগী মতুং ইন্না মে ৩১, ২০২১ ফাওবা শাংদোকখ্রে।

****

[অকুপ্পা মরোলগীদমক্তা  মফম অসিদা ক্লিক তৌবীয়ু অমসুং হীরম অসিগী মতাংদা আইন্না য়ারে হায়দুনা থোকখিবা নোতিফিকেসন পাবীয়ু।]